حَظ المكَان اللَي يضوي فِيه قَمَرين قَمْر السَّماء وَقَمر وَجْهك المُعتاد .

البارت الواحد والأربعين

حرك كيان للبيت وهو مشتاق لامه وخواته كثير واللي مطمنه وجود غازي معاهم وصل البيت والابتسامة شاقه وجهه فتح الباب وسمع صوت بكاء وشاف دم في الأرض أسرع لداخل وشاف المنظر اللي تمنى ما يشوفه في حياته كلها جرت عبير تحضنه وتقول :جوا رجال اخذوا غازي بالقوة
شد عليها كيان وأخفى خوفه وباس رأسها وقال :تخافي وانا اخوش؟
فتح يده الثانيه وجروا خواته حضنهم وراح طمن امه وباسها ولبس واقي الرصاص ورفع تلفونه يتصل لغيث
وعند غيث:
خرجت ريفال البدله اللي خيطتها بالون البني وحطت وسطها جهاز الحمل دخل غيث وشاف في نص السرير البدله قرب اكثر وشاف خطين ما فهم في البدايه وقالت ريفال بصوت واطي :من الان اذا ولد غيمان
طرح غيث البدله وحضن ريفال ودورها ضربته بيدها وقالت:انتبه!
استوعب غيث وقال :غيمتي
ريفال:ام غيمان*
غيث :اتجلسي في عيوني غيمتي الطاهره
ابتسمت ريفال باحراج وقال غيث :ماما لطيفه عارفه؟
ريفال :لا
غيث:بشريهم وانتبهي تأخذي شي ثقيل ما اشتي اخسر طفل ثاني
تذكرت ريفال فرق حملها الأول عن هذا حمدت ربها وقالت :حاضر بكره الصبح اقول لهم
ابتسم غيث وقاطعه اتصال كيان وقالت ريفال بملل :جت طبينتي
ضحك غيث ورد وقال:مقدر على فرقاك احمدك ربي
توقع كيان يضحك لكن صدمته نبرته الجديه يوم قال :البس درعك وتعال
غلق كيان التلفون رجم غيث تلفونه وطار اخذ الدرع من الدرج الرابع ما عرفت ريفال اللي اخذه وقبل ل تسأله ريفال باسها وقال :روحي ارقدي عند ماما لطيفه
ريفال بخوف :في حاجه؟؟
غيث :لا بس تعرفي كيان رجع من السفر وتعب ويشتي أخذه المستشفى
صدقت ريفال من ملامحه الجديه وقالت :طيب انتبه لنفسك
غيث :استودعتش الله
رسلت له ريفال بوسه مع هواء غلق غيث الباب كرهه الحظ اللي معه واتوجه بسرعه البوابه الرئيسيه دخل سيارته وخرج شاف ابو محمد جارهم وقف السياره احترام وخرج راسه وقال :مسيت بالخير يا عم
كان ابو محمد جالس في كرسي قدام بيته يلاعب حفيده شاف غيث اللي يعتبره ابنه وقال :غيث يا ابني كيف حالك
خاف غيث لو تاخر وقال باستعجال :بخير ونعمه الحمد لله وانت يا عم
ابو محمد :الحمد لله وين بتروح وقال بمزح :اذا ابوك طردك تعال عندي
ابتسم غيث وتذكر لما كان يهرب لعند جارهم من ابوه وقال :بروح اغير جو مع كيان
ابو محمد :تعالوا عندي نجلس سوا
غيث:مره ثانيه اسلم يا عم
أشر له ابو محمد بيده رد له بابتسامه وراح وحمد لله انه ما قال بجي معاكم وصل لبيت كيان نزل بسرعه وقال :عادك ما قلت بسم الله دخلنا
كيان:الله لا بارك فيهم اخذوا غازي من البيت
غيث :السرابيت تمادوا وأخذوا عميد!!!
