BIAKHLUA

CHAPTER - 1

A mitmeng fiah lutuk leh a hmel pa hrak chu ka en reng a, ka biang a min ben na chu dawm vawng vawng in mittui tling kiau chuan ka en reng a. Ni e, hei hi ka pasal ka hmangaih em em Biakhlua chu ani. Ani nen hian kum 4 lai kan innei ve ta, ka hmangaih em em a engtik lai mahin ka en ning ngailo mahse tun ami Biakhlua hi chu ka Biakhlua kha ani tawh lo a danglam mah mah tawh ani. Kan in hmangaih thin em em a Aizawl veng pakhat ah khawsa in Biakhlua hian ama Company ah CEO niin kei erawh engmah ka thawk tawh lo thung.
A tir ah chuan engatan mah min ngai lo a keimah hian ka vawikhat hmuh na atang in ka duh in ka hmangaih nghal ngawih ngawih a, nasa tak a ka bem hnu a inngaizawng kan ni. Mahse a rei a ani pawn min hmangaih ve tulh tulh a innei in nupa hlim tak kan ni thin kha nu lo lan hma kha chuan...

Hmanhmawh ve ta che mawle vin zet a lo ti tu chu 'a theih ngawt hleinem mawle' ti hluk in a lam pan chuan ka tlan phei a. Ani hi ka tet te atang a ka kawm tawh Rody ani a, kei aiin kum hnih in a u a kan thenawm lawk ah hian an awm ani. 'I rei thei em alawm kan  tlai ziah min hau leh anga, tho hma i in tih ve nen nen hian ahh' ati leh hluk hluk tawh a thin hi a awrh ve chiang ania. 'Phun peih Aphun-i ni rawh' tih pah chuan a bike ah chuan ka lawn tharh a kan office lam pan chuan kan tlan chhuak nghal a.

Kei hi ka hming chu Lalsangpuii  ka ni a Sang2 emaw Sp tiin min ko thin a, ka chhungte leh Rody hi chuan Bawihi tih bak in min ko ngailo ve thung ani. Kum 24 na ka hmang mek a mipa lam ah hian ka lerh vak lo a ngaihzawng nei ngailo tawp erawh ka ni lo a ka la serious ngailo thung ti ila ka bialpa hnuhnung ber kha chu ka duh ve viau a inneih mai kan sawi tan lai vel in midang a biak na ka man chhuak a kan in then ta ani. Tlawm thlak kha ka van ti mai mai tak ka zak bawk si, khata tang kha chuan ngaihzawng neih leh ka tum tawh lo bur kha ania ka hma lam hun engmah hre hek lo chuan. Tun ah hian Rody nen Rodic Consultants ah kan thawk dun a Sunday chiah hi chawlh kan nei ve a, ban mai ka duh ti chung reng hian kum thum lai chu kan thawk ve ta tho mai. Unau pathum kan ni a upa ber niin nau mipa pahnih ka nei a ka nu leh pa te hian min la dam pui bawk ani.

'Rody Rodic a thawk Rodeo nei leh a nau lei thluak neii an lo thleng taaa' ti tu chu tudang an nilo kan thawh pui Rsa nghal zet mahse rilru tha leh kawm nuam em em mai ani. 'I zak lo eee Rote kawl Rodeo ka nei tawh lo Rody bullet nei min ti rawh' tih pah in rody chuan a kuk fawk a, kei pawh chuan 've lutuk che hian in a ka lei thluak neih vang a pu te hauh in pumpelh nasat zia hi hre teh u' tih pah in ka thutna lam chu ka pan a. Rei pawh ka la thu lo tih chuan Rsa bawk chu rawn kal in min rawn hrilh ru a 'engtin maw Remruatfela nen chuan in awm tak?' a rawn  ti sur sur a rum zet a melh pah hian 'kan inthen i hneawm enge ka sawi zing tawh lutukkk' ka tih chuan 'aa han ngaihthlak nawn kha nuam em a' tih pah chuan a nui uar uar a chhan pawh ka chhang peih lo. 'Tak tak ah maw enteh chhelo deuh ka hria asin lok aw Rody kan ko ve lawk' tih pah chuan Rody lam chu a pan a ngaihsak pawh ka ngaihsak peih lo thu tak hi a pai ngailo hepa hian Rody tel leh ngat phei chuan min sawisa leh dawn tih ka hre sa vek ani.

Rsa leh Rody chuan ka thut na lam an rawn pan leh ta ngei a ka rilru te te chuan 'huiham ni ava rei leh dawn ve' tih pahin lehlam ka hawi hmak. Min kuai her lawp tu chu vin ang reng tak hian 'engeeee in ninawm eeeeee' ka ti deuh thawt a. 'En rawh bialpa neilo awm chhun i ni chuvang in bialpa tur kan hrilh dawn che, thiante neih lai a neih loh bik chu an phur thak duh i vun sensitive nen nen i ser leh thluah mai ang chuvang in phur thak i kai loh nan bialpa i nei dawn' full stop leh coma pawh tel eih lo chuan Rsa chuan a ti zung2 a chhan pawh ka chhang peih lo. 'En rawh heiii Company lian tawk a nei a mahse amah chu Mizoram ah a awm ngai lo a tun ah hian Aizawl lam a rawn enkawl tawh dawn Biakhlua nia pa i ti ngawt ang' tih pah hian thlalak min hmuh a tum chu ka en duh der lo. 'Awii Rs hmuh suh henu hian tuai bak a duh ngailo pa deuh a duh ngai lo' Rody in alo tih chuan hawi chhuak in 'i thaw ve nih chu khawi ka lo en pa deuh bak ka duh lo a' tih pah chuan Rsa phone chu ka phih sak lawp a.

