▪︎𝗎𝗇𝗂𝖼𝗈𝖽𝖾
《 မိုးသံတွေ ကြားကနေ ဖောက်ထွက်လာတဲ့ မင်းရဲ့ စကား 》
° ° °
လူတွေက ဘယ်လိုအချိန်မှာ ပြောင်းလဲတတ်ကြတာလဲ။
သူတို့ လိုချင်တာကို တစ်ဖက်လူက မဖြည့်ဆည်းပေးနိုင်တဲ့ အချိန်မျိုးလား။
တစ်ဖက်လူ လိုချင်တာကို သူတို့က မဖြည့်ဆည်းပေးနိုင်တဲ့ အချိန်မျိုးလား။
အကြောင်းပြချက်မရှိပဲလည်း အကြောင်းမဲ့ကြီး ပြောင်းလဲလိုက်လို့ ရတာပဲလား။
ဘာအကြောင်းကြောင်းကြောင့်ပဲ ဖြစ်ပါစေ။
အဲဒီလို လုပ်ရက်တဲ့ သူတွေကို ပုဒ်မတစ်ခုခု တပ်ပြီး တရားစွဲလို့ရရင်တော့ သိပ်ကောင်းမယ် ..။
- - -
အင်္ဂါနေ့ တစ်ရက်ရဲ့ ကော်ဖီဆိုင်ထဲမှာ ဧည့်သည် အော်ဒါတင်တဲ့ သောက်စရာ မှန်သမျှကို ဖျော်တဲ့သူက ဖျော်။
စားပြီးသားဝိုင်းတွေကို ရှင်းတဲ့သူက ရှင်းနဲ့ ..၊
လူတွေ အကုန်လုံးက လူးလားခတ်ပြီး လှုပ်ရှားသွားလာနေကြတယ်။
ပန်းကန်သံ ၊ ဇွန်းသံ။
စာ ( ဒါမှမဟုတ် ) အလုပ်ကိစ္စနဲ့ လာတဲ့ လူတွေရဲ့ လက်ပ်တော့ပ်ပေါ်က ကီးဘုတ်နှိပ်သံ။ဘေးပတ်ပတ်လည်က လူတွေကတော့ သူတို့အလုပ် သူတို့လုပ်နေကြတာပါပဲ။
ဆိုင်ဝန်ထမ်းက လွဲလို့ အပြင်လူ မဝင်ရတဲ့ နောက်ဖေးဘက်မှာတောင် ပေါင်မုန့် ၊ ကိတ်မုန့် ဖုတ်တဲ့သူကလည်း သူ့တာဝန်နဲ့ သူ ရုန်းကန်နေလိမ့်ဦးမှာ ..။
မှန်ပြတင်းပေါက်ရဲ့ နေရာအနှံ့ကို ရိုက်ခတ်ပြီး လာစင်နေတဲ့ မိုးသီးမိုးစက်တွေကြောင့် ၊
ကော်ဖီဆိုင်ရဲ့ အပြင်ဘက် မြင်ကွင်းကို ထယ်ဆန်း ကြည့်နေပေမယ့် သဲသဲကွဲကွဲ မမြင်နိုင်ဘူး။
နာရီလက်တံကလည်း တရွေ့ရွေ့ ၊
ဘေးက ဖြတ်သွားတဲ့ လူတွေကလည်း တရွေ့ရွေ့နဲ့ပဲ လုံးထွေးလည်ပတ်နေတယ်။
YOU ARE READING
𝖤𝖷 - 𝖨𝖳 | 공푸르즈
Fanfiction' 𝘩𝘦 𝘸𝘢𝘴 𝘯𝘦𝘷𝘦𝘳 𝘳𝘦𝘢𝘥𝘺 𝘧𝘰𝘳 𝘩𝘪𝘮 𝘵𝘰 𝘭𝘦𝘢𝘷𝘦 .. ' [ 𝗀𝗈𝗇𝗀𝖿𝗈𝗎𝗋𝗓 𝖿𝖺𝗇𝖿𝗂𝖼𝗍𝗂𝗈𝗇 ]