#شضايا_حواء
الكاتبه زهراء السداوي
ألِم بروحِي
أحاوِل ما اضَل مكسور
و اعرُف صَعبة لَم الجام المكَسر
أمشي و ألتفِت
مَطلوب، دَم، و دِين
انا اتمنى استقِر بَس كون غِير أگدَر .
لطفا لاتنسو تصويت تفاعل بين الفقرات
شهكت بصدمه على منضر وجه المحترك وايده
تخبلنه من شفنه حالته ڪعد يرتاح ارتاح شوي
واستلمنه اسئله متنه خوف ورعبه عليه طلع ديشتغل
بمولده ونفجرت بوجه واشتعلت نار حترك ايده
اليسره كله منضره يوڪف الڪلب اتلمت وتوجعت
بداخلي ضاك صدري وڪلبي وجعني حيل حروق
وجه توجع ڪلبي واتاذيني حيل اتاذينه عليه وخفنه
ترك الشغل وضل ڪاعد بلبيت أعتني بي ڪلش
اوكله واشربه حتى جڪارته جان يكولي ورثيه الي
ضل فتره ڪاعد تحسن وضعه شوي بيوم ملتمنه
ڪلنه وڪاعدين دنسولف ....
ابو ضي - اني قررت ابيع المحل واشتغلي غير شغله
ام ضي - شلون شبيك يمعود شهل كلام عيشتنه
على محل وخير من الله حصلنه منه شتشوفلك غير
شغله الله منطيك رزقه ادور غيره ليش والمحل خير
على وجهك الحمدلله وين جنه وين صرنه
ابو ضي - انتهى الموضوع اني قررت وخلص
ام ضي- ڪل عاده شغله مطول بيه اقل لسنه وتغيره
لشوكت تبقه هجي شلون احنه نضل على هل حاله
هااا نفس كل مره ڪل شغله تمل منه بساع وتعوفه
ياعيني لعد احنه شلون نعيش وشوفت عينك
لضروف شلون صعبه على اقل فڪر بجهالك...
ابو ضي- تڪافي مليت بس من حجيج ڪتلج
شوفلي غير شغله وخلصيني...
حاولت تقنعه هواي وكلامه اخر همه بفتره قصيره
باع المحل رجع مثلا قبل ميهتم الشي حياته عباره
عن نوم رجعنه لنقطة الصفر بيت ربع مابي ڪعد
من النوم روحه بخشمه ماما تعبانه نفسيته اڪل
ماكو مصرف ماڪو ڪلشي ماكو...
ابو ضي- كومي صبيلي اكل
ام ضي- ههه اي مو على كداري التارسه الطباخ
ابو ضي- بلا حجي زايد ڪتلج كومي صبيلي جوعان
ام ضي- اي على مسواكك الزين وين هو المسواك
