رن الهاتف فخرجت ليلة تجفف شعرها بعد أن أنهت حمامها لتجيبه:ألو؟.. أيوة يا مينيرفا ازيك.. بتقولي اي؟ لازم أنزل مصر!.. ليه؟.. بتتكلمي جد!.. الكتاب حقق إيرادات عالية ولازم نعمل حفلة توقيع.. طيب كويس جدًا.. هحجز على أول طيارة لمصر مع السلامة
أغلقت ليلة الهاتف مع مديرة أعمالها تحمد الله بحماس.. كان التلفاز يعرض لقاءًا لأحد مؤتمرات الطب في العالم وكان الطبيب خالد شومان وجوار زوجته يتحدث: الطب النفسي أصبح من الضروريات في حياتنا.. أصبحنا جميعًا على دراية كافية بخطورة الإهمال في العلاج النفسي.. آخرها حادثة الاختفاء اللي حصلت من سنة.. كان المسئول فيها مريض نفسي.. الحياة صعبة والنفس البشرية عاملة زي الازاز أقل مؤثر يخدشها.. لازم نهتم بالطب النفسي ونطور منه أكتر وأكتر عشان نقدر نحمي نفسنا وغيرنا.. وأتمنى الأبحاث اللي عملناها أنا وزوجتي الدكتورة هايدي أبو بكر تساعد وتفيد ونكون ذوا أثر جيد في الطريق دة
صفق الحضور بينما ابتسمت ليلة تقول متعجبة: عدى سنة!.. والله الأيام دي سريعة بشكل
غيرت ليلة المحطة تبحث عن قناة تذيع القرآن الكريم فوجدت إحداها تقرأ القرآن وتعرض صورًا للحجاج والمعتمرين ليظهر من بينهم الحاج سمير يؤدي شعائر العمرة ♡
ابتسمت ليلة ثم تركت التلفاز لتسمع آيات القرآن وهي تضب أغراضها
وانتقالًا إلى هديل التي تجلس داخل جهاز يقوم بعمل أشعة على جسدها ووالدها وزوجها بالخارج يرمقانها والقلق يأكلهما ولكن ليس بيدهما غير الدعاء
جاء فطين فأوقفه شاكر يردف قلقًا: طمني يا دكتور الحالة بتتحسن ولا اي؟
فأماء فطين يبتسم قائلًا: الحمدلله احنا كنا فين وبقينا يا أستاذ شاكر.. مدام هديل دلوقتي تقدر تعمل عملية زرع النخاع واحنا مش خايفين
_ودي نسبة نجاحها قد اي يا دكتور؟
سأل حمدان خائفًا فأجاب فطين يطمئنه: الحقيقة دة متوقف على مناعة مدام هديل.. بس خير إن شاءلله متقلقوش.. أهم حاجة بس توفرولها الدعم النفسي.. هي محتاجالكم دلوقتي أكتر من أي وقت فات وبإذن الله تتماثل للشفاء بعد العملية
فأماءا مجيبين يلتفتان ليراقبانها من خلف الزجاج ويبتسم شاكر لها يطمئنها أنه لن يتركها فابتسمت هي لهما تشير لهما أنها ستكون على ما يرام
رحل فطين مخرجًا هاتفه يتحدث فيه: أيوة يا نور يا حبيبتي.. عايزة تين شوكي!.. دة وحم دة ولا اي.. طيب يا ستي خلاص حاضر من عنيا هجيبه.. خلي بالك من نفسك
ثم أغلق الهاتف يبتسم ساخرًا يقول: ولا يا حسن.. شوفلنا بتاع تين شوكي بيقبل بوصولات أمانة
فضحك حسن يردف: يا عيني ع الحلو لما تبهدله الأيام
فتحاذق فطين عليه يقول مشيرًا لخاتم الخطبة في يده: ياخويا ما أنت شوية وهتحصلني.. وهتبقى حلو وتبهدلك الأيام وتطلع عينك
فقال حسن ضاحكًا: على أساس مكنش طالع عيني قبل كدة.. الله المستعان يا عم ربنا يهونها ع الجميع
أنت تقرأ
الفشلة ينجحون (مكتملة♡•)
Adventureضابط غير كفؤ خياطة تتحامى أجسام العارضات دكتور البهائم روائية بئر السلم أسماء تعريفية وجدوا أنهم سُموا بها ليتيقنوا أن الشيء الوحيد المشترك بينهم هو الفشل!
