اوقعتيني بعشقك❤️‍🔥

البارت الثاني

البارت2 💖

صلو علي النبي قبل ما نبدأ❤️
...........................................
قامت سهر في اليوم الثاني علي صوت والدها وهو غاضب
حمدي؛ متقومي يا بت تساعدي امك
سهر؛ هو ايه يعني ده بقي هو في حد يقوم حد كده
حمدي؛ اخرسيي يا بت علشان مجيش اوريكي
قامت سهر وقربت منه وقالت
سهر؛ اهون عليك برده يا مودي
حمدي؛ مودي. انتي مش هتخلصيني من الاسم ده
سهر؛ والنعمه احسن مودي في العالم يلا قايمه اهو
خرجت سهر ووجدت مرات والدها تنتظرها وهي تضع يد فوق يد وتقول
سحر وهي تلوي فمها؛ يارب تكوني صحيتي قايمالي الظهر
سهر بصوت واطي؛ هو يوم بابن من أوله
سحر؛ بتقولي حاجه
سهر؛ لا مبقولش يا مرات ابويه. وبعدين النهارده الجمعه والساعه لسه تسعه يعني عادي مفيهاش حاجه
سحر؛ انتي بتردي عليا كمان والله لاوريكي
حمدييي حمدييي
حمدي بزهق؛ هو انتو مبتتعبوش ايه في ايه
سحر؛ تعالي شوف بنتك بترد عليا يرضيك
حمدي؛ لا ميرضينيش تعالي يا بت ال..... واخذها للغرفة وأغلق الباب. وبعدها سمعت سحر صوت سهر وهي تبكي وتصرخ
سحر؛ علشان بعد كده تردي عليا
عند سهر وحمدي
كانو يلعبو الكوتشينه وبين كل فتره تصرخ سهر
حمدي؛ها خسرتي هههه
سهر؛ لييييييه بسس
حمدي؛ يلا نطلع علشان انتي شكلك تعبتي من الضرب
سهر؛ تصدق صح
خرجوو وسهر دخلت سريعا للحمام حتي لا تراها زوجه والدها
سحر؛ يبقي ادب بنت شويه مش كده دي بترد عليا
حمدي؛ منا ضربتها يا سحر اهدي بقي
سحر؛ ولو! انا لسه ماخذتش حقي
حمدي؛ يعني عايزاني اعمل ايه اموتها يعني. ده ايه العيشه دي
سحر؛ انت مش شاطر غير تزعقلي انا
حمدي؛ انا رايح اصلي علشان متشلش. وقام

كان كل ذلك تحت مسامع سهر
سهر؛ يا شيخه تنشلي كل يوم لزما تنزلي ابويه زعلان انا مش عارفه مين بس الي جوزهالو دي

وخرجت الي غرفتها سريعا
...............♥️
في مكان آخر يجلس نيكولاس علي كرسيه وهو يقول لمساعده

(نيكولاس) أريدك أن تأتي لي ب هذا اللعين في أقرب وقت
(المساعد بتوتر) سيدي أن الثعبان الأبيض قد سافر من لوس أنجلوس.......
(نيكولاس) ماذا.! ولما لم تمسكوه ألم اقل ان تأتوني به
حاول جاك ان يتوه الموضوع فقال
(جاك)سيدي لقد عثرنا علي قاتل والدك

(نيكولاس بابتسامه بسيطه) جيد!؟ أين يختبئ هذا اللعين
(جاك) في مصر سيدي

(نيكولاس) عمل جيد جاك!!

(جاك) حسنا سيدي... ولكن ماذا عن الثعبان الأبيض
(نيكولاس) أريد منكم مراقبته جيداا.......واحجز لي اول تذكره لمصر
(جاك) ولكن سيدي الن تذهب بطائرتك الخاصه
(نيكولاس) لا اريد ان أظهر اني غني او ما شابه اريد ان أظهر كرجل عادي فهمت جاك
(جاك) حسنا سيدي...استأذنك
اومأ له نيكولاس. وخرج
...............................

