ဒီနေ့က လီဆာရဲ့ စားသောက်ဆိုင် စဖွင့်တဲ့နေ့ ။
စားသောက်ဆိုင်နာမည်ကို LINI CANDY BAR ဟုနာမည်ပေးခဲ့သည်။ LINI ကတော့ လီဆာနှင့်ဂျဲန်းနီတို့ရဲ့နာမည်။ အမေရိကန်တွေကချောကလက်ကို Candy လို့ခေါ်ကြတာကိုသတိရမိသည်။ ပြီးတော့ချောကလက်ဆိုတာကလည်းအချစ်ရဲ့သင်္ကေတထဲကတစ်ခုဆိုတော့ သူတို့နှစ်ယောက်ရဲ့အချစ်တွေနဲ့စတင်ခဲ့တဲ့ဆိုင်လေးအဖြစ်အမှတ်ရအောင် LINI CANDY BAR ဟုသာအမည်ပေးခဲ့လိုက်သည်။
ဂျဲန်းက အခုထိမသိသေးပေ။ ယောက္ခမနဲ့ အစ်မဂျီဆူးတို့ကတော့ဆိုင်ကိုရောက်နေပြီဖြစ်သည်။ ဂျဲန်းရဲ့သူငယ်ချင်းနှစ်ယောက်ကိုလည်းဖိတ်ထားသေးသည်။ အိပ်ယာနိုးသည်နှင့် လီဆာပြင်ဆင်ပေးထားသည့် အဖြူရောင် ဂါဝန်ကို ဂျဲန်းနီကဝတ်ဆင်လိုက်သည်။ လီဆာကတော့ ပေါ့ပေါ့ပါးပါး အဖြူရောင်ရှပ်လက်ရှည်နဲ့ စတိုင်ပင်တို့ကိုသာတွဲဝတ်လိုက်သည်။ ဒီနေ့ရဲ့အဓိကလူက သူ့မိန်းမဖြစ်လေသည်။
" မောင် ဘယ်သွားမယ်ဆိုတာ အခုထိမပြောသေးဘူးနော် "
" ဟိုရောက်ရင်သိလိမ့်မယ်အချစ်ရဲ့..."
လီဆာ့ကိုထပ်မေးလည်း ပြန်ဖြေမှာမဟုတ်တာသိလို့ စိတ်ကိုလျော့ချလိုက်သည်။ မျက်စောင်းတစ်ချက်ထိုးရင်း နှုတ်ခမ်းကိုဆူလိုက်တော့ လီဆာက သူမကိုရယ်လာသည်။
မိနစ်၂၀ လောက် ကားမောင်းပြီးနောက် စားသောက်ဆိုင်တစ်ခုသို့ရောက်ရှိလာသည်။ ဂျဲန်းနီမှာ အထူးအဆန်းကြည့်နေမိသည်။ အရင်က ဒီဆိုင်ကိုမတွေ့ဖူးဘူးလေ ။ ဆိုင်ထဲကိုလှမ်းကြည့်လိုက်တော့လည်း မောင့်ရဲ့ သူငယ်ချင်းတွေအပြင် မေမေနဲ့မမကိုပါတွေ့လိုက်ရသည်။ သူတို့ရဲ့အနောက်မှာက ဂျဲန်းရဲ့သူငယ်ချင်း အမ်မလီနဲ့နာယွန်း ။ သူတို့အားလုံးက ဂျဲန်းနဲ့မောင့်ရဲ့ကားဆီသို့ကြည့်နေကြသည်။
ဂျဲန်းနီ ဟိုဟိုဒီဒီလိုက်ကြည့်နေတုန်းမှာပဲ လီဆာကားပေါ်ကအရင်ဆင်းလာပြီး ဂျဲန်းဘက်သို့လာကာ ကားတံခါးကိုဖွင့်ပေးလေသည်။ မောင်က ဂျဲန်းရဲ့လက်ကိုချိတ်ပြီးဆိုင်ထဲသို့ဝင်လာခဲ့လေသည်။
ဆိုင်ဆိုမှ ဆိုင်က အတော်လေးကျယ်သည်။ ၃ထပ်တိတိရှိပြီး အောက်ထပ်တစ်နေရာတည်းမှာပင် စားပွဲဝိုင်း ၁၅ဝိုင်းလောက်အထိရှိသည်။ စတိတ်စင်လေးလည်းရှိသည်။ အဲ့ဒီတီးဝိုင်းနေရာကို ဘယ်နေရာကြည့်ကြည့်မြင်ရအောင်လုပ်ထားသည်။ နောက်ပြီးတော့ ဘားပုံစံ ထိုင်ခုံနေရာလေးတွေလည်းတွေ့ရသည်။ ဂျဲန်းကလျောက်ကြည့်နေတုန်း မောင်ကခဏဆိုကာပျောက်သွားသည်။ မမရဲ့လက်ကိုတွဲရင်း ဆိုင်အပြင်အဆင်ကိုကြည့်ကာသဘောကျနေမိလေသည်။
YOU ARE READING
You're all I want (Completed)
Fanfictionကျွန်မအတွက်တော့ အချစ်ဆိုတာ ဂျဲန်းနီကင်မ်ပဲ သူပျော်ရွှင်ဖို့အတွက်ဆို အရာအားလုံးကိုစတေးရဲတယ် လာလီဆာမာနိုဘန်
