كان اسمه حبيبى

اقتباس 🔥

حدقه  احمد باندهاش   
_..ايه الورقة دى ؟
_دى ورقة بتثبت ان اختى لسة عذراء محدش لمسها
ااتسعت عين احمد بذهول
_ .انت اتجننت ياعمرو وانا مالى ومال حاجة زى كده بتورهالى ليه؟

رغم التوتر الذى يعتمل بداخله من رفضه لطلبه واحراجه ولكنه تحدث بثقة
._عشان الطلب اللى هطلبه منك دلوقتى
هتف احمد بتساؤل .
.طلب ايه؟
تنهد عمرو بقوة ليستجمع شجاعته
_..فاكر لما قلتلى انك مديونلى بحياتك و وعدتنى وقتها انك على استعداد تنفذلى اى طلب اطلبه منك
اوما له احمد بايجاب
_..ايوة طبعا فاكر ،.وانا عند وعدتى،. و عمرى ماقلت كلمة ورجعت فيها
ابتسم عمرو وهو يستطرد.
_ .وانا بطالبك دلوقتى بتنفيذ الوعد ده .
رفع حاجبه بعدم فهم 
..واللى هو ؟
خمحم عمرو بحرج
_تتجوز اختى روان
مسح احمد على وجهه بغضب
_انت واعى كويس للى بتطلبه منى ياعمرو ..عايزنى اتجوز طفلة مكملتش 19 سنة لا وكمان كانت حبيبة اخويا،  انت اكيد مش فى وعيك
اخذ شهيق عميق وزفره ببطء
  _.لا انا فى وعيي وعارف كويس انا بقول ايه .، .انا عارف ان الفرق اللى بينكم فى السن يبان كبير ، بس كمان الراجل اللى بابا مختاره ليها اكبر منك فى السن  و متجوز اتنين غيرها  ومقضيها قال الله وقال الرسول وهو ابعد مايكون عن كده ، .انت عارف لو اختى اتجوزته .هيدمر  مستقبلها واحلامها،  وروان رقيقة مش هتستحمل كل ده
بالعكس انا شايف ان فارق السن اللى بينكم  هيخليك تحتويها وتتفهمها وتعاملها على انها بنتك قبل ما تكون مراتك  ، صدقنى انا لو مش واثق فيك وفى اخلاقك عمرى ماكنت طلبت منك الطلب ده،  .وبخصوص اخوك انا مش ممكن اجوزها للندل ده ، اللى سابها وهرب بعد اللى عمله فيها ،  وهى حلفتلى انها مبقتش تحبه ولا طايقة تسمع اسمه حتى،  انت بنفسك قلت عنه انه طايش ومش مسؤول
استمع له حتى انهى عمرو  حديثه ومن ثم لمعت عينيه ببريق غاضب وهو يقول
_ده مينفيش غلطها ومش انا اللى اخد بواقى حد