How to flirt with the final boss 2

Arc 10 part 1

       William သည် တောင့်တင်းနေသော ခန္ဓာကိုယ်ကို ဆွဲလျက် misaki ရှိနေသည့် တိုက်ခန်းအနားသို့ ချည်းကပ်လာခဲ့သည်။ ကံကောင်းစွာဖြင့် 00 သည် သူ့အား သာမာန်ဖုတ်ကောင်အဖြစ် မကူးပြောင်းစေခဲ့ပေ။ ဒီခန္ဓာကိုယ်သည် ဒီကမ္ဘာ၏ final boss ဇွန်ဘီဘုရင်ဖြစ်လာလိမ့်မည်။

       ဇွန်ဘီများတွင် အသိဉာဏ်ရှိလိမ့်မည်မဟုတ်ဟု သူထင်ထားသော်လည်း လက်တွေ့မှာ ထိုသို့ဟုတ်ပုံမရပေ။ အဆင့်နိမ့်ဇွန်ဘီများသည် သူကိုတွေ့လျှင် ဖယ်ရှောင်သွားကြပြီး သူသွားမည့်လမ်းကိုလည်း ရှင်းပေးသွားကြသည်။ ညဘက်သို့ ရောက်လာသောအခါ ဇွန်ဘီများမှာ လည်ချောင်းသံများထုတ်ကာ အော်ဟစ်လျက် ပိုမူမမှန်ဖြစ်လာကြသည်။

      William သည် အသုံးပြု၍မရသော ဓာတ်လှေကားကြောင့် စိတ်ပျက်သွားရတော့သည်။ 10 လွှာအထိ တောင့်တင်းနေသော ခြေထောက်များဖြင့် လှေကားမှ တက်ရလိမ့်မည်ဟု မမျှော်လင့်ထားပေ။ အရေးပေါ်လှေကားမှ သူသွားလိုသော အထပ်သို့ ရောက်သောအခါ William သည် တံခါးအား တွန်းဖွင့်လိုက်သည်။ ချက်ချင်းဆိုသလို သူ့ခန္ဓာကိုယ်သည် တွန့်လိမ်လာပြီး မရင်းနှီးသော စွမ်းအားအောက်တွင် ဖိနှိပ်ခံရကာ ပါးစပ်မှ မကျေမနပ် ညည်းတွားအော်ဟစ်သံများပင် ပေါ်ထွက်လာ၏။

     အချိန်မည်မျှကြာရှည်သွားသလဲ မသိပါ။ သူ့ခန္ဓာကိုယ်တစ်ခုလုံး အပိုင်းပိုင်းအစစဖြစ်အောင် ရိုက်ချိုးခံရပြီးမှ အသစ် ပြန်လည် တည်ဆောက်ခြင်း ခံလိုက်ရသလိုပင်။ အကယ်၍ သူသာ လူသားဆိုလျှင် နာကျင်မှုကြောင့် ချွေးစေးများဖြင့် ရွှဲနစ်နေလောက်သည်။ 00 က မနက် 4 နာရီ ရှိပြီဖြစ်ကြောင်း ပြန်ဖြေလာချိန်တွင် သူသည် ငရဲကျနေသလို နာကျင်မှုအား နာရီပေါင်းများစွာ သည်းခံခဲ့ရကြောင်း နားလည်လိုက်သည်။

     သူခန္ဓာကိုယ်မှာ အလောင်းကောင်ကဲ့သို့ တောင့်တင်းမနေတော့ဘဲ စွမ်းအားအနည်းငယ်ကိုလည်း ခံစားမိနေသည်။ ဒီကမ္ဘာ၏ final boss အဖြစ် မွေးဖွားလာခဲ့ပြီဖြစ်သည်။ ဇွန်ဘီဘုရင်ရဲ့ ထူးခြားချက်တွေက ဘာလဲ။ သူက လူကို မကိုက်သရွေ့ သူ ဇွန်ဘီမှန်း သတိထားမိမှာ မဟုတ်ဘူး။ လှုပ်ရှားမှုမြန်ဆန် ထိခိုက်ဒဏ်ရာရနိုင်ချေနည်း ရခဲ့လျှင်လည်း အချိန်တိုအတွင်း ပြန်ကုသနိုင်သည်။ အခုတော့ သူသည် ဖုံးကွယ်စရာမလိုဘဲ misaki နှင့် သွားတွေ့နိုင်နေပြီဖြစ်သည်။