كان اسمه حبيبى

الفصل الثانى عشر

الفصل الثانى عشر

خرجا سيف ونيرمين معا لاول مرة تجولا قليلا بالسيارة ثم ذهبا الى السينما،  وقد حجز لهما سيف بمكان منعزل الى حد ما؛
امسك يدها فلم تمانع ،وضع يده على كتفها ولم تعترض ايضا ،  بل على العكس الصقت جسدها به اكثر
ليبتسم هو بخبث ويهمس لنفسه
_شكلها متسهلة على الاخر  وليلتنا هتبقى فل
اشتغل الفيلم ولكنهم لم يروا شئ منه فقد كانا فى عالمهم الخاص
_تحبى نروح فين تانى ؟ انتى النهاردة تؤمرى وبس  
نيرمين بدلع.
.لا كفاية كده النهاردة عشان متزهقش منى
سيف بحزن مصتنع .
اخص عليكى .انا بردو ازهق منك،   ده .اذا كان عليا عايزك طول الوقت فى حضنى لحد مااشبع منك ده لو شبعت منك اصلا
.تنهدت بهيام
_يالهوى على كلامك اللى يدوخ .، براحة عليا ياسيف انا مش قدك
ضمها اليه اكثر
_حبيبتى ده كله كلام طالع من القلب علشان كده بيوصل للقلب
،ايه رايك نكمل السهرة فى شقتى علشان نبقى على راحتنا اكتر ؟
تمتمت باعتذار
_معلش ياحبيبى  مش هينفع  اتاخر اكتر من كده عشان ابله كوثر
._.ماشى يا روحى زى ما تحبى ..بس زى ما فهمتك مش عايز روان تعرف حاجة عن علاقتنا دلوقتى
.زفرت بضيق
_ ..انا واللهى مش عارفة انت ليه مستمر فى علاقتك بالبت دى لغاية دلوقتى ، انت مش بتقول انك بتحبنى انا  طب بذمتك انا مش احلى منها
..ابتسم بخبث
..اكيد ياروحى .صدقينى هى كانت مش اكتر من تسلية بالنسبالى
انا بس مش عايز اسيبها فجاه كده لازم امهدلها الاول  ،  انتى عارفة هى متعلقة بيا قد ايه ، ده حتى صرحتلى اكتر من مرة انها ممكن تنتحر لو انا سبتها ،لكن انتى اللى فى القلب 
..ابتسمت نيرمين بفرح.
.ماشى يا حبيبى هستنى
عشان خاطرك المهم انك تبقى ليا انا لوحدى فى الاخر
قبل سيف يدها
_ انا كلى ليكى
______________________

جلست بشرود فى الشرفة تطلع على شاشة الهاتف كل حين ثم تزفر  بضيق خائبة الامل
بسمة بقلق
..فى ايه يا روان مالك بقالك كام يوم مش على بعضك وع طول قاعدة سرحانة ومسهمة؟
تنهدت بقوة
_سيف يابسمة بقاله اكتر من اسبوع مبيكلمنيش و حتى مبقاش يجى الكلية خالص
....انتوا اتخانقتوا ولا اية؟
..تنهدت  بحرارة
.._مش لدرجة خناقة ، كل الحكاية انه طلب منى طلب صعب انى اقدر انفذه
دخلت نيرمين عليهم فجاة وهى تبتسم بسعادة
بسمة بتساؤل
..انتى كنتى فين يا نيرمين ؟ محضرتيش المحاضرة الاخرنية وقلتيلى هزور جماعة قرايبى ومش هتاخر والكلام ده من الضهر والساعة دلوقتى بقت تسعة
نيرمين بحدة .
_.ما تيجى تدينى قلمين احسن،  فى ايه يابسمة فاكرة نفسك ولي امرى ولا اية
.روان محاولة تلطيف الجو بينهم..
_اكيد بسمة متقصدش يا نيرمين هى بس من قلقها عليكى
بسمة بغضب
._خلاص انتى حرة، انا غلطانة انى قلقت عليكى
نيرمين باستهزاء
_لا متبقيش تقلقى عليا بعد كده
.صلوا على النبى ياجماعة
الاثنان معا ..عليه افضل الصلاة والسلام
هتفت بسمة _ خلينا فيكى انتى يا روان كنتى بتقولى ان سيف طلب منك طلب صعب انك تنفذيه ايه هو الطلب ده ؟
تنهدت بضيق
_.عايزنا نتجوز عرفى
شهقت بسمة ونيرمين معا بصدمة.
بسمة _.لااا طبعا ازاى يطلب طلب زى ده هو اتجنن ولا اية
حدقتها نيرمين بحقد وقد تبدلت ملامحها لغضب شديد