|غموض جارُنا|
الكاتبة سناريآ
قناةالتلي https://t.me/nurse2_4
أذا أعجبك البارت لا تنسى التصويت وترك تعليق جميل
غزل: من گال اسمي جسمي رجف لزمت محجر الدرج التفتت الة ونظراتي بالگوة رفعتهن باتجاهة بتوتر احس راح يغمى علي من الخجل بنفس اللحظة اجت حزيران گالت ام على تگول راح تروحون
باوعت الة بدون اي كلام ونزلت ردت اعرف شراد يگولي بس حزيران خربت اللحظة
وصلت للصالة ولگيت اندي طالعة ومن المطبخ وبيدها صينية بيها كوبين عصير گالت باستغراب
_ها وين شو نازلة
_نزلت لان خفت وحدي من طفت الكهرباء وانت ما جيتي
_والله اسفة بس العصير وگع مني من طفت الكهرباء فعاد صبيت غيرة لهذا السبب تأخرت ما جان قصدي
_لا حبيبتي عاد واصلاً جاي نروح
_لا ترا بعد وكت
_لا والله تاخرنا صارت ساعة 11 غير مرة نكمل حجينا
طلعت خالتي ام علي وبيداء عاد سلمنا عليهن وطلعنا وام اندي وخالتي بقى يكملن حجيهن بالباب يمكن بالنص ساعة وما طلعنا الا من سامر اتصل وگال صار ساعة انتظر ما اعرف ليش دائما النسوان الكبار هيج نص حجيهن يصير بالباب
طلعنا ولگينا سامر منتظرنا خطية ما حجى وگال ليش تاخرتن عالرغم من ساعة 10 ونص متصلات علي
وصلنا للبيت وجان هدوء يمكن نايمين خالتي گبل راحت لغرفتها وبيداء سامر راد من عدها اسويلة جاي بس گالت ما اگدر وتعبانة وهو خطية اصلا ما لح عليها عافها وراح للصالة شغل التلفزيون وگعد يباوع عالمباراة
عاد گتلة اني اروح اسويلك رحت للمطبخ وبعدني ما امبدلة سويت الجاي وانتظرتة لما يفور وبسرعة يمكن خمس دقايق وجهز صبيت ووديتة لسامر انطيتة لسامر وگال بابتسامة
_شكرا غزولة تعبتج وياي
_ادلل شوكت ما تريد شي تلگيني موجودة وتعبك راحة
عفتة ورحت لغرفتي ياالله سامر شكد حباب واجتماعي ولطيف بحيث اذا طلب شي من خواتة وما سون ما يلح ولا يزعل واذا رادن شي يسويلهن حتى لو جان تعبان او نايم يعوف نومة ويگوم عكس اوس الي دائما منعزل ومرات عصبي وخواتة ما يگدرن يرفضلة طلب لان يخافن منة ودائما يگول اني اخذ ما انطي
وصلت لغرفتي فتحت الباب ودخلت جانت ظلمة وببها بوخة لان الجو حار فتحت الشبابيك وشغلت الضوة والسبلت ورا نص تبدل هوى الغرفة وصارت باردة ومنعشة
