ماهويت مـن الهوى واهل الهوى الا وليفٍ

الـبارت ١١

.........••.........

صلى صلاه الظهر ودخل الفيلا وشاف أمه جالسه وتستغفرالله وقدامها القران فوق الطاوله الوسيعه ، ابتسم وتقدم وانحنى يقبل راسها وقال ، تقبل الله يأمه

ام زَهْيَان ببتسامه:امين ياروحي

توك راجع من المسجد

زيّان هز براسه وقال:ايه؟؟

ام زَهْيَان بفخر بعيالها ملتزمين

بالصلاة ولا لهم حركات الشباب ذا الزمان اللي صار يخوف:الله يثبتك يايمي الا اقول وينه زَهْيَان مادخل معك

زيّان ببتسامه وهو يفرد ظهره على الكنبه:ماتصدقين صادف واحد من زملائه ويسولف معه الظاهر بدايه فكه العقده والعزلة

ام زَهْيَان بسعاده:تقول هالكلام صادق ؟؟

زيّان بسعاده وقهقه:أي بالله اقول هالكلام صادق وحتى مانتبه لي ونا اقوله برجع البيت والله يا مه تشوفينه تقولين هذا ماعمره سولف مايعطي نفسه فرصه

آم زَهْيَان براحه وطمأنينة ضناها

يرجع مثل اول بتدريج:يارب لك الحمد والمنه ،جعل دايم كذا ويرجع زَهْيَان اللي نعرفه

البشوش

زيّان بتايد رفع كفوفه جهة

القبله:اللهم امين يارب!!!' الا قول يامه

بتر كلمته صراخ اخته وهي تغني اغنيه كوريه بصوتها الصاخب الجميل المغنج وهي تنزل الدرج وماسكه بستها وتدور فيها لا لهآ لا حول ولا قوةً وترجع تحضنها وتبوسها ..

بتر ازعاجها عصبيه زيّان وهو يقول:هيييييه هيييييه وش هذا الازعاج

ام زَهْيَان بفقدان الامل فيها:هذا

بدال ماتستغفرين انتي نـــــازلــــه وتغنين لاحول ولا قوة الا بالله ، الله يثبتش والله محدن مخربش الا الخبول اللي تتابعينهم والبهيم اللي معش

مُلهمة زمت ثغرها بدلع وتحرك شعرها

المصبوغ بلون الوردي وهي تجلس على كنبه

منفرده وتقول بلكنه الكوريا:أومأ ، قلتلش مب أسمه بهيم اسمه ، قط ، آو بسة

زيّان بقهر وعصبيه:تعدلي زين لش

يامُلهمة تراش تنرفزيني من ولاشي تفقعين مرارتي حتى لو انش ساكته لا نطقي بحرف يجيني إحساس اذبحش ونهيش ..

مُلهمة تعدل غرتها اللي لايقه عليها شكلها

طبق الاصل كوريات، ميلت ثغرها وعفست

وجهها بعد اهتمام لتواعده وهو يصارخ كل ذا تستفزه وتقول:بأبو!' ،(يعني احمق؟؟

زيّان قام وماشاف إلا غبرتها:أقسم بالله اذا مـــــــــــــــــــــــــا عقلتي لانتف شعرش هذا كانش مشتل الله ياخذش ويفكنا منش ودي افهم من لاعب فيش من مبرمج عقلش؟