..........••.........
جالسه بقبال أمها وماسكه ألبوم الصور الكبير وهي تطالع على صور أمها وابوها القديمة وميته قهقهات واصله لنهايه الصاله
ام يَعْرُب بقهقه تقرصها بكتفها بمزوح:جيبي بسش تضحكيـن على أشكالنا انا وابوش ياقليله الآدب،،.
دِيار تمسح دموعها من كثر القهقهات:يامه
ذلحين بذمتش ذي كشخه الميك اب كتمني ،
شوفي أبي كيف يناظرش بُحب ، انفجرت
قهقه ومسكت بطنها ، الفستان يجيب حول
العين!!!
ام يَعْرُب :هذا هديه من جدتش أمي الله يرحمها وبعدين يا الخبله ذي كشخه الأولين كان بزمنا كذا كشخه العروس مب بزمنكم الجمال يختفي بالميك اب والفستان يبرق ، شوفي الهدوء والرقه كله هنيا بزمنا ، تنهدت وقالت ،آآه ليت الزمن يعود يزينه ؟؟؟،
دِيار رفعت حاجبها:امين ؟؟، وين يامه الله يهديش والله لو ذلحين سوينا كذا عز الله شردوا المعازيم العروس كانها مغطسه بطحين ولا الشعر منكوش والطرحه قصيره والفستان من الاكمام منفوخ كنش يامه مصارع ومن الصدر خناق وعليه دانتيل ولابسه ذهب بدل المجوهرات ، المسكه بدال القمح والورد الطبيعي ، الورد الصناعي يامه ذي الورد نزين بها الفصول ،. يزينش يامه أنتي وأبي ؟؟؟ كملت قهقهاتها الساخره
ام يَعْرُب سحبت منها الالبوم:خلي القمح
والورد والمجوهرات لش نحن جيل الطبيين
مب جيلكم إللي يخوف
دِيار بقهقهات قبلت راسها:يامه نفذاش يا
وضحه .لا تزعلين يا قلبي خلاص في يوم زواجي بجدد زمنكم بلبس ذا الفستان وسوي نفسش بالضبط ، لجل زوجي يجفل بي ومااشوف الا ذيش الغبره هو وبشته كأنه طرزان أو وطواط ، قهقهت بقوة ؟؟؟،
دخل يَعْرُب وابيه على قهقهاته وصراخها وهي تضربها أمها وتمازحها ، السلام عليكم
شقومكم؟؟؟؟؟'
ام يَعْرُب وديِار:وعليكم السلام
دِيار:أبي اضحك على شكلك انت وامي يوم زواجكم ، خذت الالبوم وفتحته وتوري يَعْرُب وأبوها إللي يقهقهون ،
يَعْرُب بقهقهات رجوليه:يأبه شكلك متغير واجد طالع شباب هنيأ
أبو يَعْرُب طالعه بنص عين:ليه شايف أبيك
عجوز انا عادني شباب لو ودي أتزوج شابه
تزوجت ولا ينقصني شي
دِيار بقهقهات:يامه سمعتي زوجش وش يقول يتزوج شابه يحط فوق راسش ضره أبي مستحيل نرضى تحط فوق راس امي ضره
ام يَعْرُب بزعل:عاده عجز من بترضى به
أبو يَعْرُب بنذاله:عادني بصحتي لو حلقت
وصبغت هالشيب قبلت فيني مليون بنت
يَعْرُب ينهار من قهقهاته:افا يابه تخون العشره تنسى العيش والملح وتدور على شابه تجدد شبابك فيها ، بس كذا خذاع اكشف على حقيقتك الغش حرام
دِيار وام يَعْرُب قهقهو بشكل أبو يَعْرُب اللي سكت ويشبح فيهم بمزح
دِيار تقدمت منه ورتمت بحضنه:نفذا اللي زعلان ابي نمزح معك
أبو يَعْرُب يدفها:قومي وينها بنيتي أَسَاريِر
دِيار تعلقت بحضنه:ونا مب بنتك دلعوتك اخر عنقودك
يَعْرُب بقرف:ياشين السراج على البقر
دِيار كشت عليه وحطت رأسها بحضنه
يَعْرُب :صحيح وينها أَسَاريِر ؟؟؟؟
ام يَعْرُب:في غرفتها قمين ، راقده
أبو يَعْرُب:داومت الجامعه
دِيار:ابي رفضت تداوم
يَعْرُب بجديه:نؤديها المدينة عند هجّان
ام يَعْرُب بستغراب:وليه ؟؟؟.
يَعْرُب يقوم من الكنبه ويشيل معه البالطو:مب
هو طبيب نفسي اجل بيشرف على حالتها يامه
بنتش وضعها ما يسر ، مب طبيعي ٢٤ساعه حاشره نفسها بين اربع جدران ولا ترضى تختلط معنا تشوفين الوضع اللي هي به طبيعي؟؟؟!
ام يَعْرُب بشك:لا والله حالها مب طبيعي ولا عاجبني بها شئ ومخبيته عننا ، كملت تقول
شاكه في أختكم احس فيهآ شي الفترة الاخيرة لاحظت عليها انها عصبية دائما وتلبس جاكيتات كثيرة رغم ان الجو حار وجسمها دائما حار كل ما رقيت غرفتها وبطنها مب عاجبتني كنه منتفخة
دِيار بعدت عن حضن ابوها ونطقت بكل استهبال:حامل مثلا ؟؟؟
ابو يَعْرُب بعصبيه وصراخ:دِياررررررر وش
هالكلام اللي تقولينه ونتي يا وضحه كيف
تشكين في بنتي و..
ام يَعْرُب بجديه وخوف بترت كلمته:ما شكيت
يا بارح لكن هذا اللي موضح لي
............••............
لا تبخلون تحطون(⭐️)ترى تسعدني
أنت تقرأ
ماهويت مـن الهوى واهل الهوى الا وليفٍ
Romanceقد نمسك القلم ونكتب كلمة واحدة تعبيراً عن ثورة من المشاعر وقد نسطر كلمات وكلمات ونملأ بعض صفحات تعبيراً عن موقف لا يخصنا إلا أننا شاهدناه بأم أعيننا عجيب أمر القلم وتعبيراته شجاعه ثابته من الداخل والخارج قوية كالحِرب وعنيده وميؤوس منها قوية بصمود ال...