كيان :اسمع بنهاجم المكان بس انغطي وجوهنا وشويه ويجي فريق الدعم
غيث :المفروض يرقوك يا كيان على هذا التعب والله
كيان بجديه :مش وقت الترقيه امسك السلاح
اخذ غيث السلاح وحطه في حزام البلطلون  وجنب سيارته وجت سيارات الشرطه راحوا معاهم وبكل بساطه قادتهم اسواره غازي على الموقع شاف كيان الموقع وقال :دريت انهم هم والله الأغبياء
غيث:من؟
كيان :هذول اللي طلبوا رأس كريم عرفوا ان كريم اشتكى عليهم وأخذوا غازي كتهديد علشان يجي كريم
ضحك غيث وقال :ل ذمتي انهم حمير يلعبوا على شرطه كانوا اخذوا إسلام على الأقل نستمتع بالعب معاهم
ابتسم كيان ابتسامه سخريه وقفت السياره ونزلوا الكل حوطوا المكان وبحركه سريعه مع قوة غيث كسر الباب ودخل الكل شافوا ٣ اشخاص من المشتبهه بهم يحرسوا المكان قبضوا على اثنين وأخذ غيث غازي وجرى كيان لحق الشخص الثالثه لكن واحد منهم طلع سيارته وقبل ل يهرب ومع كثر التدريب لكيان قفز لفوق السيارة وحط السلاح على الزجاج ابتسم المجرم وقرر يستغل الليل صديق ويسرع بسيارته وبهذي الطريقه يتخلص من كيان لكن سرعان ما تدخلت رصاصه غيث في عجله السياره والقوا القبض عليهم وبعد تفتيش المكان انطلقوا لمركز الشرطه ،وفي مركز الشرطه :
تحول المجرمين الثالثه للقسم ابتسم غازي وقال :والله اني افتخر فيكم واباهي
كيان :الله المستعان هذا واجبي نحو اخي
بعد غيث الثام وقال :يالله أستودعكم الله
سلم غازي على غيث وقال:انت أدخل عسكري وابشر بالترقيه السريعه
غيث :لا خليني هكذا احس اني رجل عصابات تحت ضوابط قانونيه
الكل :ههههههههههههههههههههه
غيث :دام مسكناهم خلاص يرجع كريم
غازي :بالعكس باقي أخطر اثنين اذا القينا القبض عليهم يقدر كريم يرجع طبعا
كيان :لكن خلاص نهايتهم قربت بناخذهم لتحقيق بينكروا لكن بنضغط عليهم ومع المراقبة بناخذهم بالادله ويقدر كريم يرجع براحته
الكل :ان شاء الله
ودعوا غازي وتوجه كيان وغيث مع بعض لطريق البيت وقال غيث :ليش ما تاخذ الاثنين الان وتاخذهم السجن مع بعض الخمسه ويلتقوا مع بعض ويقتلوا بعض في السجن لانهم اغبياء كشفوهم وخلاص ترجع الامور لطبيعتها
كيان:احلام العصر؟ورثوك الغباء اذا اخذناهم بدون دليل قاطع بيطلع لهم محامي ويخرجهم زي الشعره من العجين ويرجع اجرامهم اخس من قبل انا هناك موزع واجمع كل الأدلة وبيجي لهم يوم زي اللي قبلهم
غيث :فهيم
كيان :ما سعك حمار
غيث:وعاد غازي يشتي أدخل عسكره
كيان :والله انه طيب الله يسعده
ضحكوا الاثنين وقال كيان بجديه:بس منصدق تنفع للهجوم أدخل عسكره وخلي تجاره ابوك على مازن اذا رجع كلها سنه وشويه
غيث :وايتم ابني من قبل ل يجي
كيان :محد قال لك موت ... بتكون اب!!!
ضحك غيث وقال:قريبا ان شاء الله
دق كيان بوري دقه غيث وقال له :الساعه ١٢ الليل مش ١٢ الصبح!!
