ــــــــــــــــــــــــــــ
روحي بيج جنت اتأذى لان روحي بعيده عني و هسه روحي صارت قريبه مني احبج تقوى
باوعت بعيونه و حجيت بهدوء
- احبك حسن
مر الوقت بدون لا نحس بي و هيج تكون خلصت حفلة الحنه مالتي
رجعت للبيت ميته تعب كاعد اغفي و فزيت على صوت مسج
الحسن: ساعات معدوده و نبدي عُمر جديد ...
من قريت المسج صابتني رجفه و شعور حلو لامس روحي
"عُمر جديد" بس بنفس الوقت متوتره و شي طبيعي
تقوى: عُمر جديد و حياة جديده...
سديت الجهاز و بقيت فكره تجيبني و فكره توديني لحد ما غفيت و هم كعدت ثاني يوم و نفس الحاله رحت للصالون الصبح كملت كُلشي و اجه ايمن اخو نُهى رجعني للبيت عدلت نفسي و اجت اللحضه الحاسمه بوصولهم الحسن و اهله و كم شخص الباقين بالقاعه اتقرب باس راسي باوع بعيوني و عيونه تلمع جانت كفيله بأنُ تعبرلي عن الي بداخله
اجه الوقت بأنُ اودع اهلي و اطلع
اتقرب عمي حجه ويه الحسن
ياسين: بنت الغالي هاي مااوصيك بيها و ان شاء الله تصونها و تصونك بالك عليها
الحسن: برمش عيني
غسق: اعرفك انت شنو و منو و ثاقه بيك كد الامانه و راح تصونها لا تخرب ثقتي بيك
الحسن: على عيني و راسي ثقتج ان شاء الله مااقلل ثقتج بيه و اكون كدها.
اتقرب عمي حضني سلمت عليه و رحت الامي حضنتها هي جانت تبجي تحاول تخفي بس واضح عليها
حضنتها و حجيت اللطف الجو و مااخليها تقلق
تقوى: لا تبجين عيني انتِ شوكت متريديني بس رمشي هم مو اتصلي و تلكيني كبالج اصلا راح الزك اضل يوميه جايتج
ضحكت بخفه وكالت
غسق: هلا بيج البيت بيتج بنتي
طلعت من بيت ابويه معززه مكرمه ما تحملت نزلت دموعي من صعدت بالسياره رفعت البركع اخذت كلنس اعدل مكياجي و الدمعه بطارف عيني
الحسن: امسحي دموعج و انجبي بابا اشمرج من السياره اذا بجيتي
باوعتله مصدومه و حجيت
- شبييك ترا بعدني كبال بيت اهلي و هيج ترا هسه انزل و الغي كُلشي
- بكيفج هوه
اني منا راح اطك و هو هيج يحجي نزلت دموعي عشره عشره بهت وجهه و صفن بوجهي شويه و كال
- شمالج بويه اتشاقه وياج عيني انتِ امسحي دموعج مااكدر انـه خاف يخرب هذا الي بعيونج و تشهريني ولو هوَ خرب بس ماادري شتسويله انتِ
أنت تقرأ
الحَسن
Aventureمُستمرة⭕ فتاة شرسه خُلقت بألف فتاة حاربت الجميع حتى شَريك حَياتُها لأجل ماذا يا ترُى؟ _تقربت للشباك صغير بس اني هم صغيره نتوالم جانت اكو عوده مكسرها على ضهري وباقي نصها مثل ما كسرها على ضهري كسرت بيها الزجاج بقت حواف الزجاج على طرف الشباك مهتميت اتج...
