المجرمه والشرطي

الفصل السادس

خرج الدكتور من الغرفه وكانت ملامحه مش مطمئنه نهائي لكل
دكتور عدي : انا عاوز افهم مين الغبي اللي ضربها كده البوكس اللي اخدته في وشها وكمل كمان بعض البوكس ضرب
فارس : بتوتر انا اللي ضربتها
الكل وقف مصدوم ومحدش كان مصدق فارس عمره ما رفع ايده علي فيروز فجاءه يضربها كده عدي : البوكس خلاها تتعصب جامد والضرب الكتير اثر فيا  لحد ما جالها  هبوط في الدوره الدمويه وفقدت الوعي
فارس: وهي عامله اي دلوقتي
عدنان : انت بعد اللي عملته  ليك حق تسال كنت عاوز تموت اختي يا فارس
رهف بصدمه : اخت مين مش هي اخت فارس بس
عدنان: اختي في الرضاعه واخت الزفت ده من الاب والام بس والله ما هرحمك لو حصلها حاجه
فارس : انا مكنش قصدي
خليل : اسكت خالص يا فارس محدش عاوز يسمع صوتك
مهران: اهدوا يا جماعه مش كده هيقدروا يدخلولها امتي
عدي : هي كانت مش متغذيه كويس معرفش دي دكتوره الزاي ومش مهمته بصحتها علقنالها محلول وبدات تفوق شويه كده وادخلولها
فارس : انا هدخلها
خليل : خليك بره يا فارس اياك تقرب منها
عدي ؛ فيروز قالت كل اللي بره يدخل ماعدا فارس
فارس: حاضر مش هدخل واخد بعضه ومشي 
رهف : لو سمحت يا عدنان انت ومهران روحوا لفارس هو تعبان وخايف علي اخته
عدنان : انا مش هروح عشان هخانق معاه
طارق : خلاص يا عدنان بقي مكنش قصده اكيد يلا نروح وراه
وراح طارق وعدنان ومهران خلف فارس اللي دخل مكتبه
عدنان بعصبيه  : ممكن تفهمني اي اللي حصل والزاي تضربها اصلا
طارق : اهدي يا عدنان مش كده
مهران : اتكلم يا فارس
فارس : كانت عاوزة تديني ٢٠ الف وانا رفضت
ضر بتني بالبوكس   روحت رديت ليها بوكس وفجاءه لقيتها اتعصبت وبدات تضر ب فيها وانا كنت بصد ضر بها وبضر ب بس مش ضر ب شديد
مهران: غلط اللي عملته ده يا فارس
فارس :مكنش قصدي والله
عدنانو: بردواا انتى في نظري غلطان انا هروح اطمن عليها و اجيلك تاني وخرج عدنان
عند فيروز لبست العدسات الزرقه عشان عنيها كانت تعباها ومكنتش عاوزه حد يشوف شكلها بعض
الضر ب بس كان لازم تقابلهم
خبطوا ودخل عدنان وجري عليها حضنها جامد
ودخلت رهف وروفيده وخليل
فيروز : خلاص يا عدنان متخفش انا كويسه
عدنان : اول ما قلبي وجعني عرفت انك مش بخير انا وانتي من صغرنا لما حد بيتعب التاني بيتعب فيروز اياكي تسبيني ولا تتعبي تاني
فيروز  بتعب  : خلاص يا عدنان انا كويسه
خليل : قوم يا عدنان سيب بنتي عاوزها شويه
وقام عدنان و خليل اخد فيروز في حضنه
خليل : كده توجعي قلبنا عليكي
فيروز: انا كويسه بوجودكم يا جماعه وخصوصا انت يا خليل يا حبيبي
روفيده: اي يا فيروز تعبانه وهتخطفي ابويا مني
فيروز بردح : نعااام يا اختي ابوكي اي ده ابويا قبل ما يكون ابوكي انا الكبيره يا بت
روفيده بصدمه: هو اي ده مش انتي تعبانه ولا بتكدبوا علينا
خليل بعصبيه: روفيييييده اسكتي فيروز ما عمرها تطلب المرض ابدا هي تعبانه فعلا وهي بنتي حبيبتي
روفيده بدموع  : طب وانا .
