|غموض جارُنا|
الكاتبة سناريآ
قناة التلي https://t.me/nurse2_4
أذا أعجبك البارت لا تنسى التصويت وترك تعليق جميل
أرينا: صمت اجتاح كل انحاء الغرفة، رفعت ايدي بأتجاه الطفل وهمست ببعض كلامات بالگوة خرجت من حنجرتي، اتمنيت يگول العكس ويخيب الي سمعتة
_أءء ابنـ ك
مط شفايفة وهز رأسة يأكد كلامي
_لـ.. ليش
_أرينا خليني افهمج كلشي
_شنو الي سويتة علمود أستحق هذا
_صدگيني فاهمة كلشي غلط تعاي افهمج
_لا تتقرب لا تتقرببببب
_تمام تمام ما راح اتقرب بس على كيفج ويا نفسج مو زين عليج الانفعال
_هههه حنين مو بيدك لعد ما طولك حنين ليش سويت هيج بي وخدعتني معقولة أني حقيرة وسويت شي غلط بحياتي وأستحق كل هذا
_لا تحجين هيج أنتِ احن وانفى من أن تسوين شي سيء،أنتِ اول شخص بريئ دخل حياتي مستحيل تأذين نملة
_لعد ليش يصير هيج وياي شنو أسوء شي ممكن يصير للـبنية ماكو أسوء من ان تكتشف ان زوجها عندة أبن ولا فوگاها بأول يوم زواج الها وهذا الشي صار وياي ههه اهنيك
_أري كلشي عكس ما تتصورينة وما جان عندي وقت احجيليج وبالنهاية أنتِ رضيتي بكل شروطي بدون اعتراض
_هههه أي أني اكبر ثولة لان وافقت اقبل بيك وما اهتميت لـطريقة طلبك للزواج مني وتخيلت راح اعيش وياك حياة وردية بس للاسف اكتشفت متأخر ماكو حياة وردية بس سوداوية
_أرينا ما جان قصدي هيـ..
رفعت أيدي مانعتة عن الكلام، دمعة قهر وندم طفرت من عيني على ما سويتَ بنفسي، مضيت بخذلان واتوجهت لـزاوية الغرفة، حضنت سيقاني لـصدري محتضنة نفسي بالكامل وصفنت ؏ الحايط وروحي خاوية مثل الهيكل العظمي أني شسويت بنفسي ووين ذبيتها بسبب غبائي وقلة خبرتي هاي جانت النتيجة وببعد كلشي ما يتصلح
حسيتة وگف گدامي بس ما اهتميت الة وبقيت بنفس وضعيتي، گعد على ركبة واتقرب أكثر راد يحضني بس بسرعة دفعتة بنفور وگمت من يمة
توقفت لازمة رأسي، والدنيا احسها تفتر بي انتبه علي وبسرعة اتقرب مني، لزمني يحجي وياي بقلق واضح من نبرة صوتة بس الدوخة ما خلتني افهم كلشي وما أشوف بس الغواش، ما اتحملت وفقدت توازني واخر شي شفتة من وگعت بأيدة وهو يصيح بأسمي
گعدت واني احس بانزعاج فتحت عيوني شفت آدم بيدة گلاص مي ويذب على وجهي من شافني فتحت عيوني لزم ايدي وگال بقلق