ضحك كيان ووقف عند الباب نزل غيث ودعه وركب سيارته وراح ،دخل كيان البيت وقال :حلواتي؟
جروا خواته وقالت عبير بخوف :وين غازي؟
كيان :يوقع كم ورقه ويرجع لا تخافي هذا مزح عيال
ضحكت عبير وقال كيان :ايوة ما اشتي منكم دمعه يا وصيات الغالي
ابتسمت زهور ولفت الكيمره على كيان وقالت :وهذا بطلنا يا دُجى
ابتسم كيان وعرف ان خواته اتصلوا لدُجى علشان تطمنهم وحب كلمه بطلنا قدامها زادت ابتسامته ولمعت عيونه شوق وحب ان كل احبابه بخير واكتفى انه سوا بيده قلب رغم انه ما يشوف إلا كفر التلفون ضحكوا البنات  وراحت زهور مع خواتها الغرفه يواصلوا مكالمتهم اللي بدايتها خوف واخرها فرح ،راح كيان غرفه امه اللي تطل على البلكونه وشافها تصلي جلس جنبها وتذكر دُجى وقال :مصير الليالي السود يظهر قمَرها
سلمت ام كيان باس كيان رأسها وقال :ولدش رجال
استبشرت ام كيان من ضحكته وقالت :وسيد الرجال
ابتسم كيان وقال :خلاص الماء رجع لمجاريه وغازي بخير
ورود من وراهم :ماء وغازي ابنهم القادم مشروب غازي ههه
كيان بابتسامه :ما تضحكي
ورود :الا بس انت نفسيه
ضحكت ام كيان وراحت ورود ترقد فوق رجل امها حط كيان رأسه في الرجل الثانيه وقالت ورود :بطل حسد يا كيان
كيان :امي مثل ماهي امش
ام كيان :امكم كلكم 
ابتسم كيان وجلست ام كيان تلعب بشعر ابنها وتقرأ الأذكار غفى كيان من شده تعبه راحت ورود جابت وساده نقلت ام كيان رأسه بهدوء وغطته ورقد كيان فوق السجاده
ام كيان :نقومه يرقد فوق سريره
ورود :لا حرام شكله رقد تاعب عادي يعتبر نفسه في البقاله متعود
ضحكت ام كيان وراحت ترقد باست ورود كيان وهي المدلله عنده كونها الصغيره وراحت ترقد
ومن هنا لعند غيث:
ندم انه قال لريفال ترقد عند جدتها لكن حمد الله بنفس الوقت انها عدت سليمه وما شافته بهذي الحاله اخذ دش ورقد
وفي تركيا :
دخل هتان الغرفه وشاف لُبنى تصلي وتر سلمت لُبنى وقالت:جيت بسرعه
هتان :غيرت رأيي بقعد معتس
ابتسمت لُبنى بواسع ثغرها وقال هتان :ناقصتس شي تبين شي
لُبنى:تسلم مو ناقصني شي
ارتبك هتان وقال:وش لونتس ...
استغربت لُبنى وقالت بمقاطعه :الحمد لله
ضحك هتان وقال:اقصد لونتس المفضل
لُبنى باحراج :زيتوني
ضحك هتان وقالت لُبنى وانت
هتان :ابيض
بعدت لُبنى حجابها وتناثر عطرها في كل مكان راحت سريرها تواصل كلامها وراح بعدها هتان و....
وفي الصباح :
قامت امل شافت البيت كله نايم شافت الوقت متاخر راحت الصاله شافت جهاد وقالت:وينهم؟
جهاد بتثاوب :نايمين
امل :وانتي ليه ما رحتي الجامعه؟
جهاد :اجازه بعد اسبوع ببدأ اختبارات وفقعت تسبد
امل بضحك :يا عزتي لش
جهاد :هخ لو منتي بحامل ل اكفختس لين تقولي امين
امل :بقول امين من قبل ل تكفخي
ما قدرت جهاد تمسك ضحكتها وقالت امل :صدق ل قالوا اولادش عزوتش
جهاد :وش دارتس انه ولد يمكن انها بنت
امل :قلب الام وبعدين بسُعد لو جت بنت نتفق انا وهي عليش
ابو هتان بمقاطعه :صباح الخير
جهاد وامل :صبحك الله بالنور
ابو هتان :العصر بنروح بيت خالتس خالد نجيب لهم علم ونحدد موعد العرس
جهاد بصوت واطي :ل يكون سمعنا
امل :عرس مين يعم؟
ابو هتان :ابنخطب ليان ل إبراهيم
امل :ماشاءالله الله يتمم لهم على خير
جهاد :ابشر يايبه العصر والكل جاهز
امل :اي
جهاد بمزح :انتي لا انا وامي بس
ابو هتان:لا انتي اقعدي عند اختس لو تبي شي
جهاد :يبه!
