قَواريـر " ثَـلاث زوايـا "

مُقتطَـف◾◽

روايـة قَواريـر ” ثَـلاث زوايـا “

تنسَرد بقلمي : أبرار المـحسن ⚜️ .

الغــلاف الي يعبررر عن القصه اصدق تعبير والي اختنقت بسبب جـماله وبساطته 

” ثَلاث زوايـا مُختلفه الاقـدار ‟
« مرتبطه مَـع بعضِها رُوحياً  ، مُتعلقه مع بعضِـها  ، لا أحـداً يعرف الحيـاة لكل زاويـة من هذه الثلاث زوايـا بلـ اشبه بـثلاث ورود » ⚜️⚜️ .

المَشهد ¹ .

ڪاعده بالحديقه وفارشه كُتبي واقرأ للحظه تركت الكتاب  ، صفنت واني اتذكر حـلم البارحه

بـمكان اشبه بالـ موت كلشي بيه اسود بأسود تراجعت بخطواتي والتفتت للوراء اعيد ادراجي واذا بيه انفزع بشخص ملامحـهُ مرعبه بمعنى الكلممه ومُقرفه أيضاً

رجعت خطوات خايفه ودرت وجهي للجه الثانيه
لكيته واكف مقابيلي ومبتسم بشكل مرعب  ، تخبلت صرت منين مااتلفت أشوفـة صرخت من اعماق روحـي وصرت اركض بأتجاهات عشوائيه

وكعت بحفره كلها خيسه باوعت جان ديباوعلي من فوك  !!  ..

رجعت لواقعي تعوذت وكملت دراسه فجأة صارت اصوات براسي وشه وناس تحجي تلاشت الصوره كدامي لكن عادت سرعان مارمشت شمررت الكتاب بشكل سريع وصرت اصرررخخ بأعلى صوتيي اعتقد المنطقه كلها سمعت تخببلت اضرب بوجهي واصررخخ

واشكك بالكتب سمعت صوت امي تبجي وتعيط حضنتني تقرأ ايات قرانيه وتهدأ بيه

-: مـامـا اه
-: يـَ روح امـچ  .

غمضت من بعدها وماحسيت ؏َ نفسي  ....

المَشهد ² .

نزلت من الخط تعبانه وهلكانه اذا تسألوني عن اتعب يوم يمكن اكول هو هذا اليوم وجنت كلشش كئيبه بي  ، الحر قاتل اول مادخلت للبيت سمعت امي تطگطگ بالمطبخ رسن فتت للغرفه ذبيت حذائي
وجنطتي ركض اخذت ملابس وفتت للحمام

من خلصت سبح طلعت فزيت من شفت امي لازمة الجفجير ومتخصره بباب الحمام

-: ها ماما
-:  اجيتي؟

-: لابعدني بالطريق
-: انچبي  ، ليش رسن سبحتي  !

-: تعبانه كلش وسبحت شنو شصاير  ، رمقتني بنضره وراحت عرفت شنو تقصد والصراحه كلش انهضمت

تشكك بيه  ! معقوله أمي هيج تفكر !

المَشهد ³ .

طلعت من المرقد واخذت بأيد اختي الي كالت تريد تروح للتواليت كنبصت البسها حذائها ومن رفعت راسي شفته مر من جانبنه وانطاني ابتسامـة ماهتميت ورجعت اكمل لبس حذائها من كملت كمت ماشفته توقعت دخل يزور  ، رحت صحت لباقي خواتي يروحن ويايه اخذها للتواليت لان اخاف اروح وحـدي المكان فارغ

صحتلهن ومشينا جنت مدنكه وامشي حجت اختي الوسطانيه

-: يمة هذا منو بالتواليت
-: انتقلت انظاري للمكان الي تأشر عليه واذا بيه اشوفـه هـو  ! واكف يجري اتصال مقابيل الصحيات عبالي دخل يزور 

صحيات النساء جانت مجاورة لصحيات الرجال
ماهتميت وكفلي خواتي واني دخلت للصحيات جان كلبي مقبوض لكن تنفست براحـة من شفت بنات ثنين موجودات دخلت اختي الصغيره وضليت واكفه من شفت البنات راحن صابني مغص منا اسمعه يضحك ويخابر ومنا اختي جوه

دكيت الباب عليـها و وازيتها تطلع طلعت وبسرعه بسرعه خليتها تغسل ورجعنـة  ..

وعيت ع واقعي واني اشوف امي فوك راسي تستجوب بيه

-: اي ليش لحكتي الولد للتواليت
-: انصدددمت صدمهه عمري وشهكت لحد قطع النفس  ، شدتحجي احس ضربتني ع راسي بطابوگه

-: ماتحجيــن !
-: اخذت...  ، قاطعتني

-: اختتج الصغيره كعدتها للتواليت قبل لاتروحن
-: هــي كاااالت اريددد اروح

-: اي اي صدگتچ
-: عافتني وراحت وخلت عصف مشاعر مكسوره داخلي  ، باوعت ع اختي الوسطانيه بحقد ادري هي فتنت  ، بلعت عبرتي وسكتت  ..

يتبَـع 🤓♣....

في جانب مُنيـرر ثلاث فَتياة تعيشنَ حياة
مُهلكه بالـ رعب  ، خوف ، حـزن
واحـدة تلوى الاخـرى مع بعض كتف يستنـد على كتِف ليكونن زوايـاا قوييه  ..

في جانب أخـر مُضلم ثلاث فتياان مُشاغبين
لم يعرفون معنى الحيـاة الصحيحه
الى حين لقائهما مع الفتياة الثلاث

جانب مُضلم مع جانت مُنيـر يجتمعان
ويكونان روايـة قَواريـر ” ثلاث زوايـا ‟  ..

﹉﹉﹉﹉﹉﹉﹉﹉﹉﹉﹉﹉﹉
هـيلاااااووووو للـ دُرر
روايـة جديده وبدايه جديدة 😎

نبدي بيـها من نختمم روايه الـ شاجـور
الي من اجمل الروايات واحبها ع قَلبــي

وايضـا هذي الروايه من احب الروايات ع قلبـيي
تعالو ويانه لـروايه الشاجور نسرد احداثها المتبقييه
ونختمها
حتى نلملم چوالاتنا ونجي لهاي الروايه الي تحمل العديد من المشاعر الحلوه والموحلوه
والرومانسيه 😋 .

الكاتبه بربر  /:

         ‌