Nagtext ako para kamustahin sya
Ikaw ang nagreply dahil nalipat na sya, daya ah!
Di ko alam kung saan kang lupalop nanggaling
Kasi sa englishan ikaw naman talaga'y magaling.
Minsan naisip ko ika'y Amerikano
Nung nagkita tayo, kapwa pala kita Pilipino
Natawa ako kasi ang desente ng dating mo
Pero nahiya ako kasi nagmukha akong bobo.
Di naglaon tayo'y nagkapanatagan
Pagkakaibigan natin sa cellphone nasimulan
Araw-araw, mensahe mo ang inaabangan
Di ko namalayan, ako'y ngumingiting ikaw ang dahilan.
Di ko akalain na sa bitag mahuhulog ako
Kasi di ko naman deserve ang isang katulad mo
Nababagay sayo 'yong kapwa mo nasa serbisyo
Pero ano magagawa ko, mahal ko talaga 'tong loko.
Nais kong pahintuin ang oras 'pag kausap ka
Naramdaman ko nalang na ayaw na kitang mawala pa
Di ko man maamin ng harapan na mahal kita
Sana malaman mo, ikaw saaki'y mahalaga.
---------
Kayo na mag-isip ng pamagat. Haha. Wala talaga ako maisip eh. Pasensya.
Anyways, hope you're having a good day.
