مريم = الإمتحان اهو عايز تسقطني سقطني كده كتير بقا والله
يوسف بيحكي =وخرجت جري من الباب ال كان مازال مفتوح هو انا زودتها ولا اي هي دي غلطتي يعني ان انا سبت الباب مفتوح
يوسف= مريم... مريم... طب اقفي طيب
معبرتش فيا وانا عمال انادي عليها وسابتني وخرجت
خرجت اجري وراها بعد م خطفت مفاتيحي وتلفوني وجريت وراها
عل م دورت عليها بعيني ف وسط الجامعه لقيتها بتجري تركب تاكسي
ف نفس الثانيه جريت ركبت عربيتي ومشيت وراها
قبل م الاحظ حركه السواق المريبه وال خلتني اضاعف سرعتي عشان الحقها
لاحظت حركه السواق الغريبه وانه بيبطء السرعه مريم سرحانه مش مركزه معاه عماله تبكي وبس وهو خرج حاجه من طابلو العربيه
وصلت عنده ف نفس اللحظه ال مريم صرخت فيها بعد م رش عليها حاجه ع وشها
حجزت عليهم بالعربيه نزل من العربيه وهو بيزعق
السواق _ ف اي ي كابتن اي الركنه دي
قبل م يكمل كلامه كنت ضربته او احم.. عدمته العافيه بصراحه وبعدين رنيت ع أحمد عشان يجي يتصرف فيه عشان ميمشيش
يوسف =_ احمد انت فين
احمد= انا كنت مروح البيت ف حاجه ولا ايه
يوسف=_ اه تعاليلي حالا
احمد= طب انت فين؟
يوسف=_ هبعتلك شير لوكيشن عشان مش عارف المكان بس متتاخرش
احمد= تمام مسافه الطريق وتلاقيني عندك
يوسف بيحكي=خلصت كلام مع أحمد وروحت للسواق كتفته وجريت عشان اشوف مريم
لقيتها قاعده ف التاكسي بهمدان يدوب مفتحه عينها بالعافيه
ناديت عليها بخوف _ مريم... مريم
بصتلي وهي بترد ببطء وصعوبه من تأثير المخدر ال جه ع وشها
= نعم
اتكلمت بلهفه _ انتي كويسه؟
= اايوه... بس.. بس
يوسف=_ مالك؟
ردت ببكا = دماغي تقيله اوي
_ اهدي متقلقيش انا معاكي
هزت رأسها وسكتت رجعت سندت رأسها ع الشباك تاني
يوسف=_ مريم
التفتتلي ف اتكلمت تقدري تقومي بالراحه لحد م توصلي عربيتي انا مش عايز اشيلك عشان متتضايقيش تقدري؟
هزت رأسها بسرعه خوفًا من اني اشيلها قامت تتسند براحه عشان توصل وانا فضلت وراها خوفًا من انها تقع ف اي لحظه وصلت وركبت واول م دخلت العربيه نامت
فضلت شويه واقف جمبها... أحمد ربناا عشان طلعت اجري وراها وشوفت ال حصل مش متخيل لو كانت لوحدها كانت هتعمل اي ولا اي ال كان هيحصلها
شويه ولقيت أحمد جه
احمد=_ ف اي ي يوسف
يوسف= شايف السواق ال هناك ده
احمد=_ بقايا السواق ده؟ اه شايفه ماله
