في الحوش الكبير كل واحد ماسك شي
خالد وهو يركض لموتره ويشغل الاغاني ورافع الصوت ونزل وهو رافع ثوبه ورابطه من خصره وشاف جدته طالعه من البيت
خالد : ابشري بي يالصبحي والله ان تشوفين الحوش يلق لق
فارس وهو يتكي يده على تنته الموتر : وانت معنا عزالله محركنا ديره
خالد سفهه وقام يرقص على صوت رابح ويمسك السطل الي معبي ماء وصابون وينثره على الارضيه ويسمك المكسنه وقام بكل هبل يدور في الحوش اقبل عليه راكان وياخذ المكنسه الثانيه واسرع سلطان وخذا المكنسه من يد تركي
تركي : ياولد لاتطيح وتبلشنا معك
سلطان : افا عليك
خالد وهو يصوت على سلطان انه يزيد على الاغاني
هز راسه عبدالله منهم
لف على صبحى: شكل بجيب عامل ذولا مهب ذابين الشمعه
صبحى : خلهم يستانسون ويطلعون الطاقه السلبيه
لولوه وهي تصب القهوه : والله يايمه انك حكيمه
اقبلت عليهم ورد وفتح يدينه عبدالله وصارت تحت جناحه : يامرحبا باللي له الخافق يهلي
خالد شاف ورد معم ومشا لسيارته يغير الاغنيه ورفع صوته عشان ورد تسمعه : اهداء يدل دربهه
وشغل راشد وقدم لين البارت المقصود
""مين الي مثلي مين ، يموت في الحلوين
ومين الي مثله خذا الزين كله ، ولا شي هو خلاه""
ضحكت ورد من لطافته اقبل عليها فارس وسحبها من حضن جدها : افاا تضحكين لخويلد وانا مالي شي
ورد وهي ترفع عيونها عليه : غيوررررر
فارس : اي اغار على اختي كنتي تبين ترقدين وش صار
ورد : ماجاني نوم
ماوعو الا على طيحه سلطان ووراه طاح راكان وضحك عليهم خالد ويوم اقبل عليهم تزحلق معهم
راكان وهو ميت من الضحك : كنت اصدق ان الدنيا دواره بس مو بسرعه ذي
سلطان : ياظهري ظهراه
تركي وهو ينزل من موتر خالد : قد قلت لك بس ماتسمع
قامو وكانو بيدخلون البيت ماوعو الا على صوت عمتهم حصه وهي تفاضخ من ملابسهم الي كلها صابون ومويه
حصه وهي تمسك راسها : عندك انت وياه
خالد وهو يمسك راسه : والله الي ماحسبنا حسابه
راكان وهو ماسك ظهر خالد ويده الثانيه الباب: وش السواه
سلطان : ارحمو عزيز قوم ذل
حصه : اطلع انت وياه وغيرو في حمام الريجيل توني منظفه البيت
كلهم نطقو مع بعض : سمي
دخل تركي وهو يضحك : عزالله ماحترمت شنوبكم
راكان يبي يضربه صاح تركي : ياعمه حصه عانيهم بيدخلون
خالد: عزالله انها عن الف رجال ماشاءالله
جات ومعها ثايبهم : يلا
طلعو للحمام وكل واحد غير لبسه
البنات تعبو من كثر التنظيف وكل وحده دخلت تنام
وكل البيت نامو بعد يوم متعب للكل
"عند سطام"
منسدح قدام المسبح وصوت افكاره مزعجته وقام وطب في المسبح يحاول يشتت افكاره باللي يقدر
تقدم فهد: سطام
طلع سطام من المسبح : هلا
فهد والابتسامة شاقه وجهه: والله وسويتها
سطام : قلت لك خلها علي الزلايب الي معك مايفلحون بشيء
فهد : طويل العمر يبيك
سطام وهو ياخذ المنشفه من جمبه : لا قلت لك يافهد ماني داخل معك وطلعني من سالفتك اشغالك مالي دخل فيها
فهد : عادك مصر على رايك ؟
سطام تركه ودخل البيت
أنت تقرأ
حبك في قلبي قصيده
Romanceإني عشقتك واتخذت قراري فلمن أقدم يا ترى أعذاري لا سلطةً في الحب تعلو سلطتي فالرأي رأيي والخيار خياري
