كان اسمه حبيبى

الفصل العاشر

بسم الله الرحمن الرحيم
وبه نستعين

(10)(كان اسمه حبيبى)بقلم امانى عمر

تقدم منهم النادل واعطى لكل منهم كاسه وهو يغمز لسيف بعينه ان كل شئ تمام 
_اتفضلى ياروحى اشربى
ترقبها  سيف وهى ترفع الكاس الى ثغرها بحماس على اشده  وقبل ان ترتشف منة اول رشفة حدث مالم يتوقعه
فقد انسكب عليها الكاس بفعل دفعة نيرمين لها من الخلف والتى علم سيف على الفور انها متعمدة فلم تغب على خبرته النسائية اهتمامها به بشكل خاص ورغبتها فى الاستثار به لنفسها
استاذنت روان للذهاب الى المرحاض
لتنضيف ثيابها لتجعله يتمتم بسره  بغضب مستتر
_غبية
اما نيرمين فكان لها  ما ارادت  وانفردت بسيف اخيرا 
غمغمت نيرمين باعتذار مصتنع
_اسفة اوى يا روان مخدتش بالى
روان بلطف
_ولا يهمك ياحبيبتى  .
ارتسمت على ملامح نيرمين ابتسامة ماكرة
بعد ذهاب  روان ليفاجئها سيف مغمغما بجراءة لم تتوقعها وهويقترب منها حتى لم يعد يفصل بينهم سوا انش واحد وينظر بعمق عينيها
_وادينا بقينا لوحدينا ..ها عايزة تقوليلى ايه بقى؟
حمحمت نيرمين بحرج
_انت ذكى اوى على فكرة .
ابتسم بخبث وهو يهمس فى اذنها
_وانتى جميلة اوى على فكرة
ازدردت ريقها بتوتر  وهى تغمغم  بتلعثم من قربه وكلامه  المهلك لمشاعرها نحوه
_بس اللى مستغرباه ازاى واحد بذكاءك ده يوقع فى واحدة فلاحة زى روان  . بصراحة مش مستواك خالص
ولا لايقة علي واحد زيك شيك ووسيم وكاريزما
غمز لها بعينه
_ده غزل بقى  ،بصى هفهمك حاجة احيانا الواحد لما ليبقى حواليه بنات كتير شيك واستايل بيحن لحاجة كده بلدى فيها ريحة   المناطق الشعبية  ،كانك مثلا بتاكلى مارون جلاسى ع طول فتزهقى   و تحنى فجاة لحاجة حرشة ،حتة بتنجان مخلل ،طبق كشرى ، فهمتى ؟
ابصر  روان وهى تدنو منهم  فغمغم  قائلا بسرعة
_مش هينفع نتكلم هنا .ادينى رقم تليفونك بسرعة
اعطته له على الفور ليسجل عليه رقمه   ثم اعاده لها
وهو يغمزلها  بعينه
_هستناك تكلمينى .
كانت روان ومعها بسمة قد وصلا اليهم فقالت  روان
_يلا يا نيرمين علشان نرجع على الدار ثم استطردت وهى تشير الى ثوبها
.معلش ياسيف لازم امشى  انت شايف فستانى بقى عامل ازاى
اوما لها براسه متفهما ثم غمغم بتساؤل
_تحبوا اوصلكم يابنات ؟
روان _مفيش داعى خليك انت مع ضيوفك واحنا هنتصرف
ودعهم سيف حتى الباب  ثم عاد ادراجه ليتواجه مع حازم الذى ابتسم له قائلا  بسخرية
_ايه اللى حصل ياوحش  .شايف روان مشيت مع اصحابها عادى ؟
هتف سيف قائلا بحنق 
_الليلة باظت من نقك وبوذك الفقر 
بس هتروح منى فين ...الليالى لسه جاية كتير
حازم بمشاكسة
_والله انت شكلك هجاص وبق على الفاضى
سيف بتحدى
_بكرة تشوف بعينك وتسمع بودنك ،بس هيبقى فيه تعديل بسيط فى الخطة
حازم بتساؤل _ايه هو؟
قهقه سيف ضاحكا
_هيبقوا اتنين ×واحد ،اصل  اكتشفت ان صاحبتها هى كمان  بتحبنى وهتموت عليا 
حازم بعدم تصديق
_يعنى هتلعب عليهم هما الاتنين فى نفس الوقت
ابتسم ضاحكا
_وماله احنا ورانا ايه
حازم بغيرة واضحة
_ياخى انا مش عارف البنات دول هيموتوا عليك على ايه ؟  شايفين ايه فيك نفسى افهم
قهقه سيف  ضاحكا
_بس ياحقود