အပိုင်း (၈၀) မိသားစုစကားဝိုင်း
ပိုင်မိသားစုအံသြနေကျချိန်မှာပင် ပိုင်လီက....
"အဖေတို့လည်း လယ်ကွက်တစ်ထောင်နဲ့ မြေကွက်တစ်ထောင်လောက် ဝယ်ရင်ရောဘယ်လိုလဲ အကုန်လုံးမှရွှေချောင်းငါးဆယ်ပဲကျမှာလေ"
ပိုင်မိသားစုက ဒါကိုကြားတော့ လှုပ်လှုပ်ရှားရှားဖြစ်သလိုပင်။ သူတို့က မြေကွက်တွေဝယ်ဖို့ စိတ်ကူးရှိပေမယ့် ပိုင်လီပြောသလောက် ထောင်ချီပြီးဝယ်မယ်ဆိုပြီး ခန့်မှန်းထားတာတော့မဟုတ်လို့ ပမာဏကိုကြားပြီး အလွန်ထိတ်လန့်သွားရတော့သည်။
ပိုင်အဖေက...
"အဲ အဲလောက်ကျ များမနေဘူးလား အဖေတို့မိသားစု မလုပ်နိုင်လောက်ဘူးလေ"
ပိုင်အမေကလည်း စိတ်လှုပ်ရှားမှုကြောင့်သူမရင်ဘက်ကိုဖိထားလိုက်ရပြီး....
"ဟုတ်တယ် အဲလောက်က အရမ်းကိုများလွန်းတယ် လူငှားခေါ်ရရင်လည်း အများကြီးခေါ်ရမှာလေ အမလေး မဖြစ်ပါဘူးကွယ် ငါတို့တွေ အိမ်မှာရှိတဲ့လယ်ကွက်တွေရောပေါင်း တစ်ရာလောက်ဖြစ်အောင်ပဲ ထပ်ဝယ်လိုက်ကျမယ် အဲတာဆိုရင်ကို တော်တော်များနေပြီ"
ပိုင်အမေရဲ့အကြံကို ပိုင်အဖေကလည်း သဘောတူတဲ့ပုံပါပဲ။ သူတို့အတွက် လယ်ကွက်တစ်ရာဆိုတာကလုံလောက်နေပြီး အဲဒီအတွက်တောင် လူငှားတွေငှားကျရဦးမှာဆိုတော့ ဒီလောက်ကပဲ သင့်တော်တယ်လို့ တွေးနေတာဖြစ်၏။
ဒါကိုမြင်တော့ ပိုင်လီက ပိုင်ကျန်းကိုကြည့်လိုက်ပြီး....
"အကြီးဆုံးအကိုကရော ဘယ်လိုမြင်လဲ"
ပိုင်ကျန်းကလည်း ဒါကို သေချာစဥ်စားကြည့်နေတာပင်။
"အမ်း အကိုလည်း လယ်ကွက်တစ်ရာလောက်ကအဆင်ပြေမယ်ထင်တယ် ဒါပေမယ် အသီးရွက်စိုက်တဲ့မြေကွက်ကတော့မသေချာဘူး အိမ်အတွက်အများကြီးမှမလိုတာ "
ဟင်းသီးဟင်းရွက်များသည် အိမ်စားဖို့သာစိုက်ပျိုးကျတာဖြစ်ပြီး ပိုင်မိသား၏မြေကွက်များက သူတို့အတွက်လုံလောက်နေပြီဖြစ်သည်။ ဒါကြောင့် သူတို့တွေ မြေကွက်ကိုတော့ ထပ်မဝယ်ဖြစ်လောက်တော့ပါဘူး။
YOU ARE READING
အမှိုက်ကောင်လေး၏ ပျော်ရွှင်ဖွယ်ဘဝ (Completed) အမွိုက္ေကာင္ေလး၏ ေပ်ာ္႐ႊင္ဖြယ္ဘဝ
Fantasyအမျိုးသားကိုယ်ဝန်ဆောင် "ကော"များပါဝင်သည်။ အမ်ိဳးသားကိုယ္ဝန္ေဆာင္ "ေကာ"မ်ားပါဝင္သည္။
