|غموض جارُنا|
الكاتبة سناريآ
قناةالتلي https://t.me/nurse2_4
أذا أعجبك البارت لا تنسى التصويت وترك تعليق جميل
أرينا: فتحتلي اسراء الباب وگالت بابتسامة
_تفضلي
بادلتها الابتسامة ودخلت امشي بـ توتر وقلق، دخلت بيتها انصدمت بجمالة عبالك فيلا ما شايفة هيج بيوت بس بالمسلسلات
دخلتني للصالة وهي راحت تجيب مي بقيت فاكة حلگي على جمالها تجنن تصميمها ملكي وفخم
دخلت اسراء وبيدها كاسات المي گالت بوجه بشوش
_نورتي بيتي زوزو
_بوجودج حبيبتي
گعدت شوية وحجينا سوالف عادية عالجامعة والبيت ورا شوية گامت تجيب ضيافة واني هنا استغليت الفرصة وطلعت حلقتي من اصبعي ولزمتها گلت لازم احط الجهاز الاول هنا عاد بس هي دخلت وگعتها
سألتني باستغراب
_شنو هذا الوگع
_لا يا ربييي
_شبيج زهراء خوفتيني
_اووف حلقتي صايرة جبيرة على اصبعي ودائما توگع كلش امبهذلتني ياربي بس لا ضاعت آدم كلش راح يزعل اذا ضاعت
_لا تخافين حبي هسة راح نلگاها قابل وين تروح
عاد هي خطية عافت البيدها واجت ادور عليها گمت اني هم ساعدتها وحولنا القنفات من مكانهن واني هنا استغليت الفرصة وحطيت اول جهاز بزاوية القنفة من جوة علمود لا تشوفة
گلبنا القنفات يالا اسراء لگتها جانت رايحة بنهاية الغرفة ولان الغرفة كلش جبيرة ولون سيراميكها مثل لون الحلقة فبصعوبة لگيناها
بقينا گاعدات لساعة 12 واسراء بس تشوفني صورها مالت السفر والاماكن الماخذة بيها لان هي هواي تسافر جانت الاماكن الرايحة الها كلش حلوة، باختصار مونسة نفسها وما خالة شي بنفسها
اذن ظهر گمنا اني واسراء صلينا من كملنا اسراء رادت تصب غدة وحدها ردت اساعدها بس ما قبلت عاد سويت نفسي زعلانة وگتلها مو علساس احنا اخوات والاخوات ماكو بينهم هالتصرف عاد هي قبلت اساعدها وتغدينا سوية بالمطبخ
من كملنا اني استلمت غسيل المواعين وهي التنظيف جنت افكر شلون احط الجهاز الثاني بالمطبخ باثناء تفكيري انتبهت عالسنك عاد صفنت وگلت ليش ما احطة ورا السنك ومحد يگدر يشوفة
قاطع افكاري صوت اسراء وهي تگول
_اگلج سمعتي بالسالفة الصايرة ويا دكتور احمد