فيروز بضحكه : اختي الصغننه الغيوره
خليل : انتو اللي اتنين بناتي اللي بحبهم تعالي يا روفيده واخدهم هما الإتنين في حضنه
رهف كانت واقفه تتفرج عليهم ببتسامه
فيروز : تعالي يا رهف
واخدهم خليل الثلاثه في حضنه
عدنان : مش كفايه كده بقي
فيروز : بس يا رخم وبعدين لازم اتعب عشان اعرف حبكم ليا يعني يا ريتني كنت تعبت من زمان
الجميع في نفس واحد بعد الشر عليكي
فيروز : يا سلام الواحد فرحان بيكم اوي اما فين الزفت فارس
رهف : عدي قال انك قولتي ميدخلش
فيروز : كنت متعصبه منه بس دلوقتي هديت نادي حد من الممرضين ينادي عليه
عدنان : حتي بعد ما ضر بك عاوزه انا كنت عاوز
اضر* به
فيروز : انا اللي ضر بته الاول وهو رد عليا وبعدين انا اتعصبت وضر بته كتير
فارس كان في حد من الممرضين قالوا فيروز عاوزه تشوفك راح جري
ودخل وهي بتقول انها هي اللي غلطانه
فارس: فيروز انا اسف حقك عليا والله ما كنت اقصد
فيروز : تعالي هنا
واخدته في حضنها جامد
عدنان: علي فكره بغير
فيروز: يا ابني ده اخويا اخويا في اي
عدنان:  طيب
دخل مهران وطارق اطمنوا علي فيروز وكانت في حضن فارس مخرجتش ومكنش مبينه وشها ولا مهران ولا طارق شفوها كويس وبعدين رهف ودعتهم ومشيت هي ومهران وطارق كمان مشي
وروفيده وخليل مشيوا وفضل فارس وفيروز وعدنان وفيروز كانت راحت في النوم
*****
ناهد من اخر السلم: كنت فين يا استاذ انت واختك لحد متاخر كده وخرجتوا تجروا ليه
مهران: فارس اخته تعبت وهو تعبت علي تعبها وروحنا شفناهم
ناهد : طيب ده صاحب اخوكي انتي طلعتي ليه يا رهف
رهف : ما هو الدكتور اللي بيدربني واخته صحبتي
ناهد : طيب اطلعوا وابقي قولولي رايحين فين
رهف ومهران: حاضر يا ماما اما
مهران: اما حضره اللواء فين
ناهد ؛ والدك طلع مؤمريه في الصعيد
مهران ؛ تمام تصحبي علي خير
ناهد: وانت من اهل الخير يا حبيبي
ودخلوا ناموا
*******
عند فيروز صحيت ولقت نفسها نايمه في النص بين عدنان وفارس والاتنين حضنيها
طبعا عدنان لقي فارس نام جمب فيروز راح نام جمبها من النحيه التانيه انها الغيبره😂😂
فيروز : قوموا هتخنق قوم يا ابني  انت وهو
عدنان : اي الدوشه اللي انتي عاملها دي بس يا فيروز
فارس: اي مش هتفصلي بقي
فيروز : اه مش هفصل ويلا قوموا
فارس وعدنان :مش هنقوم
فيروز: بقي كده طيب
راحت فيروز ضر بت فارس برجلها وقعته من علي السرير عدنان لسه هيضحك علي اللي حصل لفارس لقي رجل فيروز التانيه طيرته علي الارض
فيروز: هاتولي اكل يلا انا جعانه
فارس: كل ده عشان الاكل يا طفسه
فيروز: بضحك اه هاتوا يلا
وراحوا يجبولها اكل
عدنان: احم فارس
فارس: نعم
عدنان: انا اسف مكنش ينفع ازعقلك
فارس : دي اختك ومن حقك تعمل اكتر من كده
عدنان ؛ تعالي بقا لحضني كده
فارس : ما تنشف شويه
عدنان : خلاص يا فارس
فارس :تعالي يا عبيط واخده بالحضن
عدنان: يلا فيروز هتاكلنا لو اتاخرنا
فارس: يلا بسرعه
وراحوا عند فيروز
فيروز: كل ده يا دكاتره انتو عاوزيني اموت صح
فارس وعدنان في نفس واحد: بعد الشر عليكي
يلا كلي
وبدات فيروز تاكل ومعزمتش عليهم
فارس: علي فكره انا علي لحم بطني من الصبح
عدنان: وانا كمان