ضحك ابو هتان وقال :الجميع يجي وجمان يقعد عندها سند كم ساعه ونرجع
جهاد بحماس :ان شاء الله
*نرجع بالأحداث شويه *
سمع ابو هتان أصوات عياله في المطبخ وراح بيصرخ عليهم لكن استوقفه هرجهم على موضوع إبراهيم وهو للان يشوف نظره الكسره في عيون هتان كل ما شافه ما حب يعيد الغلطه مرتين وقرر يزوج إبراهيم ل ليان وراح .
نرجع للحاضر :
راح ابو هتان فتح غرفه إبراهيم وقال:انت الوحيد اللي باقي ما اعرست وافتح غرفتك براحهه
ضحك إبراهيم وقال:صباح الخير يايبه
ابو هتان :صباح النور تجهز العصر بنروح لخالك خالد بنخطب لك بنت عمتك
فز إبراهيم من وقال:أنا بحلم ولا بعلم صادق يايبه؟
أبو هتان بعصبية:تكذبني يا تسلب
إبراهيم :ابد محشوم يا يبه لو تبي الان رحنا
ابو هتان :الشرهه علي يوم اني قلت إبراهيم غير عن إخوانه
إبراهيم :ليس كل ما تراه صحيحاً يا ابتااه
كتم ابو هتان ضحكته وقال :ولد!
ضحك إبراهيم وراح باس رأس ابوه ابتسم ابو هتان وراح
عدا الوقت على خير وتجمعوا الكل في بيت ابو ريان :
ابو ريان:ارحبوا حياكم الله
ابو هتان :المرحب باقي يبو ريان
إبراهيم:الله يحيك
دخلوا الكل ديوان الرجال وعند البنات :
دخلوا البنات استقبلتهم ليان بفرح ابتسمت جهاد وقالت :ما دريت ان العروس تضيف اهل رجلها
دقتها ام هتان وقالت ام ريان : تفضلوا حياكم الله
الكل :الله يحييتس
عند الرجال :
ابو هتان:ما لك في الطويله ياخوي حنا جينا نبي بنتك ليان على سنه الله ورسوله لإبراهيم وما بنلقى ازين من بنت خاله وبنت عمته
ابو ريان :والله الشرف لنا يبو هتان متى تبون الزواج
ابو هتان :اذا يناسبكم بعد شهرين
ابو ريان:اجل قرينا الفاتحه
قروا الرجال الفاتحه وامتلأت قلوبهم بالفرح وسرعه الموافقه ،بشر إبراهيم امه برساله بدأت العرب تبارك لإبراهيم تنحنح ريان وقال بمزح :الله يالدنيا بالامس يسرق حذياني واليوم يجي مستحي يطلب نسبنا
تذكر إبراهيم طفولته مع ريان اللي كلها هوشات ضحك وقال :ابك مو وقت هرجك ذا
الكل :هههههههههههههههههههههه
ريان :مستور يبو نايف مننا وفينا
ضحكوا الرجال وتعددت سوالفهم ما بين طفولتهم ومستقبلهم ومن هنا ل عند البنات :
ام هتان:ويا زين لياني بين بناتي
جهاد :كنا ثلاث بنات لامي صرنا ست
ضحكوا وقالت ام ليان:والله الساعه المباركه يوخيتي والله يكتب لهم الخير
الكل :امين
لُبنى :يا زين اللي يستحون
راحت جهاد جنب ليان وقالت بمزح :الزين عندنا والشين حولينا واشرت بيدها لعند لُبنى وامل
امل :لُبنى يا قلبي روحي اضربها بدلي وضعي ما يسمح لي
لُبنى :الظاهر بتحالف معتس قريبا
فرحت جهاد وقالت خافيه مشاعرها :يا قراده حظي بيقلبون البيت حضانه
ام هتان بفرح :اللي تقولينه صدق؟
لُبنى باحراج :ان شاء الله يعمه