عند سهر خرجت من الشقه ونزلت الي الشقه الثانيه فهنا تسكن مياده
ظلت سهر تطرق الباب بصوت عالي وهي وتقول
سهر؛ افتحو يا بهايم يلي هنا مش كده
مياده؛ايييييييييييييييه متسكت يلي علي الباب هو احنا طرش وفتحت الباب
مياده؛ هو انتي ادخلي ياختي
سهر؛ ايه يا بت فين بودي
مياده؛بودك يا سفله تعالي يا ام احمد شوفي سهر ازاي بتعاكس جوزك
مروه وهي تخرج
مروه؛ انتي جيتي يا سهر ادخلي ياحبيبتي
مياده؛ ده ظلم وربنا. وعلفكره دي كانت بتعاكس جوزك
سهر وهي تلعب بحاوجبها؛حبيبتي والله يا مروه يا عسل
مروه؛ تصدقي اني متربتش اني بقولك يا حبيبتي انتي اساسا سافله زي الي جمبك
مياده؛ وليه الغلط ده ليه هو انا كنت اتكلمت منا حاطه جذمه في بوقي اهو
سهر؛ مجرا ايه يا مروه بتشتمي ليه طيب دنا حتي بقول عليكي عسل
مروه؛ برده هتقولي مروه يا بنتي هو انا كنت واحده بلعب معاكي قوليلي يا طنط خليكي محترمه يا بت
سهر؛ ططنننط. ليه كده بس يا ميرو دنتي لسه شباب والله فين بقي بودي
مروه؛ يختي طالع اهو
عبد الرحمن وهو يخرج من الغرفه ويقول:حبيبه قلب بودي عامله ايه
سهر؛ والنعمه احلي خال في العالم ازيك يابو الصحاب
عبدالرحمن؛ عامله ايه يا حبيبه خالو
سهر؛ الحمد لله والله بص يا خالو كنت عايزه طلب منك واتمني انك توافق
عبد الرحمن؛ قولي يا سهر في ايه
سهر؛ بص انت عارف انك حبيب الناس كلها مش كده ولا ايه يا مياده ونظرت الي مياده بحده
مياده؛ في ايه يا بت
سهر؛ البعيد يفهمم
مياده؛ اه اه. تصدق انك حبيبي والله يا بابا
عبد الرحمن نظر لهم بشك وقال؛ عايزين ايه
سهر؛ حبيبي ودايما فاهمني. بص اخالو في رحله عاملاها المدرسه واحنا بصراحه عايزين نروح
مياده؛ بالضبط كده
عبد الرحمن؛ امتي الرحله دي
مياده؛ بكره
عبد الرحمن؛ طيب وازاي حتروحها انتو اكيد محجزتوش
سهر بلجلجه؛ مم هو مهو بصراحه يعني احنا حجزنا
عبد الرحمن؛ ومأخذتوش راييي
سهر؛ والله ابدا دول قالو مين الي عايز يروح روحنا رفعنا ايدنا وبصراحه الرحله حلوه
عبد الرحمن؛ هي فين الرحله
سهر؛فالمتحف المصري وبصراحه الرحله هتكون مفيده جداا
عبد الرحمن؛ لا طبعا
مياده؛ والنبي يا بابا
عبدالرحمن؛ انتي تسكتي خالص
لا طبعا مستحيل تفوتو الفرصه لزما تروحو
قامت مياده وسهر يقفزو بفرح
سهر؛ طب سلام بقي. أما اروح اقنع الحاج
عبد الرحمن؛ يبقي سلميلي عليه
سهر؛ ماشي سلااام. جهزي نفسك يا بت الساعه 6
مياده؛ ماشيييي
................................
اما عند سهر لم تجد والدها عاد من الصلاه فأخذت له الأكل ونزلت
سهر؛ انت يا استاذ
عبد الله؛ نعم يا ست الكل
سهر؛ فين الحاج
عبد الرحمن؛ جوه. انده عليه
سهر؛ لا متشكرين انا هدخله ودخلت
حمدي؛ ايه الي جابك يا سهر
سهر؛ لقيتك مكلتش روحت جبتلك الأكل
حمدي: طيب يلا امشي بقي
سهر؛ لا استني بسس كنت عايزاك في موضوع
حمدي؛ طيب تعالي ندخل جوه
بعدما دخلو جلس حمدي وسهر وقال حمدي
حمدي؛ نعم يا سهر كنتي عايزه ايه
سهر؛ بص يا حاج المدرسه عامله رحله وكنت عايزه اروح
حمدي؛ لا يا سهر
سهر؛ ليه بس يا بابا وبعدين البت مياده رايحه كده ابوها هيغير رأيه لأنها قالتله اني رايحه معاها
حمدي؛ بس انا خايف عليكي يا بنتي
سهر؛ هتخاف ليه بس منا كبيره اهوو وكمان هنروح بباص وهيبقي في مدرسين كثير معانا وبعدين دحنا هنروح المتحف المصري وهنعرف معلومات هتفدنا كثير وبعدين انا اساسا نفسي ادخل كليه آثار فده هيفيدني
حمدي؛ خلاص يا بنتي أمري لله بس خدي بالك من نفسك
قامت سهر بفرحه وباسته من خده وقالت
سهر؛ ربنا ما يحرمني منك يا حاج وكانت ستخرج ولكن اوقفها صوت والدها وهو يقول
حمدي؛ ايه ده انتي هتروحي من غير فلوس ولا ايه
سهر وهي تأخذ الاموال؛ والنعمه انت اب عسل ياختي كميله.
حمدي؛ ههههههه يلا يا لمضه انتي
ذهبت سهر الي شقتها وحمدت ربها ان زوجه والدها لم تكن موجوده
دخلت سهر وجهزت ملابسها التي سترتديها غدا وكل شيء تحتاجه وجلست تدرس قليلا وتلعب بالموبايل قليلا حتي غطت في النوم

كده البارت خلص اتمني يعجبكم واتمني تدعموني

هل هتكون الرحله دي سبب تغير حياه سهر ام لا؟! هنعرف كل شيء بعدين يلا سلام هتوحشوني👋❤️