بين انياب الذئب

البداية

"انثى بين انياب الذئب"
بقلمي : اديـان الحمراني

البدايه …

علقوا بين الفقرات +تصويت للبارت.
حساباتي كلهم بنهاية البارت .

<><><><><><><><><><><><>

: ناردين ، يتيمه الاب..

جنت صافنه على المرايه واوصف ملامح شكلي وجمالي  خل اوصل الكم فكره عن ملامحي ماطول اباوع للمرايه...

( حنطاويه، عيوني لَون عسلي وكُلش كبار ،وطولي وسط  ، اني بنيه احب الجسم واعتني بي ف جسمي مرتبته  وهم لان حلوه والناس تمدح بيه كمت اتباها بنفسي.. يوصفون جسمي بالساعه الرمليه)..

_ جنت البس ضيق علمود يبرز جسمي وتقاسيمه هيج بس اريد اقهر البنات ومرات اسمع كلام الشباب يشمرون كلام غزل جنت حتى فشار اسمع بس مع كل هذا مايهمني شي ..

.:صح هسه مايعجبكم هذا الشي بس شسوي هيه هاي شخصيتي هيج ..

_عشت حياتي ماشفت بس امي ابحياتي صارتلي كُلشي حرفياً ، الام والاب  وعيت عليها لا اعرف اهل ولا كرايب فقط بيت جدي اللي همه اهل امي ...

يعني اني تربيت يم خوالي  وكل ما اسئل عن اهل ابوي امي ادكول ابوج ماكان عنده اهل بس هوه واحنا منعرف كرايبه لو ادكولي همه مو زينين يحبون المشاكل

واني جنت طفله كُلشي اسمعه  اصدكه واقتنعت انو ابوي ماعنده اهل وضلت هاي الفكره براسي ..

واخاف منهم  لا يطلعون صدك يحبون المشاكل كانت افكاري ادكول ماما تخاف منهم لان اذوها تفكير طفله عشت حياتي بنيه مدلله كُلش ، طايشه ما افكر بشي بحياتي غير دراستي والمسلسلات التركية ،

_وكل ما احلم يجيني بوراك يخطبني ونزوج ويصير عدنه اطفال اكعد من النوم فرحانه  يكول صدك مزوجة بوراك

: يوميه اصبح على صوت امي صوت  الحنيه من اسمع حسها بالبيت ارتاح هي خطيه تعبت عليه كبرت شافت اشكال منهم، العنف ، وغلط ، وعاشت مثل الخدامه بيت اهلها من خوالي ونسوانهم اللي لا ذمه ولا ضمير كل هذا صار  علمود تحميني  وتحافظ عليه من شرهن..

كنت اشوف واسكت بس اضم بكلبي الوجه والقهر واكتم كلشي كنت ماكدرت اتحمل الذل العاشت بي امي كان كل حدث يصير وياها يخلي الحقد يكبر بكلبي عليهم وقسمت ادفع كل الناس الثمن ، هذا ثمن عذاب امي اللي خلصت اليل تبجي وتدعي بسكوت محد يسمع صوتها  بس ربها واني  لذالك تمرضت نفسياً ..

.:.من الظلم والظروف الكانت اقوى من عدنه ثنينه

_راح تعرفون تفاصيل قصتي وحياتي كلها من
" الكاتبه اديان " وتاخذون ولو فكره بسيطه من قصتي..

وره فتره حملت الصار كله بسبب ابوي لو ما مات چا ما انذلينه ولا هيج صار بينه چنه يكون  عدنه سند وظهر يحمينه ونحتمي بي ..