كان اسمه حبيبى

الفصل التاسع

الفصل التاسع) كان اسمه حبيبى )

عاد بوقت متاخر كعادته ليصطدم باحد يجلس على الدرج  فى الظلام الدامس ليشهق بخضة .وهو ينتفض بذعر
-.بسم الله الرحمن الرحيم
هتفت.نهى مطمئنة
_..ده انا ياسيف
..اضاء كشاف هاتفه النقال
._يخربيتك كنت هتجبيلى ساكتة قلبية ، مش هتبطلى تطلعيلى فى الضلمة كده زى امنا الغولة
..اخرجت من خلف ظهرها باقة ورد ملفوفة بعناية
وهى تبتسم قائلة
-  مستنياك من بدرى ، .حبيت اكون اول واحدة تهنيك بعيد ميلادك وتقولك كل سنة وانت طيب ..
سيف بتهكم
._..جايبالى ورد ليه فكرانى بنت ،ولا اكونش طالع القرافة
..نهى بحزن
- .ده من الجنينة اللى على السطح،  زرعاه بايديا علشان عارفة انك بتحب الورد البلدى،  بس هديتك الاصليه هتلاقيها على سريرك جوا
اخذ منها الباقة قائلا  بامتنان 
_طب ياستى متشكر
غمغمت برقة_يارب بس تعجبك
.قبلها سيف من وجنتها  فحتى قلب الصخر يلين لرقة هذه الفتاه ومحبتها له الظاهرة للعيان
.ابتسمت له بوله خجول  وهى .تضع كفها على وجنتها لا تصدق ما انه قبلها الان

_يله .روحى نامى بقى الوقت اتاخر، تصبحى على خير

نهى بابتسامة عذبة
_.وانت من اهله

_دخل غرفته ليجد هدية ملفوفة بعناية موضوعة على الفراش فتحها ليجد ماكينة قهوة فورية بدلا عن ماكينته التى خربت من فترة ،فابتسم بامتنان
.
-.طيبة اوى البت دى،. ده حتى بابا وماما مفتكروش عيد ميلادى ،.مش عارف انا قلبى مش حاسس بيها ليه
بينما هى اغلقت باب شقتهم ووقفت خلفه تلهث من فرط سعادتها فهى تنتظر منه فقط كلمة او ايماءة لتجعلها تحلق عاليا بسعادة
________________

اخذت  اجازة من عملها حتى لا تلتقى به  ويحاول استمالتها وتضعف امامه من جديد ، وخاصة مع اتصالاته ورسائله الملحة التى لاتنتهى وتحتوى على كثير من التوسلات والاعتذارات و احيانا البكاء حتى تسامحه وتعطيه فرصة اخرى

لكنها قررت هذه المرة ان تضع مشاعرها جانبا وترجح عقلها فكم سامحته واعطته العديد من الفرص  مرة  من اجل  حبها ،ومرة من اجل  طفلها ثم حتى لا تحصل على لقب مطلقة فى مجتمع عقيم ينظر للمطلقة كانها  سبه وعار ،  و بعد تفكير واستخارة اكثر من مرة قررت الانفصال عنه  بلا رجعة فعلاقتها به اخذت الكثير من روحها وكرامتها ولا تريد ان تخسر المزيد
وبعد ان ياس هو  ان يراها او تجيب على ايا من اتصالاته ، ذهب اليها على الفيلا  ، وانتظر امامها حتى راى احمد وهو يخرج لعمله ثم حاول الولوج للداخل ولكن منعه الحرس

_اسف يافندم احمد بيه مدينا تعليمات بعدم دخول حضرتك للفيلا
زفر بضيق
_طب ممكن تندهلى مدام ولاء من جوا ؟
_بردو ممنوع واتفضل حضرتك من هنا متجبلناش مشاكل
..صرخ شادى بعلو صوته
وانا مش ماشى من هنا من غير ما اشوفها  ، ولاء ....ولاء حبيبتى اسمعينى، انا عارف انك جوا ومش همشى من هنا الا اما اشوفك واكلمك .حتى لو فضلت للصبح قدام البوابة