Thlalak ka en chu sawi tur pawh ka hrelo, Biakhlua an tih chu ka en a a hmel chu tha uchuak ti a sawi tur chu anilo mahse a pa hi ka ti ngawih2 ani tawp. A mitmeng te a vun hang silo ngo vur silo leh aa a hmel hrim hrim khan min hip ngawih2 mahse a hlauhawm hmel ka ti ve deuh a thinchhiat kan ring nghal ringawt bawk a mahse a kut thlak tur hrim hrim pawn ka nei duh ang tih khawp chuan a thlalak ringawt pawh chuan min ti luangliam, mahse an hriat ah chuan duh ang in ka awm duh der lo mai. 'Hmm a pa nih kha mahse ngaihzawng ka nei peih lo bak ah khatiang Company nei tu lehnghal te chuan bialnu an nei chhelo viau ang, keini vai hnuai a thawk ve satliah mawi pui nan a make up pawh hmang thiam lo hi chu ee khu tahhhhh bak min en lo ang hna ka thawk dawn kal ru' tih pah in ka computer chu ka bih san hmak a, anni pawh ngawi reng chuan an kal sawn ve mai a. Mahse ka hna ah rilru ka pe thei der lo mai, ka mitthla ah Biakhlua hmel ngawt kha zu han cham a mawle, ka thusawi te kha ka rilru tak tak chu ani ve reng min duh ka ring hlawl lo ani. Mahse bialnu a nei chhelo viau ang tih ka sawi kha ka ngaihtuah let a ka thin zu han rim t(r)ung thei a mawle. Ka a zo tawh ani a tak ah em pawh ka la hmu lo a ka rilru ngaihtuahna chu ka ngei zawk hial. Rilru pe lo zet chuan ka nileng ve a ka hna ah pawh rilru ka pe theilo hrep tak hian 'kha Biakhlua vang vek kha' kan  ti thla leh rawk zel a.

Rody chuan in thleng min thlah in ka nu ten chaw ei ve nghal tur a an tih chuan a hnial buai lem hlei lo a. Ka sawi hmaih chu Rody hi ka first cousin ani a kei aiin u mahse ka u ngai lem lo a ka pianpui dik tak ang in ka en hrim hrim a, min duat bawk a min hau peih bawk a min chhan ziah bawk thin.

Chaw ei kham ah chuan thil hrang2 sawiin kan ti ti a, Biakhlua pawh ka ngaihtuah lem lo. Dar 8 bawr vel ah chuan kan in thlah liam ta a, tih tur awm hek lo mu tur chuan ka room lam ka pan a mahse mak tak maiin keimah a ka awm chiah chuan ka rilru ah Biakhlua alo lang nghal chat. Rsa chu biak a va zawh chian mai ka duh mahse ka zak leh bawk si Instagram ah chuan lut in kan search ve thla rawk a, Biakhlua tiin ka search a ka la hmu thak lo zui huiham ka hringnun chu a chawk buai tan nghal der. Ka phone chu dah in Biakhlua theihnghilh tum chuan ka mit ka chhing a mahse a hmel kha ka mitthla  zel bawk si, dik tak chuan ka awm dan hi ka duh lo a chhan chu ani hian engtik ah mah min duh dawn lo ani. Thinrim t(r)ung chuan ka thu chhuak a balcony ah chhuak in cigarette chu ka pak khu hlat hlat a. Rei fe ka din hnu chuan mu tur chuan ka khum ka pan a ka chau ve deuh nen ka muhil zui ve ta mai a.

BIAKHLUA POV:
Ka pa call ka dawn chuan ka lungawi vak lo hle mai, dik tak chuan Mizoram a awm hi ka peih hlawl lo Dubai ah hian awm ila hmeichhia pawh an chhelo fe zawk mahse ka pa in helam a kan Company hi enkawl tur in min duh miau si a, in ti pa ve hle mah ila ka nu leh pa thu erawh ka hnial ngai lo hei vang te pawh hi aniang malsawmna hi ka dawng phian zel. Dubai lam ah hian kum 10 dawn ka awm tawh a, Aizawl lam ah ka nu leh pa leh ka u mipa an awm thung a. Dubai lam ah chuan ka lar ve hat ka hming dik tak ni lo in Lesky Hype tih hian ka lar ber zawk bawk.

Kum 30 na ka hmang mek a ka chhungte hian nupui nei tur in min nawr reng mahse ka peih lo. Hmangaih pakhat chiah ka nei a tumah hmangaih leh pawh hi ka tum ngailo mahse ani chuan na takin min kalsan a tlawm ngawih2 in min siam a mahse ka haw phal der chuang lo. Lo let leh se ka ti em em a chuvang in ngaihzawng ang hi ka nei leh ngailo ka thinlung hian ani hi ka la nghak tlat mai si ani.

Naktuk mai a Aizawl a haw tur ka nih avang in ka chhungte hawn tur thil leiin ka bazar a, lei tur lah chu kan hrelo mai mai khawp a. Nileng thak a ka bazar hnu chuan ka haw a, ka khum ah chuan ka bawk thlawp ka chau ani. Ka phone chu la in Chhankima ka call a Airport a min lo hmuak tur chuan ka ti a mahse ani pui roh hi concert nei tur in a lo kal daih, a sawi reng tak ani mahse ka theihnghilh daih.. Richie-a alo tirh mai tur thu min hrilh pah chuan a bialnu thar chungchang a sawi leh hram kha a lerh ve reuh chiang ania. Zing thawh hma ngai tih hria in ka inbual a chutah wine tlem in in ka muhil zui ve ta a.

(Proof reading pawh ka neilo, lo chhiar nawk nawk rih mai ru chuan dam chuan kar leh atang ka story dang ho pawh ka rawn ziah zawm dawn ania.. Bye u 💜