فارس : مفيش اكل تاني وكل المحلات قفلت
فيروز: تمثليه حلوه صعبتوا عليا تعالوا كلوا واكلوا في جوا من المرح و الفرفشة والضحك
فيروز: يلا يا عدنان روح بقي عشان كده كده فارس ليه مكتبه هينام فيه وانا هبات هنا في الاوضه
عدنان : انتي نسيتي انك ليكي مكتبين انا هنام في اي واحد وخلاص
فيروز: بس
عدنان:  مفيش بس مش هسيبك
فارس: وانا كمان معاكي
فيروز: ربنا يديمكم في حياتي يا احلي اخوات
فارس وعدنان : ويديمك لينا يا اغلي  واحن حد في الدنيا
فيروز : يلا روحوا ناموا عاوزه انام
فارس : فصيله
عدنان : قاطعه اللحظات الرومنسيه
فيروز: يلا اخرجوا بقي عاوزه اشيل العدس والخمار وانام
فارس وعدنان: اوك سلام
فيروز: مع السلامه
******
مع اشراقه الشمس أستيقظت فيروز وخرجت من اوضتها وندهت علي الممرضه تغير الفرش وراحت البيت من غير ما تقول لفارس وغيرت ولبست فستان زهري مليان ورد موف وعليه خمار موف ومركبتش عدس راحت بعيونها البنيه اللي تسحر  ومفيش مكياج طبعا ولبست وجذمه كعب عالي وراحت عند خليل
فيروز: يا جماعه ياللي هنا انتو فين
خليل: الصوت ده مش غريب عليا
روفيده: ولا غريب عليا بردوا يا بابا مين يتري بينادي
خليل؛ تعالي نشوف يا بنتي
وخرجوا يشوفوا مين لقوها فيروز
خليل بصدمه: فيروز
فيروز: اي يا خليل مش عاوز تشوفني ولا اي
خليل : لا طبعا يا حببتي نورتي بس انتي مش تعبانه كنتي استريحتي
فيروز: حبيبي قلبي متخفش انا كويسه الحمد لله يلا عاوزه اتدرب جامد النهاردة عشان محدش يغلبني تاني
خليل : بس كده غلط عليكي
فيروز : انا زي القرد يلا نبدا
روفيده  : حمد لله على السلامة يا فيروز
فيروز: الله يسلمك يا روفيده
خليل : يلا يا هانم مش عاوزه تدربي يلا والله لطلع عينك
فيروز: حقك يا باشا 😂😂
ودخلت فيروز غيرت هدومها للبس التدريب وبدات تدرب
*****
عند عدنان وفارس صحيوا وراحوا غرفه فيروز لقوها فاضيه والفرش متغير سألوا الممرضه قالتلهم دكتوره فيروز خرجت من المستشفي
عدنان : عاجبك كده يا فارس اهي المجنونه خرجت من غير ما تقولنا
فارس: اشوفها بس وهعملها بطاطس
عدنان  بعصبيه: المره الجايه اللي هتفكر تقرب منها انا اللي هقفلك
فارس : اهدي وتعالي نفكر المجنونه دي راحت فين
عدنان ؛ انا عارف هي فين
فارس  ؛ فين انطق بسرعه
عدنان : اكيد عند خليل اختي مجنونه وتعملها وزمانها بتدرب كمان
فارس : متاكد يا عدنان
عدنان؛ تعالي نروح مش هنخسر حاجه
وركبوا وراحوا عند خليل
عدنان ساب فارس بيركن العربيه ودخل جري
عدنان: فيروز فيروز فيروز انتي هنا
خليل : مين اللي عامل دوشه هنا
عدنان : ده انا عدنان اخو فيروز هي هنا
خليل : علي اساس مش عارفك يعني ما انا مربيك انت والهانم
عدنان ؛ طيب هي هنا طمني
خليل: اه هنا بتدرب 
عدنان: كنت متأكد انها مجنونه وجات هنا
فارس دخل : ها موجوده يا عدنان
عدنان : اه موجوده
فارس : فين اوضتها يا كابتن
خليل : اوضتها هناك اهي وشاور علي اوضه باللون الزهري  خلوا بالكم تخبطوا قبل ما تتفتحوا والا انتو احرار انا حظرتكم
عدنان وفارس معطوش للامر اهميه ونسيوا يخبطوا وفتحوا الباب علي طول فجاءه انكب عليهم جردلين ميه متعلقين علي الباب
