يوم جديد " دخلت سارة لليسي وناس قاع يشوفو فيها يعقوب وراها سلام سارة: وي صفا يعقوب: شوفي كيفاش راهم خايفين منك سارة: 😂 جافايت شهين شافها كيفاش ضحكت مع يعقوب معجبوش لحال
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
هذا يعقوب عندو 16ans شباب وكالم بزاف يبغوه وميقيمهش بما انو جديد ماعندوش صحاب يعرف غير سارة دخلت سارة ويعقوب للكلاس حطت راسها على طابلة اما يعقوب خرج كتاب وبدا يقرا فيه دارتلو سارة عندك جونة تقرا وقاع يعقوب: لعكس حاجة ممتعه سارة: اخخخ منقدرش يعقوب: جربي سارة: منظنش نقدر نقرا يعقوب: قراي رواية فيها قصص مي ماشي تاع اطفال😂 سارة: هات نشوف يعقوب: عندي درك غير وحدة غدوة نجيبلك سارة: معليش مدهالي مدلها يعقوب الرواية وكمل يقرا في الكتاب خرجو من لكلاص يعقوب: صحيتي على كراريسك سارة: بلا مزية مم نتا صحيت هه راحت سارة لدارهم لقات شهين قاعد عند دارهم شافت فيه سارة وبدات تحل لباب بالمفتاح دارت كيشغل مشافتوش قاع شهين: ارواحو تفطرو سارة: قول لماماك صحيتي بابا خدام وانا معروضة شهين: معروضة! حلت سارة لباب ودخلت لدارهم وبلعت لباب في وجه شهين شهين غاصتو بزاف كيفاش دارتلو هاكا(بصح صح عندها الحق مين دير هاك انا لي خسرتها معاها في لول)
يوم جديد " حلت سارة لباب لقات شهين مم هو خارج من دارهم شهين: صباح الخير سارة: صباح النور شهين: وين راكي رايحة بكري راهي الجمعة سارة: علاه؟ شهين: غير سقسيت سارة: حاجة ماتخصكش وهبطت سارة بقى شهين يشوف فيها راحت سارة للحديقة تلاقات مع يعقوب ورجعتلو رواية شابة بصح منبغيش لقصص رومانسيين يعقوب: هه كان علابالي سارة: مقزز😂 يعقوب: جامي بغيتي في حياتك؟ سارة: انا؟ لااااا منيتك يعقوب: تبانلي معلابالكش اصلا كيفاش تبغي سارة: واش قصدك؟ يعقوب: بلاك حبيتي من قبل ونتي معلابالكش سارة: هي عندك صح معلااباليش هذاك شعور كيفاش داير يعقوب: مين تبغي واحد تبغي تشوفيه دايمن وديري فيه كونفيونص تبغي تحكيلو كلش تفرحي مين يكون فرحان وتزعفي مين يكون حزين، كي تشوفيه مع كاش وحدة تغيري عليه تبغيه يحكي غير معاك . هذي هي هه مين كان يعقوب يحكي سارة اول واحد جاها في بالها شهين سارة: هذو مينطبقوش على صديق؟ يعقوب: امم جسبا علابالي بلي الحب هاكا داير الصداقة مع طفلة مزال ماجربتهاش😊 بدات سارة تخمم في واش قال (زعما نكون نبغي شهين!؛) يعقوب: سارة كيما قتلك هيا نفطرو سارة: وي هيا بصح وين باه نقول لبابا يعقوب: دارنا سارة: داركم؟ لالا سمحلي منقدرش يعقوب: علاه ماما راهي تستنا سارة: لالا سمحلي بابا ميبغيش يعقوب: اوكي كما تحبي ستناي نقولها لماما عيط يعقوب ليماه: الو ماما معليش توجديلي فطور نديه معايا؟ وي مغاديش نجي لدار نفطر برا سارة: وعلاه تشقي روحك يعقوب: نفطرو في لحديقة هه سارة: اوك راح يعقوب لدارهم لقا يماه موجدتلو لفطور وبقات سارة تستناه برا راحو لجاغدا jardin فطرو يعقوب: معليش نسقسيك؟ سارة: وي! يعقوب: اول نهار تلاقيت علاه كنتي تبكي وادا ماكيش حابا تحكي معليش سارة: يعقوب ماعدناش بزاف من لي تلاقينا سمحلي منقدرش نحكيلك خايفة نحكيلك ونندم يعقوب: واه علابالي بلي متقديش بصح عادي والله ماتندمي انا بعدا مين نكون زعفان ولا نبغي واحد نحكيلو نروح ليما ولا لصاحبي لانتيم انس مين نحكيلهم نحس روحي مليح ادا معندكش لي تحكيلو راني هنا تقدري ديري فيا كونفيونص سارة: مرسي ربي يحفظك مين يجي لوقت نقولك يعقوب: اوكي على راحتك كملو لفطور يعقوب: نوصلك! سارة: هيا طريق قاع وهوما يحكو على روايات حتى وصلو لدار لقاو شهين قاعد لتحت بدا يخزر فيهم سارة: باي يعقوب مرسي على كلش يعقوب: باي غدوة، معندكش تلفن؟ سارة: نن معنديش يعقوب: كيفاش نحكو هه سارة: مدلي لإيمايل تاعك عندي بيسي مدلها يعقوب وراح وهي جات طالعة شهين: قارعي سارة: وي! شهين: هو لي كان عارضك؟ سارة: هه علاه تحوس شهين: شفتك بديتي تتمشاي معاه بزاف حتى تقعدي معاه في ليسي سارة: وممبعد؟ شهين: خطيك منو سارة: علاه زعما؟ شهين: غير خطيك مرتحتلوش معندكش مامبا يامات من لي عرفتيه ودرك راكي تحوسي معاه ودايرا فيه كونفيونص سارة: علابالك لكونفيونص جامي كان بالسنين نتا نعرفك من لي كنا صغار ومبعد؟ بدلتني كن غير بدلتني وخلاص زيد تهدر فيا وضحك ناس عليا! وكي لقيت واحد نحكي معاه باغيني نبعد عليه غاضتك كيما وليتش نقعد وحدي! مراك باغي تهدر معايا وماكش باغي ناس يهدرو معايا شهين: ديري لي تبغي وجا واقف سارة: استنا علاه وليت هاكا؟ غير فهمني واش درتلك مالك الله يخليك (عينيها مغرغرين وبغات تبكي) شهين: بلاك كرهت منك وخلاص سارة: صحا فهمت طلعت تجري لدارهم وبدات تبكي تبكي 😭 وهي دايرة لغنية لي كانت تسمعها مع شهين حتى وصلها مساج سلام؟ سارة: وي شكون انا يعقوب هه سارة: اااه هه صفا يعقوب: واش راكي ديري سارة: والو بعثلها يعقوب لينك تاع بودكاست وقاللها سمعيه سارة: اوكي بدات سارة تسمع بودكاست يحكي على مواضغ مختلفة ومن بينهم العلاقات والثقة يوم جديد وصلت سارة لليسي وراحت ليعقوب سارة: صحيت عجبني بزاف لبودكاست يعقوب: مم انا نبغيهم دوك نولي نبعثلك سارة: واش رايك نخرجو ل jardin باغيا نهدر معاك يعقوب: اوكي وصلو ل jardin سارة: عيييت هه يعقوب: كن قلتيلي نحكمو طاكسي سارة: معليش مدابيا نعيا باش فليل نقدر نرقد يعقوب: متقديش ترقدي ثم ثم سارة: وي نبدا غير نخمم يعقوب: في شكون سارة: شهين يعقوب: شهين؟ سارة: ااه لا قلتها بلا مانفيق يعقوب: مالا شهين ههه سارة: اسكت ماتقولها لحتى واحد قلتها بلا مانفيق يعقوب: تبغيه؟ سارة: صراحة معلااباليش هذوك علامات الحب لي قتلي عليهم من صغري نحسهم معاه معلااباليش واش نبغيه ولا غير من باست فريند يعقوب: امم موليتوش باست فريند؟ سارة: كنا ملاح ملي طلعنا لليسي جسبا مالو تبدل مولاش كيما كان ولا شخص ثاني انا مزلت مصدومة كيفاش يدير صوالح هاك مموالفش والله يعقوب: ناس تتبدل سارة عينيها غرغرو: لبارح سقسيت علاه قالي كرهت منك 😪 يعقوب: عندك تغيضك ولا تحسبي روحك غالطة هو خانك وهو لي بعد عليك ماشي نتي هوو خسر وحدة كيفك هو لي نورمالمو تغيضو سارة: كي شفتي نبكي هذاك نهار بسباب هذ سوجي يعقوب: صحاا فهمت سارة: وي هذي هي يعقوب: معليش فيها خير تخطايه سارة: منظنش نقدر دارهم انفاص لينا نشوفو كل يوم ودايمن نروحو نفطرو ونتعشاو عندهم دارنا متقربين منهم بزاف يعقوب: ااو لهذ درجة مقربين هذا بروبلام هه سارة: هه وي يعقوب: قولي لماماك بلي دابزتي معاه وماشي لازم تروحولهم كل يوم سكتت سارة شويا وقالت: ماما ميتة وهوما يعرضونا بيا عايشة غير مع بابا يعقوب: اوو سارة سمحيلي مكنتش عارف سارة: عادي يعقوب: وينتا ماتت سارة: في ولادتي يعقوب: اااه ربي يرحمها 💔 سارة: امين ، لمهم هذا وش كنت باغية نحكيلك هه يعقوب: صحيتي من درتي فيا كونفيونص راني دايمن هنا سارة: نتا لي صحيت، لمهم متنساش تبعثلي لي بودكاست باي يعقوب: صحا باي فاتت لوقت وجا لفصل ثالث وقرب الصيف كانت سارة دايمن مع يعقوب في ليسي وقرات عدد كبير من الروايات ولي بودكاست خلا شخصيتها تتبدل حتى هدرتها يوم جديد سارة: يعقوب بلاك راح نعاود السنة😭 يعقوب: علاه تقولي هاكا سارة: لفصل لول ديت 9 وزاوج 8 لازمني 13 وانا جامي ديتها في حياتي يعقوب: ماشي حاجة غير قراي مليح تدي ان شاءلله سارة: منظنش نقد يعقوب: وعلاش هكذا دايرا تفائلي خير ادا حبيتي نعاونك راني هنا سارة: صح صحيت 🥺 كملت لحصة وراحت سارة لدارهم احمد: هيا هيا لدار عمك عباس سارة: بابا خلينا منهم احمد: وش بيك بنتي؟ كنتي دايمن عندهم درك علاه ماكيش باغيا تروحي؟ سارة: صراحه راني مدابزة مع شهين احمد: دايمن تدابزو وتتصالحو عادي ههه سارة: هذ لمرة ماشي كأي مرة بلاك منتصالحوش احمد: هيا بنتي هيا راهم يستناونا ممبعد حكيلي واش صرا راحو لدار شهين كوثر: سارة عاش من شافك لباب عند لباب ومشفتكش من وينتا سارة: هه راني غير مع لقراية حابا نبلع لعام كوثر: ولدي شهين عاونها شويا شهين: معنديش لوقت قاع لي في طابلة نصدمو من غير سارة بقات تاكل كشغل ماسمعت والو كوثر غمزت شهين وقالت بسياس راك تتمسخر سارة: هه معليش طاطا تفهمت مع واحد يقرا معايا قالي