ــــــــــــــــــــــــــــ
مر يومين و اني ببيت خالي علي و اليوم راح ارجع هاليومين مرن عاديات و الحسن جان يدرسني اخذت غراضي و ملابسي
وكعدت بغرفة الحسن على القنفه انتضره يكمل حتى نطلع
لحد ما كمل و اجه كعد يمي باوع بعيوني و همس
الحسن: تعودت عليج شلون راح ترحين؟!
تقوى: امي وحدها لازم و هاي فترة مراجعه لازم استغلها
هز راسه بأيجاب و بقه صافن بوجهي
الحسن: شوكت تنورين عُمري من صدك؟ شوكت تصيرين زوجه الي؟ شوكت ارجع و الكاج بالبيت تنتضريني؟
تقوى: الله كريم
تنهد و طلعنا رجعت للبيت هدوء كالعاده جانت دنيا العصر
بقيت كاعده يم امي بالصاله و اقره البنات راجعات لعيالهن فـ بس احنا
مرت الايام ما بين الدراسه و اهلي يوم من الايام اجه واحد من خوالي
معاذ: شنو رأيكم لو تجون يمنا ببيت اهلي؟ غسق امي كالت روح كول الهم يحضرون نفسهم و شوكت ميجون خل يجون؟
غسق: بس مااكدر اعوف بيتي اني
معاذ: عيني ميصير وحدكم هنا و امي متكدر يوميه تجيج و بالها يمج
غرغرت عيون امي بالدموع و كالت
غسق: بهذا البيت عشت كُل ايامي ويه محمد الحلوه و المُره ميهون عليه اعوفه و اطلع منه
معاذ: كُل فتره تعاي للبيت و حتى اذا تردين تباتين بي بس الخاطر امج بالها يمج لا ليلها ليل و لا نهارها نهار و تعبانه متكدر تجي يمج دائما
غسق: اذا اعيش يمكم تسمحولي شوكت ما اريد اجي لهنا؟
معاذ: اكيد حبيبتي
غسق: إن شاء الله افكر بالموضوع
معاذ: على راحتج شوكت ما تقررين اتصلي عليه
غسق: إن شاء الله
شويه و راح خالي رحت كعدت يم امي احجي وياها
- ماما لا تجبرين نفسج على شي الي ترتاحيله سوي
- اكيد حبيبتي
مرت الايام و نسد الموضوع خلصت فتره المراجعه و اجه وقت الامحتانات روحي راحت خلصتها قرايه و الحسن يوميه يجي ميروح اله نكمل كُلشي و اروح انام يلا يروح
يوم من ايام الامتحانات جان الامتحان رياضيات اكثر ماده استصعبها
بعد ساعتين من شرح الحسن الي
الحسن: ها فهمتي؟
تقوى: شوف هوَ اني فهمت بس هاي الخطوه ما فهمتها
أنت تقرأ
الحَسن
Pertualanganمُستمرة⭕ فتاة شرسه خُلقت بألف فتاة حاربت الجميع حتى شَريك حَياتُها لأجل ماذا يا ترُى؟ _تقربت للشباك صغير بس اني هم صغيره نتوالم جانت اكو عوده مكسرها على ضهري وباقي نصها مثل ما كسرها على ضهري كسرت بيها الزجاج بقت حواف الزجاج على طرف الشباك مهتميت اتج...
