តើអ្នកទាំងអស់គ្នាធ្លាប់មានចិត្តស្រឡាញ់មិត្តភក្តិរបស់ខ្លួនដែរឬទេ?
ពិតមែនហើយ កាលដែលយើងស្រឡាញ់មិត្តភក្តិរបស់ខ្លួនវាពិតជាខុសខ្លាំងចំពោះមិត្តភាព ប៉ុន្តែយើងមិនអាចហាមឃាត់បេះដូងយើងបានទេ ព្រោះវាបានចាររួចហើយថាស្រឡាញ់ អ្វីដែលសំខាន់ទៀតនោះគឺយើងស្រឡាញ់មិត្តភក្តិដែលមានភេទដូចយើង។ដូចដែលយើងដឹងហើយថា ស្នេហាភេទដូចគ្នា សង្គមបច្ចុប្បន្នមិនទាន់ទទួលស្គាលទាំងស្រុងនៅឡើយ តែអ្វីដែលសំខាន់ តើយើងសុខចិត្តក្បត់បេះដូងតាមទស្សនៈរបស់អ្នកដទៃមែនទេ?
តឹកៗ
ទឺង!!
សំឡេងនាឡិការ និងសំឡេងវាយជួងបន្លឺស្មើគ្នាហាក់ចង់មកដាស់ខ្ញុំអោយភ្ញាក់ឡើង ព្រោះវាដល់ពេលដែលខ្ញុំត្រូវក្រោកទៅរៀនហើយ។ ខ្ញុំចុះពីលើពូក ទាញកន្សែងរួចបោះជំហ៊ានមួយៗទៅបន្ទប់ទឹកទាំងមមីមមើនៅឡើយ។ ទម្រាំតែខ្ញុំរៀបចំខ្លួនរួចម៉ោង 7 កន្លះទៅហើយ ។ ខ្ញុំក៏ប្រញាប់ប្រញាល់រត់ចុះទៅខាងក្រោមយ៉ាងលឿនដើម្បីញ៉ាំអាហារពេលព្រឹកនឹងអាលបានទៅរៀន។
ពេលចុះទៅដល់ខាងក្រោម ក្លិនឈ្ងុយឈ្ងប់ចេញពីផ្ទះបាយហើរមកតាមខ្យល់ ប៉ះច្រមុះខ្ញុំធ្វើអោយខ្ញុំដឹងថាម៉ាក់របស់ខ្ញុំកំពុងតែធ្វើបបរនៅផ្ទះបាយមិនខាន។ ភ្លាមនោះគាត់ក៏ដើរចេញមកហើយដួសបបរដាក់ក្នុងចានសម្រាប់ខ្ញុំ។
“ នេះកូន!! ញ៉ាំអោយឆ្អែតចុះណា នឹងអាលបានទៅរៀន!! ” ម៉ាក់និយាយទាំងញញឹមរួចក៏អង្គុយចុះមុខខ្ញុំ។ ខ្ញុំដួសបបរមកដាក់មាត់មួយម៉ាត់។
“ អូយ!! ក្តៅ!!..អួយ!! ”
“ បើបបរទើបតែដួសពីឆ្នាំងនឹងមិនអោយក្តៅយ៉ាងមិច?!មិនចេះផ្លុំអោយបាត់ក្តៅទេ ដឹងតែពមយកតែម្តងហើយ! ” ម៉ាក់មិនបានបារម្ភពីខ្ញុំទេ នៅវាយខ្ញុំទៀត ។ តែខ្ញុំនេះវាភ្លើដែរនឹងហ៎ា ហិហិ! “ អឺន៎ែ! ហាន់នីហ៎ា ម៉ាក់ទៅធ្វើការមុនហើយណា៎! ”
“ ច៎ាម៉ាក់ ” ខ្ញុំតបទៅគាត់វិញទាំងញញឹម
“ ខំរៀនណាកូន!! ” ថារួចគាត់ក៏ប្រញាប់ចេញទៅ។មុនពេលគាត់ចេញទៅធ្វើការ គាត់តែងតែផ្តាំបែបនេះឯង «ខំរៀនណាកូន» ប៉ុន្តែមើលមកខ្ញុំនេះហាក់មិនខ្វល់ពីពាក្យនេះសោះ ។ និយាយអោយត្រង់ទៅ ខ្ញុំនេះរៀនមិនចេះទេ តែម៉ាក់គាត់មិនថាអ្វីឡើយ ខ្ញុំដឹងថាគាត់ពិបាកចិត្ត តែខ្ញុំនេះខំហើយតែសៀវភៅប្រលោមលោកតែងតែមកគ្របដណ្តប់ខ្ញុំជានិច្ច ហុហុ ^_________^
YOU ARE READING
Just F̶r̶i̶e̶n̶d̶
Romance⏳មិត្តភាពរបស់សិស្សស្រីម្នាក់ ដែលគេស្រឡាញ់មិត្តរបស់គេខ្លាំងមែនទេន។ ហើយពួកគេតែងតែសម្តែងធ្វើជាស្និតស្នាលគ្នាខុសធម្មតាតាម សាច់រឿងប្រលោមលោកដែលពួកគេបានអាន។ ហើយរឿងមួយនេះនឹងបញ្ចាំងអោយយើងឃើញថា បើយើងស្រឡាញ់មិត្តភក្តិរបស់ខ្លួនឯង យើងនឹងពិបាកសម្រេចចិត្តណាស់ ថាតើ...