باركوا البنات للُبنى وقالت امل :سلسلة مناسبات
ام ليان :جعلها دايمه
زغرطت ام هتان فرح لعيالها الاثنين وزغرط الكل معاها وصل صوتهم لمسامع الرجال دق هتان إبراهيم وقال :أمورك غانمه
ابتسم إبراهيم وقال سعود :اليوم إبراهيم اخوي بس يوزع ابتسامات
ريان :سلكوا له يالربع
ضحكوا وقال ابو هتان :قبل ل تستأذن يابو ريان نادي لي اوخيتي بأسلم عليها قبل لروح
ابو ريان:على هالخشم بس تو الناس
ابو هتان :عليه الشحم ،اعذرنا ياخوي عندي دوام بعد شوي والجايات اكثر ان شاء الله
ابو ريان :ان شاء الله
دخلت ام ريان الديوان سلم عليها اخوها ومن بعده عيال اخوها وقال ابو هتان :ناقصتس شي تبين شي أمريني وانا اخوتس
ام ريان :ما يأمر عليك عدو يسندي الحمد لله خير الله واجد ولا ناقصني شي
ابو هتان:اجل انا استاذن
الكل :الله معاكم
دخلت ام هتان سلمت على اخوها وقال هتان بصوت واطي :الحين ينعاد السيناريو
ضحكوا وودعوا بعض وتوجهوا للبيت وفي بيت نايف بن ناصر ال سعد :
دخل إبراهيم على صوت زفه جهاد فتح باب وحضنه ضحكوا البنات وقالت جهاد :وتلومون ابوي يوم رفض النظره الشرعيه
لٌبنى  :اي والله هذا وهو ما ناظرها
ام هتان:ولدي عاطفي بسم الله عليه
هتان :امحق العاطفة
سعود :اخوي ناقصه حنان
امل :تصحر
جهاد :جوع عاطفي سلمكم الله
الكل :ههههههههههههههههههه
إبراهيم :حسد اعوذ بالله سمي علي يا اميتي
سعود :طالع في التسلب ذا يقول حسد
هتان:معليك البدايات
الكل :هههههههههههههههه
جنب ابو هتان سيارته دخل البيت وكل وحده راحت غرفتها مع زوجها بقت جهاد وإبراهيم ضحكت ام هتان وقالت :ما يقدر عليهم إلا اللي خلقهم ثم ابوهم
ابو هتان:وش في؟
ابتسم إبراهيم وقال :ابد يابو العريس
ابو هتان :روح سوي قهوه
رفعت جهاد حاجبها شافها أبوها وقال :روحي معه
جهاد :ابشر
ضحك إبراهيم وراحوا الاثنين يحكون لبعض ايش صار في الطرف الثاني وميتين ضحك عدا شهرين بدون اي أحداث مهمه إلا وصول ألين بسلامه وإعلان خبر حمل لُبنى وريفال واتمام جهاد سنتها الثالثه في الجامعه .
وفي اليمن:
ما قدر كريم يستحمل هذي الشهور كلها بدون ملاك ويعتبر اتصاله لها في هذا الوقت ضروره تأكد ان الكل راقد خطى للبلكونه اتصل لملاك وكل رنه يسمعها كان قلبه يرف فراشات
عند ملاك :
كانت ماسكه على بطنها ووجع ظهرها جاب لها الغثيان رن تلفونها شافت رقم غريب أعطت التلفون لطيف وقالت :اذا مغازل اندفيه واحظريه اليوم مافيني طاقه اتكلم
طيف بضحك :عنيا
ردت طيف وفتحت الاسبيكر وقالت بصوت خشن :من؟
ضحك كريم وقال :هذا مش باب يقولوا الو
من الفجعه رجمت التلفون لبطن ملاك وقالت بصوت باكي :كريم وحشتني
ما قدر كريم ينطق اي كلمه من الغصه عم الصمت لثواني راحت طيف الحمام تبكي واخذت ملاك التلفون وقالت بصوت مهزوز :الان ذكرت ان عندك زوجه وين الغلا والحب والعهد يا كريم؟
