ــــــــــــــــــــــــــــ
يوم من الايام واكفه بالمطبخ اسوي غده و سمعت امي تحجي ويه ابويه
ام نُهى: اكلك عيني بيت ابو سجاد طالبين نُهى الابنهم السجاد
بعدني بصدمتي و انصدمت اكثر من رد ابويه
ابو نهى: بيت ابو سجاد خوش ناس و النه الشرف يناسبونه بالنسبه الي موافق بقت يم نُهى
ام نُهى: كالت ام سجاد على الخميس يجون يطلبوها رسمي
ابو نُهى: اي عود ساعتها نشوف رأيي نُهى
ام نُهى: أن شاء الله خير
بقيت صافنه شنو خطوبه شنو سجاد و منو كال الهم اريد اتزوج شديصيرر
ركضت جبت موبايلي و اتصلت بـ تقوى:-
نُهى: وهاي كُل السالفه
تقوى: والله اسمعي عوفي كُلشي على صفحه و احجيلي شنو رأيج بـ سجاد؟
نُهى: طفولتي كلها ويا و اعرفه بس بالطفوله لكن هسه مااعرفه شنو و مااعرف اطباعه شخصيته هو زين لو مو زين
تقوى: حلو؟
نُهى: لا يا ادبسز
تقوى: هسه شحجينه غير اريد اعرف نسيبي
نُهى: اي هو حلو
تقوى: لججج عينيي شنو هااي خلص تزوجو و المهر عليه
نُهى: راااااااااح اطلع روووحج شبيج بابا الموضوع صدك مو شقه شنو اسوي
تقوى: باعي الخطوبه حلوه مابيها شي اني هم جنت نفسج و ماقبلت بالبدايه بس وافقت و عادي بالنسبه للحسن كلش حباب و ما منعني من شي و هاي جانت شروطي و وجوده بحياتي عباره عن روح حلوه دخلت لحياتي الباهته و لونتها لو يحبج راح ينور عمرج و يلون حياتج فـ انتِ اكعدي ويا و اتعرفي عليه اكثر و هم بفتره الخطوبه راح تعرفينه اكثر و اكثر
بقيت هواي افكر بكلامها لحد ما اقتعنت مرت الايام لحد ما اجه يوم الخميس و وقت العصر اجو عدلت نفسي و نزلت سلمت و قدمت الهم الضيافه و رحت كعدت بالمطبخ المطبخ بصفه الاستقبال و من الجهه الثانيه الصاله فـ النسوان كاعدات بالصاله و الزلم بالاستقبال و اسمع الـثنين و صارت هوسه عليه
لحد ما راحو مر يومين و صاحني ابويه كلبي اجه يطلع من مكانه رحت كعدت مقابيله و هو حجه
ابو نُهى: بنتي طلبوج بيت ابو سجاد اكيد تعرفيهم و الولد خوش ولد بالنسبه الي موافق عليه بقت يمج توافقين او لا بكيفج
أنت تقرأ
الحَسن
Aventuraمُستمرة⭕ فتاة شرسه خُلقت بألف فتاة حاربت الجميع حتى شَريك حَياتُها لأجل ماذا يا ترُى؟ _تقربت للشباك صغير بس اني هم صغيره نتوالم جانت اكو عوده مكسرها على ضهري وباقي نصها مثل ما كسرها على ضهري كسرت بيها الزجاج بقت حواف الزجاج على طرف الشباك مهتميت اتج...
