كان ودي اشوفها صراحة
نايف: ان شاء الله المره الجايه هي معي
صالح: الا يانايف اخبرك تحب الاطفال ما اشوفك مسكت سيف بن عبدالله
نايف: الله يخليه لكم ويبر بوالديه لكن انا مع الاطفال من بعيد لبعيد صح احبهم لكن ما امسكهم الا اذ كبروا
صالح: اجل دام كلكم هنا ابشركم هنوف بنتي حامل
غمض نايف عيونه وفتحه والتفت لخلف اللي بلع ريقه بصعوبه وقال: خال هو كم عمر سيف
صالح: ثلاث شهور
خلف: توه صغير على كسر راسه
صالح: تجيبهم ورا بعض ويصيرون كنهم توام تريح نفسها من بدري الا يانايف متى عرسك
نايف: بعد اسبوعين من اليوم
سالم: الله يسعد ما بينكم
نايف: امين
سالم: هاه يخلف اشر على هالسلمى اللي تبيها وتم نروح قبيله كامله لجلك
خلف ارتبك : بنت عم لي
عبد الرحمن باستغراب: اي اخو خلف اسم بنته سلمى ما اذكر
نايف همس لخلف : اسكت جايب العيد حبيبي
فراس : بابا خلف يحب سلمى بنت خالو سالم؟
خلف همس لنايف: العيد اكتمل قبل العيد
نايف: فروس نقصد جده سلمى
خلف: ايه يبه جدتي مو اسم ابوها مثل اسم عمي عايض عشان كذا
سالم: الا يانوره ليه ماجونا ديم وبندري
نوره: يشترون اغراضهم لعرس نايف مع حرم نايف
سالم : دقي عليهم يجونا اللحين ومعهم حرم نايف
نايف: لا تحرجها ياخال
سالم: معليك
نوره: تمام وقامت تكلم ديم
—-
بعد نص ساعه
دخلت ديم ووراها البنات
ديم بخجل : سلام
وراحت تجلس جنب نايف لكن خلت توق المستحيه تجلس عن يسارها وعن يمينها بندري حيث عن يمين نايف توق
نايف انتبه لرجفة ايد توق ومد ايده يمسك يدها وهمس : اهدي يبنت عمي اهدي
توق همست لديم: ابي ارجع
سالم : حرم نايف كيف حالك وحال ابوك؟
توق بخفوت محد سمعه الا ديم ونايف: بخير
نايف ابتسم على خجلها: تقول بخير ياخال انا وحرمي نستأذنكم ديم تعالي
ديم وتوق وقفوا معه
نايف وهو ماسك ايد توق لجل يطلعون: في اغراض لها في سيارتك
ديم : ايه تعال معي خذهم
وراحوا
فتحت ديم شنطة السيارة وطلعت اكياس توق اللي اخذهم نايف ومد ايده الثانيه يفتح سيارته ويدخل الاكياس في السيت الخلفي
ركبت توق بخجل
وركب نايف وحرك سيارته والصمت يعم المكان
نايف : توق
لفت له بهدوء
نايف: ما راح اكذب عليك لكن مافي مشاعر تجاهك لكن واجب علي احترامك وتقديرك تعطيني وقتي لين اخلي كل مافيني معك
توق بهدوء: عادي خذ راحتك.
نايف: ماعندك اعتراض
توق: لا
نايف هز راسه بهدوء
—
بعد ساعتين
ببيت عبد الرحمن
دخل نايف وجلس بهدوء
خلف: يمه انا بسافر اسبوع
نوره: وين
خلف: مع اصحابي بنروح نشوف صاحب لنا
نوره: تمام انتبه لنفسك امي
نايف: كثرانه طلعاتك خليف
خلف عقد حواجبه: والمطلوب
نايف: خلف اصحابك صار لهم ثلاث ايام من سافروا ليه توك بتروح
خلف: لان الثلاث ايام اللي قبل ماكنت فاضي
نايف : اذا ان عرفت انك مو معهم بتنجبر تحكي لي
خلف وقف: نايف مو تحقيق هو انا كبير وواعي
نايف : نشوف يالواعي
ديم مسكت ايد نايف : تعال ابيك اترك خلف
نايف مشى ورا ديم
ديم وقفت مقابله: تكلمت مع توق
نايف : ايه ليه
ديم: نايف اقصد اخذت رقمها وبتحكي معها ليوم العرس
هز راسه بالنفي
ديم: اعطيك؟
نايف : وش
ديم: رقمها
نايف: ديم لا ما ابي اكلم ابي اجلس افكر لوحدي كيف بواجهه اوف بلا تدخلك اللي ماله داعي انا زوجها وقبل ولد عمها بفكر بطريق ما يضرها
ديم: نايف ترا توق من جهه امها ومن
قاطعها بحده: ديم حياتي انا مالك دخل بها انتهينا
ودخل
ديم تاففت ودخلت
—
عند توق
طقت غرفة حمد ودخلت
حمد رفع نظره لها وصد
توق بخفوت: ماراح تكلمني يعني؟
مارد عليها
توق : حمد انا مالي دخل بين مشكلتكم
حمد : توق برا
توق: كلامك صحيح انك بتسافر
حمد: بكره الفجر سفرتي اطلعي توق
توق بغصة : حمد
مارد
توق: حمد رد علي
وقف وطلع لابتوبه مطنشه يشبك سماعاته عليها
طلعت توق بغصة
حمد غمض عيونه