تنحنح كريم وقال :والله انش في وسط عيوني ما تغيبي ثانيه
حست وسمعت صوته المُنهك وقالت :كيف انت؟
كريم :دخلت بشخصيه سيف اشتغل مع واحد تسويق ما اعرف حد إلا اثنين والباقي سطحيين ممنوع اتصل لحد سبحان الله لو انتشر خبر سفري في تعز  تنهد وقال :اشتقت لش يا ملاك
دمعت عيون ملاك وقالت :اذا اتصالك لي خطر وخطأ لا تتصلي
كريم :لو يحسبوه خطأ بخطيه كل عمري وانا راضي
مسحت ملاك عيونها بقوة وقالت:حتى انا اشتقت
انشرح صدر كريم بصوتها وما قدر يقول حرف من الغصه اللي لو تكلم بينفجر بكاء حست ملاك وقالت :مش انت شخص عادي انت فزة قلبي ،البكاء مش عيب ولا حرام يا كريم بس لا تزيد توجع قلبي به تعال ونبكي مع بعض وتحكي لي واحكي لك
مسح كريم دموعه بقوة وقال:قريب يا ملاكي والله ما ابعد عنش مره ثانيه والله ما يفرقنا إلا الموت
ملاك بحده :ايش جاب الموت يا كريم؟
ضحك كريم وضحكت ملاك معه وقال :رديتي روحي
ابتسمت ملاك وتخيل كريم ابتسامتها وقالت :تلفونك ريمي؟
كريم :ايوة نوكيا
ملاك:ايام كنا نشوفها أعظم اختراع
ضحك كريم وقال :اي شي يكون فيه اثرش عظيم بقلبي
ملاك باحراج:على العموم يعيوني عيش ايام العزوبية مره أخرى مع الشباب اهم شي شباب هاه!
تنحنح كريم وقال بصوت حنون :
واللي خلق هذي العيون اني لاحساسش اصون
قولي لقلبش يستريح اللي يحبش ما يخون
ملاك :كل ماغار قلبي ذكرني بأنك لي!
كريم :ليش تغاري هم يغاروا اما انتي تدللي
انجبر قلب ملاك كيف غيبه شهرين ونص قدرت ترمم كسر قلبها من اتصال واحد وقالت :عهد بتجي قريبا
كريم بحزن:حتى ما بقدر اشوف صورتها!
ملاك :تخيلها
كريم :ملاك مصغره ان شاء الله
ملاك بمزح :هو ان شاء الله بس يخوفي تطلع شبهه طيف
ضحك كريم وقال :وينها؟
ملاك :خطيت
كريم :خلاص بتصل لامي اطمنها
ملاك :طيب واتصل لعمي كمان
كريم :ان شاء الله استودعتش الله اللذي لا تضيع ودائعه سلمي على ماما لطيفه
ملاك :وداعت الله يا نظر ،يوصل
قرب كريم لسماعه وباس سمعت البوسه ملاك ضحكت بحب وغلقوا المكالمه مع بعض ،اتصل كريم لامه وابوه وطمنهم ودخل من البلكونة تمدد فوق السرير براحهه عكس كل مره انعكس نور القمر لوجهه وقال بهدوء :زي نور ملاكي ،ابتسم ابتسامه خفيفه ورقد .
سجلت ملاك رقمه وحضنت التلفون ورقدت جنب ماما لطيفه متناسيه وجع ظهرها كليا.
ومن هنا ل عصر تركيا:
دخل إبراهيم وبشته على يد وبوكي ورد على يد شافته جهاد وقالت :الله يالدنيا إبراهيم اعرس
إبراهيم:بتبقين وحدتس في فريق العزوبية
جهاد :يا زين هالفريق والله اقول هذا الورد لي؟
اعطاها بوكي بالورد الأحمر وعليه شريط بيضاء مطبوع فيها :(هل تقبلين ان تكوني اميرتي؟)
أخذته جهاد شهقت وقالت :أميرتي!!
