كان اسمه حبيبى

الفصل الرابع عشر

بسم الله الرحمن الرحيم
وبه نستعين
(14)

  خرج الطبيب بعد وقت ليس بالقليل   ليركض عليه كلا من  احمد وبكر
هتف احمدفى قلق
._.خير يا دكتور؟
_عندها نزيف داخلى ده غير الاصابة اللى فى راسها  وللاسف دخلت فى غيبوبة
نظر احمد وبكر لبعضهما بصدمة 
احمد بقلق
_.والغيبوبة دى هتفوق منها امتى؟
_..الله اعلم.. يمكن يومين تلاتة ويمكن شهر او  اكتر  دى حاجة فى علم الغيب
للاسف الخبطات اللى بتبقى فى الراس دى محدش بيقدر يتوقع نتايجها  .ادعولها تقوم بالسلامة هى محتاجة دعائكم دلوقتى
ثم تابع   بعد برهة
_بس انا اسف يا بشمهندس  هضطر ابلغ البوليس
البنت فى اثار عنف على جسمها وهدومها متقطعة وواضح جدا انها اتعرضت لمحاولة اغتصاب ، والمستشفى لازم تخلى مسؤوليتها
تنهد احمد بقوة
_وانا مقدرش امنعك .اللى تشوفه صح اعمله
..تركهم الطبيب ليزفر احمد بضيق
_.الاسم اللى قعدت ابنى فيه سنين طويلة هيجى الكل..ب ده يضيعوا فى غمضة عين 
ثم  اردف باعين مشتعلة من الغضب 
_.هو فين؟
بكر _دخلوه قسم العظام .ايه اللى انت عملته فيه ده يااحمد .ده عنده 3 ضلوع مكسورين
هتف بتشفى
- يستاهل، ولو اطول كنت قتلته
_طب ودلوقتى، ايه اللى هيحصل يا احمد ؟
مش المفروض نبلغ اهل البنت اللى جوا دى .دى دخلت فى غيبوبة وياعالم هتفوق منها امتى ؟. وشكل اخوك كده هيلبس فى جناية
فرك احمد جبهته بتوتر
._ مش عارف يابكر مش عارف افكر ،حاسس ان مخى وقف

فى غرفة سيف
نهض بالم ليجد ذراعه وصدره محاطين بالضماد
هتفت الممرضة وهى تعلق له المحلول الطبى .
_حمدالله على سلامتك يافندم
سيف بالم
-ارجوكى ادينى اى مسكن حاسس  كل عضمى بيوجعنى
الممرضة _انا بالفعل حطتلك مسكن فى المحلول شوية كده وهتحس بتاثيره .وهترتاح .

..اخذ  يسب ويلعن باحمد حتى سمع طرقا على الباب اعقبه
دخول  بكر عليه الغرفة وهو ينظر اليه بقرف
الممرضة_ طب عن اذنكم انا 
ثم  وجهت كلامها لسيف
_لو احتجت اى حاجة ابقى دوس على الزرار اللى جنبك .
، معافى ان شاء الله
اخرج بكر هاتف سيف من جيبه
._ خد موبايلك كان محطوط فى جيبك وانا خليته معايا لما جبتك على هنا عشان ميضعش
تمتم سيف برجاء
_ارجوك طمنى على روان حصلها ايه؟
هتف بكر بحنق عليه
_دخلت فى غيبوبة
سيف بصدمة
.ايه؟
اردف بكر .
_وادارة المستشفى هتبلغ البوليس
غمغم سيف بخوف
_يانهار اسود ايه المصايب دى؟

..امال انت كنت فاكر ايه ؟ هتخطف بنت وتغتصبها والناس هتصقفلك وتقولك برافو عليك..شاطر
كان هذا صوت احمد الذى دلف لتوه الغرفة

سيف بغضب
- ..ماتجيب من الاخر وتعترف ان كل غيظك وقهرك ده منى بسبب نانسي، محروق ياعينى انى اخدت المزة بتاعتك ؛ مش
مصدق انى فى واحده سابت احمد بيه الطفل الذهبى لعائلة  سويلم بجلالة قدره بفلوسه  وشركاته   و فضلت العبد الفقير عليه
احمد  بغضب
_انت واحد مريض ماتستهلش انى ارد عليك،  .وانا فاهم وانت فاهم ان نانسى لا كانت عجباك ولا نيلة، وميزتها الوحيدة بالنسبة لك انها كانت خطيبتى 
..خليك كده لما الحقد والغيرة اللى جوا قلبك ليا تقضى عليك .
سيف بحده _اطلع برا .....برااااا
حدقه بقرف
  _انا خارج،  بس عايز اقولك
حضر نفسك للسجن اللى هتفضل فيه ان شاء الله فترة طويلة اوى يمكن لما تاخد عقاب  تصرفاتك عقلك يرجع لراسك....وااه
الشقة دى متعتبهاش تانى .ولا اقولك انا هغير الكالون خالص اصلك  بصراحة مش مرحب يك فى بيتى
نظر سيف اليه بعدم فهم
_بيتك ؟بيتك ازاى ؟  .دى شقتنا القديمة قبل مانروح نعيش فى بيت جدى
غمغم احمد بتهكم
_كانت شقتكم  قبل مااشتريها من بابا
سيف بحدة
_يعنى كل الاملاك اللى عندك دى مش مكفياك وطمعت فى الشقة القديمة دى
غمغم  احمد بابتسامة باردة قائلا
_تقدر تقول كده كان حلم ووعد وعدته لنفسى  انى امتلك الشقة اللى انطردت منها انا وامى وانا عيل صغير  
غمز له بعينه وهو يردف
_وانت عارفنى بقى  اى حاجة بحلم بيها لازم اعملها 
ثم التفت لبكر  الذى يطالعهم فى صمت قائلا بسخرية 
_.يلا يابكر  نسيبه يستريح .زيارة المريض قصيرة ....وده واحد لسه قدامه تحقيق وسجن وليلة سودا  ومحتاج للراحة 
كتم بكر ابتسامته بصعوبة  وخرج معه
لينظر سيف فى اثرهم بعينين تقدح غضبا وحقدا
_________
رن جرس هاتفه بالحاح .نظر الى الشاشة وجدها نيرمين