فيروز وقفت تشوف مين اللي دخل واتغرق لقتهم عدنان وفارس
عدنان : انا مش عارف الزاي نسيت خدعتك دي
فارس ؛: خدعه
فيروز : ايوه خدعه عملاها عشان محدش يدخل عندي من غير اذن
فارس  : خرجتي ليه من غير ما تقولي لينا ليه وليه بتدربي وانتي تعبانه
فيروز: اولا كنتوا نايمين وانا خرجت عشان عاوزه اتدرب وارجع المستشفي بسرعه
جاك كان جه وفارس بيقول ان  فيروز تعبانه
جاك: انسه فيروز هل انتي بخير ماذا حل بكي
فيروز: لا تخف جاك انا بخير
عدنان : مين ده يا فيروز
جاك: انا جاك مبرمج ولقد انقذتني فيروز من عصابه منذ عده ايام وأصبحنا اصدقاء
فيروز : عدنان جاك عاوزه منكم مساعده
جاك: انا في الخدمه
عدنان: اطلبي اللي تحبيه يا أميرتي
فيروز: دلوقتي الظابط مهران السيوفي بيراقبني وحط راجل بيتجسس عليا
فارس : مهران صاجبي بيراقبك طب ليه
فيروز : عشان مدحت اللي معترفش اني انا اللي ضربتهم وشاكك اني بتعامل مع مدحت في شيء غير قانوني
جاك : وماذا ترديننا ان نفعل
فيروز: عاوزه خط محدش يعرف يتتبعه وكمان صوتي يتغير وانا بكلم مدحت انا كشفت علي بنته ومحتاجه اسبوعين علاج ونعمل العمليه هتبقي الجمعه الاخيره من الاسبوع الثاني ولازم اكلم مدحت وتلفوني وتلفون مدحت متراقب فانا هكلمه بالالغاز واقوله معاد العمليه
جاك وعدنان ؛ بسيطه ساعه بالكتير ونجهزلك اللي انتي عاوزه
فيروز: فارس ارجع انت المستشفي وانا هفضل هنا عشان اعمل اللي قولت عليه وكمان اتدرب بعد ساعه كان عدنان وجاك عملوا اللي طلبته فيروز وكلمت خليل وفهم عليها وعرف ان عمليه بنته بعد اسبوعين بس مش لازم يجي المستشفي لانه متراقب
رجع فارس المستشفي لقي واحد من الدكاتره بيعاكس رهف راح ضر به
فيروز عرفت وراحتله ورهف استأذنت ومشيت
فيروز : مينفعش كده يا فارس
فارس : بحبها بحبها اشوفها بتتعاكس واسكت بس الزاي
فيروز : خلاص هاخد خليل ونروح نخطبها ليك بكره بس اديني رقم ابوها
فيروز رنت علي اللواء مازن وكلمته وراحوا
تاني يوم بالليل فيروز وفارس كانوا في بيت مازن السيوفي
فارس: طبعا حضرتك عارف احنا هنا ليه انا جي اطلب ايد الانسه رهف
مازن : انا يسعدني والله اني اسلمك بنتي وانا عارفك من صغرك راجل بس الراي  رايها بردوا هسالها
مازن : اي رايك في فارس يا رهف
رهف بخجل : اللي تشوفه يا بابا
فيروز : يبقي موافقه علي خيره الله بعد اذنك يا حضره اللواء انا عاوزه الخطوبه كمان يومين
ناهد: مينفعش يا بنتي لسه معزمناش حد يومين قليل هتقدري يا طنط يلا نستاذن احنا
فيروز: ممكن تستناني هنا يا فارس
فارس : هتعملي اي
فيروز هاجي علي طول متخفش
وودخلت اتكملت مع مازن وناهد وطلبت منهم حاجه ووافقوا بعد الحاح كبير من فيروز
فارس: عملتي اي
فيروز: مفاجاءه بس هتتبسط اوي منها
فارس: مفاجاءه اي
فيروز: هتعرف كمان يومين
مهران طلع مأمورية مهمه ومحضرش حاجه بس كان علي علم بكل حاجه وكان موافق

&&&&&&يتبع
يا تري اي المفاجاه اللي فيروز حضرتها لفارس ورهف وهل هتتقابل هي ومهران ولا لا
و هيحصل اي في نهايه الاسبوعين
وهل حد هيتاذي
كل هذا واكتر في البارت الجاي متنسوش تعملوا تصويت وكومنت
#المجرمه والشرطي
بقلم
#أيه جمال