الكاتبه: بنين ال علي
الي يحب يستفسر او يسالني هذا يوزري
التواصل عبر الانستا : wilr9
Part 1
السلام عليكم شلونكم حبايبي شخباركم. طبعاً انه اول مره اكتب وحبيت اكتب الكم قصتي وشنو الي صار وياي والي عشته والي خلاني قويه الحد هاي اللحظه وياكم بنيه عمرها 18سنه فقط
راح نبدي وياكم قصتي اتمنى تابعون الحساب ولا تنسون التصويت
واتمنى ادعموني وتنشرون قصتي حتى الكل يستفاد منها وما يغلط نفس اغلاطي .. بداية حلوة سوية وبس ما اطول عليكم استمتعوا بالقراءة❤️
.. .. .. .. .. .. ..
في احد احياء البصره
،،
امي (فاطمه )
جانت طالبه طموحه تحب الدراسه وجانت هوايتها الرياضه كره الطائره وما مفكره بلزواج وجانت تحب الحريه يوم من الايام جانت راجعه من المدرسه وشافهه رجال ونعجب بيهه (امي جانت جميله حيل )
وجانت امي ثكيله وما تحب هاي السوالف مال حب فا هوه حبهه لءن هيه هيج وما نطته مجال ضل يراقبه من بعيد وندل بيتهم فا اخر شي قرر يروح يخطبهه ويحاجي اهله
فاراحو يخطبونهه وكالو اهل البنيه انو هيه رافضه الزواج تريد تكمل دراسه وامي داخله للغرفه وساده الباب لأن ما تحب تزوج
فا الرجال رجع خطبهه وهيه رافضه فا جدي الي هوا ابوها راح سئل ع الولد وع اهل الولد طلعو خوش ناس وسمعتهم حلوه فا رجع الامي كلهه وافقي الولد خوش ولد وسمعته كلش زينه امي ما قتنعت اخر شي كلولهه بس شوفي اجوز يعجبج قتنعت بعد معانات طويله. فا دخل الرجال وشافته
واخته كالت تره الرجال حلو ليش ما توافقين فا امي كالت حلو بس بشرط ازوجه
واكمل دراسه
الرجال وافق كال تكمل دراسه وافقت تزوجه
وجان كلش فرحان لأن وافقت بعد معانات
بعد ما شلعت. كلبه 😂
ازوجو
عاشو ايام حلوه وقررو يصير عدهم طفل فا صار طفل وامي صار عدهه اسقاط 💔
وابوي وكف وياه وهوا ضل يهتم بيهه وما يخلهه اسوي شي وبعد مرور ايام ابوي ضل يسولف وياه يكلهه لا زعلين يصير عدنه طفل ويطلع مثل جمالج فا سنه وامي ما صار عدهه حمل فا ابوي اخذه لدكتور.
فا بعد معانات. ودكاتره وتعب ابوي وجان يصير عدهم طفل وهوا فرح لءن صار عنده طفل.
فا امي عليهه 6 اشهر وجانت عد اهلهه وابوي جان بيت اهله بكربلاء فا راح الكربلاء شاف اهله وسلم عليهم فا كال خل اروح اشوف اختي وهوا بطريق جان يصير حادث ويا واخذو للمستشفى وصار عنده نزيف داخلي براسه ومات 💔
فا امي محد كلهه انو زوجج مات لأن يخافون عليهه خاف هم يصير عدهه اسقاط. فا كالو راح ناخذه. الكربله وما نكله زوجج مات المهم راحت امي تكول اني وصلت وشوف جادر وناس ملتمه امي عبالهه يعني احد من اقاربه ما عبالهه ابوي 😭 كلولهه زوجج مات البقيه بحياتج وهاي الدنيا امي تكول ما صدكت شنو مات صافنه يبجون ونزلت من السياره دخلت امه تصرخ خواته. امي نهارت كلش لأن ابوي دللهه وصار الهه كلشي وهيج خلاهه حامل وراح شراح يصير بيها نوب كملت الفاتحه وكمل كلشي عافت غرفته وعافت كلشي وراحت الاهله امي تنوم ملابس ابوي يمهه وتنام😭. كلش تعبت. وبعد مرور ايام صار يوم الولده مالتهه الولاده تصادف27/ 2006/5