إبراهيم :قل أعوذ برب الفلق من شر ما خلق
جهاد:بضركم على ايش يحسرتي ما تدري انها بتكرف كرف الحمار
إبراهيم:حرم إبراهيم ما تشتغل
جهاد:اجل روح خذ لك بيت انت واميرتك ما عندنا بنات رفلات بالكثير شهر واحد وتصف جنبي في المطبخ
ضحك إبراهيم وخرج من جيبه سلس فضه وقال :امسكي بس الله لا ولاتس على حد
ضحكت جهاد وحضنته وراحت لعند ليان شافت ليان البوكي وقالت :موافقه موافقه موافقه
امل :يا خفيفه
ليان بضحك:جعل محد غيري يخف له
امل :متى يجي الشيخ وتنقلع؟
جهاد :هانت ربع ساعه ويجي
ضحكوا البنات وشافت جمان لُبنى ماسكه على بطنها ووجهها شاحب قربت لعندها وقالت :وش فيتس؟
لُبنى:بطني شوي تعورني
جهاد بخوف :تبين حبه مخفف الم؟
لُبنى :لا يروحي تسلمين بروح اشرب شي حار وبتهدأ
امل بمزح :بتحرقي جنينش
جهاد :يا ثقل الدمم
ضحكت لُبنى وقالت امل :هذا المطلوب (تقصد ابتسامتها)
توسعت ابتسامه لُبنى وراحت المطبخ ،وعند الرجال :
الكل متجمع بدون استثناء دخل الشيخ وقال:السلام عليكم يا رجال
الكل :وعليكم السلام ورحمة الله وبركاته
دخل الشيخ راح إبراهيم جنبه وجنب ابو ريان طلع الشيخ أوراق العقد وبعد العقد رسل سعود رساله لأمل انهم ملكوا رسميا قلبت التلفون صوب جهاد وزغرطوا مع بعض وتحمس الكل وزغرطوا معاهم
ام هتان :الكل جاهز؟
جهاد بحماس :اي
ام هتان:يالله مشينا القاعه
امل :انا بروح مع اهلي
جهاد:واحنا وش؟
امل:اهل زوجي
جهاد :ورجتس اهلتس وأبو عيالتس
امل باستغراب :ايوه
جهاد :اجل امشي قدامي نروح سوا بومتر سعود
قبل ل اكفختس انتي واللي في بطنتس
امل بضحك:طيب وامي وعمتي وترف ودُجى
جهاد :يبنت الحلال بيوصلهم مازن بعد شوي لا تخافي ما بناكلتس ما نحب الحمضيات
ضربت امل جهاد ضحك الكل وقالت جهاد:اعوذ بالله وش ذا الثقل في يدتس
ليان :الليل بالكثير ويدتس تكتسر
امل :بسم الله ماشاءالله
ام ريان :بتمشون او نمشي عليكن؟
ركضت جهاد لسياره تحجز عند الطاقه ومن بعدها البنات وتقسموا قسمين بسيارة هتان وسعود ومن هنا لفيلا عز الدين :
سوت ترف اخر لمسه لوجهها وقالت :مازن انزل حمي السيارة نلبس العبايات وننزل
مازن:مشني فاضي انتظروا لما يجي ابي وروحوا معه
ترف :يهياهه ايجي ابي الساعه ١٠
مازن :روحوا سلموا رورحوا
ترف بحزن:اخر كلامك؟؟
شاف مازن فستانها الرمادي وعليه فراشات ومكياجها في العين بشكل فراشه ضحك وقال :طيري يفراشتي لا تنتظري لحد اعتمدي على نفسش
ترف بقهر :ما تضحك وخلي كتبك المفضلة تنفعك عن اهلك، واو شوفوني انا مجتهد ابو عقلين
ما قدر مازن يمسك ضحكته وقال :الله يعين زوجش
ترف :زوجي غير بياخذني كل مكان وبعدين من قال اني بعامل قرة عيني زي معاملتك؟
اخذ مازن دفتر ورجم ترف على دخلت ام مازن شهقت وقالت :لو كان جاء في عينها؟؟
ترف بتمثيل الحزن:شفتي يا نبع الحنان كان ايسوي فيني جريمه
توسعت عيون مازن بصدمه وقال :يا كذابه!
ام مازن:خلاص اص هيا يا مازن جهزنا
شاف مازن امه بفستان جرز ومَصر طالعي لبس شعبي قديم ابتسم وقال:علشان غزالة قلبي اخذكم المريخ
ام مازن باحراج :بزنا (خذنا)القاعه وكثر الله خيرك
ضحكت ترف لفت ام مازن وقالت بعصبية:ترف!
