"حَلِمنَا سويًـا ولڪن على ڪُلاٍ منَا أنَ يسعىٰ لتحقَيق حُلمهِ بمفرده".
꧁_____________________꧂
-أتعلمتي من التجربة يا"وعد"؟
بصتلها بنبرة حُزن وضحڪت:-قصدك أتعلمت من التجارب! هي ڪانت مؤلمة جدًا ومريرة جدًا وسابت ندبـات ڪتيرة جوايـا، بس في النهايـة…اتعلمت.
طبطبت على ڪتفها:-لازم نتألم علشان نتعلم وما نڪررش الغلط تاني..
اتنهدت وقالت:-عارفة يـا"سهيلة"أنـا مريتَ بإنخذالات ڪتير، وڪسر أڪبر، صعوبات، ومشاڪل، وعُقد نفسية معقدة، ورغم ڪده ما ڪونتش بتعلم، وڪل الخبطات ڪانت بتصبني وبتوجعني، ڪنت في ڪل تجربة فاشلة، أرجع أنـا الطرف المڪسور…والطرف الظالم!
معرفش أزاي بجد؟
ما أفتڪرش إني ڪنت بــ ــأذي حد بنظرة حتى، لڪن الناس ڪلها ڪانت بتأذيني، ڪان عندي حسن ظن في ڪل الأشخاص اللي موجودين في حياتي، وإنهم مستحيل يعملوا فيا ڪده، لڪن طلع ڪل ده غباء....
سڪتت شوية وڪأنها بتڪتم دموع جواها وكملت:-
ڪانت أڪبر مشاڪلي إني بتعلق وبشدة، وده ڪان سبب عدم تقبُلي لرحيل أي حد، ڪنت بروح لڪل شوك وأحضنه رغم إني بتعذب، ڪنت بصدق اللي بيتقال من غير أدلة، وإنه صعب حد يڪذب، رغم إنه الڪذب موجود في دنيتنا عادي!!
بس صدماتي الڪتيرة والضربات اللي اتوجهت ليا في الفترة الأخيرة، ڪانت ڪفيلة تفوقني من ڪل الغفلة دي..
اتحولت نظرتها من الحزن لثقة:-
أه لازم الإنسان يڪون عنده حُسن ظن لڪن لازم برده يفترض إن ڪلنا بشر ومش بجناحات، ولازم مانصدقش ڪل الڪلام طالما مافيش فعل يأڪده!
لازم مانَهنّشَ نفسنا ونقلل منها ونحوطها دايمًا في خانـة جلدّ الذات، ونحملها ڪل الأخطاء اللي مالهاش ذنب فيها.
أنـا أتعلمت يا"سهيلة"في فترة التعافي الطويلة والصعبة والعسيرة على قلبي، إنه ڪان لازم أقدر نفسي لأني لو ڪنت عملت ڪده من البداية عمري ما ڪنت هسيب الناس اللي ما يستحقوش معايا، لو ڪنت عرفت قيمتي وأد أي أنا غالية، ماڪونتش هرضى بالقليل المعدوم!
لو ڪنت بصيت لنفسي ڪل يوم في المرايـة بعين راضيه، وإعتراف مني ڪل يوم انه أد أي أنـا جميلة الملامح فعلاً، بل وجميلة قلبًا وقالبًا، ما ڪونتش هستنى رسالة من حد تمدح وتوصف في جمالي، لو ڪنت آمنت بقدراتي وإني أقدر وصدقت إني متميزه وفريدة في حاجات ڪتير، ماڪونتش أستنيت الدعم من الغريب!..
ابتسمت ليها وڪملت:-أنـا حاليًا شوفت نفسي بعيون تانيه، شوفتها بعيني وبحقيقتي، تقبلت ڪل عيوبها ومشاڪلها، وتقبلت ضعفي وقلة حيلتي، ونقصي في حاجات ڪتير، تقبلت إنه ڪلنا عمرنـا ما هنوصل في يوم لحد الڪمال لأنه لله…وأخيرًا وبعد دروب من المعافاة والجراح والألآم حبيتني وبصدق.
حضنتها بفرحة:-أنـا سعيدة بتغيُّرك للأفضل يا"وعد".
بادلتها البسمة وقالت:-أنـا يمڪن ما اتعافيشت بنسبة ١٠٠٪ لڪن في جزء ڪبير مني أتعالج، خايفة من المرحلة الجاية بالأخص إنه الجامعه خلاص قربت، وهرجع للأختلاط بالبشر تاني..
