اسكريبتات روان أحمد ♥️

اسكريبت 44

ـ افتححح فيديو كوول بسررعههه .
ـ طب ثوانى ...
ـ فتح الفيديو كول واول لما شاف المنظر اتخض والتليفون وقع والاتصال قطع .
ضحكت بشماته وقفلت الداتا وسبت الموبايل وبصيت لنفسى فى المرايا برضا على شكل الماسك المرعب اللى انا لابساه قلعته وظبطت شعرى وقعدت على السرير بهدوء .

ـ اعصار بحنجره فيها مكبر صوت اقتحمت الاوضه ...

ـ ايه اللى انتى هببتيه دا يا هانم بقا بتقوليلى افتح زفـ...ـت علشان اشوف السحنه الهباب دى طب ادينى قطعت خلف والتليفون عايز شاشه استريحتى كدا .

ـ ابتسمت بهدوء وقولت بغناء: داين فتدان الصبر جميل واهو بكرا تشوف ويجيلك يوم والوقت كفيل وكملت بنبرتى وقولت : وانا الصراحه مستنتش وقولت اجبلك اليوم بدرى وسيبته وطلعت برا الاوضه وانا كلى بهجه وسرور .

ـ طلع ورايا وقال : كل دا علشان لقتيتى واحده بعتالى هاى وقولتلها هاى .
ـ بصيتله بزغره كدا ،فكمل بخوف : و وو قالتلى صورتك حلوه وكانت عايزه تتصاحب عليا و و...

ـ وووو ايه علقت ما تتكلم زى ما زعقت من شويه.
ـ و وفضلت تزن كتير اننا نبقى اصحاب وأنا قولتلها ماشى ما انا قولتلك كنت هخدها على قد عقلها وهعملها بلوك وبعدين انتى شوفتى زنت قد ايه وانا وافقت اننا اصحاب مش حاجه تانيه .

ـ برقت ليه وقولت : وهى اى الحاجه التانيه دى ان شاء الله.
ـ يووه يا هاجر انتى عارفه ان انا مش كدا وانا بحبك انتى وبس وبعدين انا مستحيل اخونك ويعنى لما اخونك هعمل زى الشباب الهبل دول واكلم بنات على الفيس تؤتؤتؤ مش انا اللى اخون مراتى حبيبه قلبى وهتبقى ام عيال كمان كام شهر .

ـ بصيت ليه وقولت بعصبيه : وكمان مش عارف هتبقا اب كمان كام شهر دى مبقتش عيشه تطااااق ومشيت خطوتين وبعدين وقفت وقولت : انت قولت ان تليفونك جاب شاشه .

ـ هز رأسه باه . ـ قولت بشماته : احسن علشان تبقى تتصاحب على ام ملكه فى مملكتى كويس هاااا .

ـ ومشيت دخلت الاوضه وقفلت عليا ونمت لان الحمل تاعبنى اليومين دول وافتكرت اللى حصل ضحكت ونمت .

ـ صحيت من النوم لقيت الساعه 4 العصر ياااه كل دا نوم اما اقوم اكل .

* رايحه المطبخ فلقيت فى اوضه المعيشه شموع وبوكيه ورد وعينى طلعت قلوب على التورته اللى فى النص فروحت عليها بفرحه لقيت هشام قاعد فزفرت بضيق بس لقيت شوكولاته فى ايده فابتسمت وروحت قعدت بهدوء .
ـ فجيه قعد جنبى واخدنى فى حضنه وقالى : حقك عليا يا قلبى .
ـ مسمحاك خلاص بس هات الشوكلاته دى .
ـ بسهوله كدا مسمحانى حتى على موضوع الفيس داوبجد.
ـ بصيتله واتصنعت البراءه : اه مسمحاك علشان انا اصلا اكونت ملكه فى مملكتى هههههه .
ـ اتحول وقال :يعنى بوزتى التليفون وزعلتى وكلفت وجبت تورته وورد وشمع وفى الاخر انتى اللى عامله المشكله اصلا.
ـ بزعيق : ما هو بردوا انا عندى حق يعنى لما الاقيك بتسايرنى فى الكلام على اساس انه واحده تانيه فمن حقى ازعل يا استاذ وكمان اللى عملته فيك دا حاجه صغننه قد كدا من كم الالم والحزن اللى عشته بسببك .

ـ حزن والم فى عشر دقايق يا مفتريه وكل اللى قولته ماشى خلينا اصحاب .
ـ طب ما النهارده اصحاب بكرا احباب ولا اى ،وبدموع : انا غلطانه انى مسبتش البيت وروحت عند امى .
ـ انا اسف حقك عليا انا غلطان بس ممكن تهدى علشان النونو .
ـ اااه اه بطنى بتوجعنى .
ـ طب اجبلك اى طيب .
ـ ناولنى التورته دى وانا هخف .
ـ بس كدا احلى تورته لام سيليا .
ـ بصيتله بابتسامه وقولت: وسليم.
ـ بصلى بتعجب وفرح: انتى حامل فى تؤام بجد .
ـ هزيت رأسى باه وانا بأكل التورته فلقيته شالنى ولف بيا وباس رأسى وقال : انتى شقيه ومجننانى بس ربنا يخليكى ليا يأم العيال.

"' وجودك جوارى يعنى لى الدنيا بأكملها ...🫀"

ـ لـروان احمد .
ـ تـمـت ..🤍
ـ رأيكم يا أحباب..🫀