العنقاء// زواج قاصر والعاشق المنقذ ..!

بارت 19

ليس لديّ مكانٌ ألجأُ إليه ، ليس لديّ مكانٌ أُفرغ به خوفي ، نبذني الوجود و بِتُّ حائرتاً لا أدري إلى أين المفرّ ، لم أجد شيئاً واحداً أطمئن بجواره ، لا الكُتب و لا الاهل ولا صديقة مقربه لقلبي ، أسيّرُ و كأنني قافلةٌ محملةٌ بالقلق و بالخوف ، كلمة واحدة قادرة على أن تخسف بي إلى سابع أرض ، كلمة واحدة تستطيع اغراقي نحو اللامجهول ، كلمة واحدة بإمكانها جعلي أسيرتاً في زنزانة القلق ، كل ذلك و لا شيء بإمكانه أن يُغيثني و يسحبني من كل تلك الأيادي التي تجرني نحو هاويةٍ لا قرار لها ، نحو هاويةٍ تجعلني أتأرجح من عليها كـغصنٍ مبتور ، تنتظر متى تسمع صوت عنقي حين يُدق ، و أعيشُ أنا بين كل هذه العذابات منتظرتاً حتفي ، أعيشُ و أنا أنتظر تلك اللحظة التي أتلقى فيها الضربة القاصمة التي تُنهي أجلي. كل النظرات التي مرّت بي لم تكن مسالمة ، كانت تُفتش عن وجعي ، عن ألمي ، عن قلقي ، يا لها من مأساةٍ رديئة ، لا يسعني أن أتأمل بشيء ، حتى النظرات يمكنها أن تتجاهلني و تقصد من هو بجواري ، أكتبُ الآن دون خطة واضحة ، أكتبُ و أنا مُمتلئتآ بالكثير من الأمور التي لم أتمكن من معرفتها.
كل ما أشعر به الآن هو خناجرٌ تطعن خاصرة روحي.

         ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

البارت 19
العنقاء// زواج قاصر والعاشق المنقذ..!
بقلمي انا...  أم اميـر

         •••••••••••••••••••••••••••••••••••••

مرتقب: ـ لو ما انتي لسانج اطول منج جان احنه بخير

وتين: ـ مشكور خويه اني ام السان صرت

ـ رفع حاجبه ونرسمت ع وجهه ابتسامه خبيثه وگال

اي وموخش بنيه انتي هه انتي ازبل من الزباله ويلا ولي من وجهي
*

وتين:  احس الدموع تجمعت بعيوني ونفسي حيل ضاگ من كلامه عفتهم ورحت اخذتلي ملابس ودخلت للحمام اسبح

گعدت ع تخته ذبيت ملابسي وفتحت الماي ونزلت دموعي بسرعه خليت ايدي ع حلكي ماريد صوتي يطلع بره ويسمعوني وكلام. اخوي يدگ براسي..

سبحت وطلعت بسرعه ع صوت بنتي تبجي واختي شايلتها وتفتر بيها

امال:ـ يلا وتينه بسرعه فضيها بتج گطعت روحها من البجي

وتين: ـ ركضت اخذتها منها حته ما مشطت شعري ولا نشفته بس لفيته بالمنشفه وعفته واني كلش احب شعري لأن طويل وسواده ع حماارر يجنن..

غيرت ملابس بنتي وگعدت اريد انومها اجت امال گالت اذر اجه وگاعد بالاستقبال يصيحلج..

باوعتلها بعدم اهتمام واردفت...  وشسويله يعني خلي انوم بنيتي واروح اشوفه شيريد...!!

گالت بكيفج بعد العليه صحتلج...

نومت بنتي وكمت رحت اشوف شيريد مني لأن اني ماريد احجي وياه بعد السواه بيه بالليل كلش حقدت عليه لأن اذاني..