حا يفهمني شهين: شبعت (وراح لشمبرتو) سارة: مم انا وراحت لدارهم كوثر: ماالهم هذو احمد: قاتلي سارة دابزو عباس: دايمن هاكا هه دوك يتصالحو احمد: ان شاءلله عباس: لازم نزوجوهم من يكبرو 😂 احمد: منلقاش لي كيف شهين ههه كوثر: 😂 لمهم سارة بدات تقرا ودارت قاع جهدها وولات تروح مع يعقوب للمكتبة يفهمها ويقراو كيف كيف حتى فوتو الاختبارات ودات سارة 15 كانت مصدومة وباباها مات بالفرحة اول مرة تديها في حياتها سارة: بابا جبت 15😭 احمد: الحمدلله الحمدلله بنتي فرحت وعنقها سارة: مانيش مأمنة احمد: ربي جامي يخيب عبدو راحت سارة فسع حلت لبيسي وبعثث ليعقوب: يعقوب ديت 15؟15555 والله ماراني مأمنة يعقوب: هه بصحتك كنتي غير حاقرة روحك نتي قارية سارة: 🥺🥰🥰 صحيت، قالك بابا رواح تتعشا معانا يعقوب: ليوم؟ سارة: وي يعقوب: اوكي ان شاءلله وفي نفس الوقت احمد عيط لشهين ولينة لينة مقدرتش تجي بكز مريضة جا شهين طبطب في دار سارة حلتلو سارة شهين: سلام سارة: ادخل بقا يشوف فيها سبقاتو سارة احمد: شبيبة صفا شهين: هه صفا عمو قعد ولدي احمد: سارة مزال مايجيش لي يقرا معاك طلع شهين راسو في احمد وقال : شكون؟ احمد: نسيت اسمو ههه سارة: قريب يجي فجأة يطبطب الباب حلت سارة سارة:: هاااي يعقوب: صفا! بصحتك هاكي (جاب معاه ساشي فيها Jus et fruits) سارة: علاه تشقي روحك ادخل بابا في صالة دخل يعقوب وقال سلام احمد: سلام ولدي صفا شاف فيه شهين وشنف سلم يعقوب على شهين واحمد وقعد جات سارة سارة:: بابا هذا هو يعقوب لي حكيتلك عليه احمد: متشرفين ولدي تبسم يعقوب بينما شهين بدا غير ساكت يشوف فيهم ومشنف حطت سارة العشاء تعشاو احمد: عيطولي في الخدمة انا نروح، لمهم شهين نخلي سارة معاك شهين: واه عمي لمدت سارة لماعن وكي شهين ويعقوب بداو ساكتين يعقوب: سارة نعاونك سارة: لالا غير اقعد هه يعقوب: كيما تبغي هه بقاو لولاد ساكتين ولزوج ماهمش مرتاحين جات سارة حطت الشاي والحلويات شهين: سارة بصحتك حقا سارة: يسلمك 😊 شهين: ونتا يعقوب شحال ديت يعقوب: ااه انا؟ انا ديت 14 شهين: مالا قريتها دات كثر منك يعقوب: هي ذكية غير متحبش تقرا تبسمت سارة وقالت صحيت يعقوب وشهين بقاو غير مشنف وقلبو يوجع فيه وغايضاتو كيفاش سارة تهدر مع واحد ثاني يعقوب: سارة انا نروح ما تستنا فيا سارة: اوكي بسلامة راح يعقوب بقات سارة وحدها مع شهين قعدو ساكتين ويتفرجو في تيلي شهين: 🥱 سارة: تقدر تروح موالفة نقعد وحدي شهين: باباك قالي منخليكش سارة: كيما تبغي وجات رايحة لشبمرتها شهين: ستناي سارة:! شهين: قعدي معايا كن نقعد وحدي نرقد عاودت قعدت سارة شهين: 😊 حتى جا باباها راح شهين لدارهم احمد: متصالحتوش؟ سارة: باغيا نرقد بونوي 😊
