|غموض جارُنا|
الكاتبة سناريآ
قناة التلي https://t.me/nurse2_4
أذا اعجبك البارت لا تنسى التصويت وترك تعليق جميل
أرينا: ما ادري شجنت افكر من گتلة هيج شي بس بكل الاحوال اني متأكدة ردت انهزم من عصبيتة وغضبة بحياتي ما شايفة هيج شخص عصبي بحيث الاوردة الجوة عيونة بينن وكأن وحش مفترس
گال بصوت مرعب وبفحيح مثل الافعى
_بعد اسبوع من هذا اليوم اجي اخطبج واذا ما توافقين راح تشوفين شي ما يعجبج هاي جزات اليدخل بشي ما يخصة
هزيتلة راسي وسحبت نفسي ؏ البطيئ لما دخلت جوة نزلت اركض بسرعة على غرفتي ودگات قلبي عبالك بماراثون بحيث العرق صار يتصبب من جبيني ؏ الرغم من برودة الجو، حطيت ايدي على قلبي احاول انظم دقاتة وأستعيد توازني
اتمشيت باقدام مرتجفة وذبيت نفسي ؏ السرير، اختليت جوة البطانية واحجي ويا نفسي صدگ راح يتزوجني بس هو حياتة ما مفهومة شلون اتزوجة وفوگاها أني بعدني صغيرة وما مفكرة بالزواج ابد واهلي مستحيل يوافقون بهذا العمر شنو راح أسوي لا لا مستحيل أني وين ذبيت نفسي، يعني راح يسويها من صدگ ويتزوجني يمة لا ان شاء الله كذب بس شكلة ابد ما يوحي بالكذب والأستهزاء ياربي ساعدني
رديت على نفسي وگلت خل انام علساس من صدگ راح يجي يخطبني والله اني ثولة شعندي ادخل بخصوصيات الناس دائما موگعة نفسي بمشاكل وما اعرف اتصرف بقيت ارجف من الخوف وكل ما اتذكر شكلة عيوني ادمع بحياتي كلها ما صايرة وياي هيج موقف مرعب ويا ولد بس اني استاهل لاني غبية وحشرية
بقيت للصبح گاعدة فكرة توديني وفكرة تجيبني رحت ؏ الدوام واني فكري مشتت وكل شوية فازة من مكاني واتخيلة
ورا اسبوع اجة آدم علينا دخل هو وبابا واخواني بالاستقبال جهزت القهوة واني متوترة يعني من صدگ اجة يخطبني
امي وحزيران گاعدات وعلى وجوهن معالم الحيرة ويتناقشن على سبب جيتة لان هو ابد من عرفنا ابد ما جاي زيارة لبيتنا
ورا حوالي ساعة سمعت صوتة وهو يطلع طلعوا اخواني ودعو لباب البيت دخلت ماما على بابا بالاستقبال واحنا دخلنا وراها جان صافن ما يحجي اي شي دخلو آسر وامجد آسر جان امبين معصب وضايج رأسا عافنا وصعد وامجد دخل عالصالة گعد عالقنفة ويگلب بمويلة
ماما سألت بابا عن سبب زيارة جارنا ادم رد هو وگال ماكو شي هيج جي مجرد زيارة ماما احسها ما اقتنعت وبابا يمكن ما راد يحجي گدامنا
عفتهم وصعدت لغرفتي سويت نفسي ما مهتمة گمت افكر بين وبين نفسي يعني صدک اجة يخطبني بس اني جنت اتشاقة من گتلة راح اتزوجك هذا لو هو اتخبل لو اتخبل ماكو غيرها
