سلاسل الماضي

السلسـة التاسـعة 🔗🖤.

بسـهِ تعالـى ..

بَعد ما بردت اعصَابي
وهديت وقلّت احزاني
ورجعت اقرا الحچَي ..
الساعتها اذاني
شنو هذا الوجع؟
والخنكه هاي منين؟
هذا الراد عالمُرسال مو اني .

بقـلمي انـا الكاتبـة زهراء الشمـري 🤍.

____________________________________________

واني صافن افكر بقراري بعدين حسمت كلشي من دخلت يمي حجيـت

::ـ يمـة جايج بموضوع كلش مهـم واتمنـة ما ترفضين وتتحجـجين بشي

::ـ تفضل يمـة گول واني اسمعك 

::ـ يمـة اني قررت اسجـل بيتـي بـ اسمج !

::ـ لا يمـة لا ونسوانك وين يرحن

::ـ هوَ اني اريـد اسجـلة بـ اسمج حتى اخلصج من معايـر الجنايـن من اموت

ـ رفعت راسها فازة دمعتها بعينها
::ـ لا يمة اسم الله على روحك لا تگول هيج اني شعندي غيرك وحيدي انتَ لا تتعب گلبي

::ـ لا يـمة كلنـا على هذا الطريق ربِ العالميـن انطـانة نفسنـا امانـة وراح يرجع ياخذهـا منـا بيوم من الايام واني احسب لهل يوم وحتى ما تنذلين بـ ايد الجناين اجيت اكلج هل قرار

::ـ الله يطول بعمرك واشوفك بخيـر يا يمة والله اني ما احب هذا الحجي ويضوجني تعرفني ليش تكولـه يمي

ـ سحبت ايدها بستهـا
::ـ الله يطول بعمرج يا بعد عمري ، جايج دخن وانتي تسولفيلي ع العمر

ـ ابتسمت وكامت تصبـلي شربت الجاي وبستهـا اريد اطلع رجعت اسئلـها

::ـ يمـة خو ما ناقصكم شي مسواگ شي ثاني

::ـ لا يروحي تسوگ ابوك امس

::ـ ها زين يلا مع السلامة رايح لبيتي

::ـ بحفظ الرحمن حبيبي

ـ طلعت من بيـت اهلي لبيتنـا وكفت السيارة بالباب سمعت هوستهم من الداخـل وانفتح الباب طلعولي يضحكون فرحانين

::ـ يابعد راسي هوَ بس هل شوفـة تزيل التعب كلـه

ـ دخلتهم للبيت ودنكت عليهم ابوسهم واحضنهم انتبهت شَجن واسمر ماكو بعدني اريد اسئل وطلعو من الصالة يضحكون فرحانين سحبتهم لحضني اريد ادخلهم لروحي ذولـة مو بس جـهالي ومحسوبين عليه ذولـة بدمـي يمشون رفع راسة مهـاب گال