One world is worse than the other

part 1

هلا راح احجي قصه حياتي كل الحجي صار ويايه بالواقع والاشخاص كلهم موجودين بالواقع وبس يلا نبدي ورداتي

السلام عليكم انا جنة من العراق راح احكي حياتي بالعالمين الالكتروني و الواقعي و راح اذكر كل أحداث حياتي من الف الى ياء

تبدأ القصه من لمَ قررت انزل تيك توك نزلته و دخلت بعالم اسمه عالم الفيك و تعرفت على شخص اسمه جيون هاذا جيون صار صديقي بس هو جان خاطب بنت فا هي البنت بيوم شافت محادثاتنا و كالت اله لو تعوفها لو تعوفني و هو اكيد اختار خطيبته انجرحت هوايه بس ماهتميت وراها تعرفت على كروب اسمه عائله ويلتون حبيتهم كلش جان اكو من ضمنهم شخص اسمه لويس و شخص اسمه ايان و بنت اسمها كالورين اسماء غريبه صح؟.بس كلت لكم من البدايه (عالم فيك) فا هذا لويس جان يكرهني هو و ايان و بيوم تعرفت على واحد اسمه ادم و ارتبطنا و جانت كلش علاقتنا حلوه نجي لحياتي لواقعيه

الساعه 12:50AM
طبعا نسيت اكول شي اهلي يكرهوني كره غريب بدون سبب يلا نكمل

امي:جنه شمسويه؟

جنه:شسويت

امي:اكو بنت دخلتلي تكولي بنتج تحجي ويا ولد اسمه محمد صح هاذا الحجي لو لا؟.

جنه:چذب مو صح

ضربتني امي

رحت فتحت التيك توك و اشوف لكيتهم يحجون و سولفنا هوايه و قوت علاقتي بيهم كلش اني و ادم چنه كلش نحب بعض

جنه:كعدت ثاني يوم لكيت ادم مبلكني  زين ليش شسويت اله بجيت

لويس:جنه ترا ادم چذاب مايحبج جان يضحك عليج لو يحبج صدك ما جان عافج

جنه:اقتنعت بكلامه شويه وراها عرفت انو صديق ادم دخل حسابه وبلكني كلت عادي وراها صرنا مانحجي اني و ادم ابدا وراها بكم يوم عرفت ادم مسوي حادث

جنه:ادم انت بخير شلون سويت حادث؟.

ادم:لاتخافين بخير جنت دايخ و سويت حادث

جنه:شلون تسوق وانت دايخ ها؟.تعاركنا

جنه:بعد لاتعيدها تمام؟.

ادم:تمتم

رجعنا ارتبطنا اني وادم  صارت علاقتنا احلى من قبل و كلش يحبني واحبه بس هاي مو النهايه تعالو نكمل

اجا اليوم الي ابويه صدمني بي

ابويه :جنه تعالي اريدج بسالفه

جنه:تمام جايه

ابويه:جنه اني قررت ازوجج لابن صديقي

جنه:صفنت ما مستوعبه شنو الي كاعده اسمعه يعني راح يزوجني لا لا اكيد تشاقه بابا صح؟.

ابويه:لا ما اتشاقه و راح ازوجج هسه يلا روحي

جنه:رحت و ترجيت الكل يحجون ويا ابويه ماريد اتزوج اني احب ادم مستحيل

اخر حل جان كدامي الي هو عمي قنعته يحجي ويا ابويه و ابويه شال الفكره من راسه الحمدلله

مرت الايام و حسيت ادم تغير نوعاً ما صار بارد ويايه اجا اليوم الي اكرهه. و من اسوء ايام حياتي ضافتني بنت اسمها كلير و سوت كروب وضافتني بي و الصدمه جان ادم موجود كلت عادي يمكن اصدقاء  ما اهتميت كلت لكلير اني و ادم مرتبطين طلعت كلير تحب ادم و صارت تكرهني ما اهتميت وتعاركنا اني و ادم علمود موضوع مرت الايام اجا اليوم اسوء يوم بحياتي كلير كالت راح اضيف صديقتنا فيفان كلت تمام اول مادخلت فيفان

فيفان:جنه خاص بسرعه

جنه:منو انتي شتريدين؟.

فيفان:خاص بسرعه

جنه:تمام

بالخاص

فيفان:انتي جذابه ابتعدي عن ادم

جنه:انتي شدتحجين؟.

فيفان:اي انتي جذابه اطلعي من حياه ادم ترا اني حبيبه ادم

جنه:هنا نصدمت هي حبيبته شلون و شوكت؟.بلحضه كل ذكرياتي اني و ادم مرت بعقلي دموعي نزلت حسيت اختنكت و روحي كاعده تطلع ببطئ ما صدكت رحت اسئل ادم

جنه:ادم صح الي كالته فيفان؟.

ادم:شكالت؟.

جنه:تكول انتو مرتبطين صح لو لا؟.

كلت الكلام و دموعي بعيوني واحس مختنكه

ادم:......

و الى هنا وصلنا للنهايه ورداتي اعرف البارت قصير بس هذا الي كدرت اكتبه اسفه يمكن باجر انزللكم البارت احبكم ورداتي

تتوقعون شصار ب لويس و ايان ؟.

كالورين ليش ذكرت اسمها هي بالذات؟.

تتوقعون كلير جانت متقصده تدخل فيفان؟.

شنو رد ادم على سوالي؟.

شصار ب عائله ويلتون؟.

كل هل اسئله راح نعرف اجوبتها بالبارت القادم انتضرو لان البارت الثاني حماس حرفياً هاذا جزء بسيط من حياتي و بعد اكو اشخاص راح ينضافون للروايه راح تكون ادوارهم تجنن تحضرو الهم احبكم ورداتي 🌹💗