اخفت ترف ضحكتها وقالت:اسفه
خرجوا ام مازن وترف من الغرفه ابتسم مازن وأخذ مفتاح السيارة ونزل ونزلوا اهل عز الدين كلهم مع حرم عبد الرحمن واتوجهوا للقاعه
نبذه عن لبس البنات :
ليان :فستان ابيض هادئ لكن الطرحه طووويلله و مطرزه تبين جمال الفستان مع اكسسورات ناعمه واظافر وبوكي بلون العودي
سيلين :فستان كحلي طويل وفي الذيل والصدر فصوص وشعرها ويفي
جهاد :فستان موف ملكي مكمم لكن ساعد اليد مفتوح وشعرها مرفوع
جمان :فستان واسع بيج وعليه حزام اسود وشعرها استريت
امل :فستان واسع تغطي بطنها بلون زيتوني عليه ريش من اليد ورفعت نص شعرها والثاني حررته
لُبنى:فستان وردي مكمم مفتوح الصدر وضيق من الخصر وواسع من اخره وشعرها مموج
ترف :فستان رمادي عليه فراشات وشعرها كرلي
دُجى :فستان احمر على الجسم ومزمزم من الجنبين وشعرها استريت ومن أطرافه ويفي
والبافيين لبس مناسب على أعمارهم.
وصلوا البنات القاعه وانبهروا بجمالها دخلت ليان غرفه العروسه هي وامها وبدأت تعديلات البنات قعدت لُبنى بتعب ركزت امها عليها وراحت جنبها وقالت بحنيه :فيتس شي؟
لُبنى:لا تشيلين هم يمه الم الحمل بس
ام لُبنى :متأكده؟
لُبنى :اي
دخلت ترف مع اهلها شافتها لُبنى وقالت:يمه تذكرين لما قلت لتس احس بيصير شي بيني وبين ترف
ام لُبنى :ايه؟
لُبنى :كل ماله الشعور يزيد واللي استغربت منه اني ارتاح ل ناظرتني
ام لُبنى بمزح :بتشيل عنتس هم التربيه خابرتها تحب الأطفال
لُبنى بضحك :ان شاء الله
قاطع حديثهم سلام ام مازن وام امل وبعدهم ترف ودُجى سلمت لُبنى عليهم وصلت لعند ترف شدت عليها بسلام وقالت دُجى :زهره مع فراشه
الكل:هههههههههههههههه
ترف :ايوة نكمل بعض
لُبنى :اقعدي جنبي اليوم
ترف :ولا يهمتس
ضحكت لُبنى وقالت ترف :وين بطنش
لُبنى :با بنت الحلال انا بكر ما تبان اول الشهور توني في الشهر الثاني
شافتهم جهاد مع بعض وهي اللي ما توقعت هذا الشي ابدا اكتفت بابتسامه وقالت:سبحان الله
لُبنى:وشو
جهاد بارتباك :اقصد سبحان الله على بطنتس ليه ما نذكر الله
امل :اهلا يالشخصنه
ضحكت سيلين وقالت:عشان لو شافتس ام وولدها مزيون تخطبتس له وجددي زواجتس
الكل :هههههههههههههههههههه
بدأ الحضور بازدياد وبدأ السلام والتبريكات سمعت ترف غنيتها المفضله غمزت لجهاد فهمت امل وشافتهم بنظرة كره ضحكوا البنات وراحوا ترف وجهاد يتمايلوا بكل فتنه وبسرعه انتهت هذي الفرحه لما لفت جمان ل لُبنى تحش على وحده ،شافتها ماسكه على رأسها وفاتحه نص عيونها قربت لُبنى لعندها وقالت :بنت؟
وسرعان ما فقدت لُبنى وعيها صاحت جمان والكل التفت ركضت جهاد بخوف وبعدها ترف وتجمع الكل على لُبنى بخوف تقدموا جهاد وترف يسعفوها لكن فات الوقت ......

______
بااارت جديد وإحداث جديده ما تكتمل إلا ببارت الجاي لا تنسوا النجمه واشوفكم في بارت جديد يَحلوين 🤎🤎.