حبك في قلبي قصيده

البارت(٢٧)

-اليوم قبل زواج ورد وتركي -

طالعين البنات كلهم الا ورد يخلصون باقي الاشغال الي ناقصتهم
غيد وهي تسوق وحاطه اغنيه من اغاني تايلور سويفت وتغني وراها بكل روقان
غيدا وهي تسحب الجوال من يدها وتحط اغنيه لعبدالمجيد ضحكت الهنوف من اختلاف اذواقهم وجوهم
الهنوف: بنات قبل مانروح المول خل ناخذ لنا قهوه
غيد: وهذي الخطه ياماما بس قبل كل شي بروح اشتري لنوني لبس من محل الحيوانات
غيدا وهي معقده حواجبها : انتي صادقه ؟
غيد وبكل اصرار : اي والله صادقه والله لاخلي بنيتي اكشخ وحده ذي نوني مو اي وحده ياروحي انتي
واتجهت غيد للمحل وشرت لقطوتها لبس
انهارت ياسمين ضحك عليها ماتوقعت انها صادقه
غيد وهي تركب السياره وصفقت بيدها : ويلا الحين احلا كوفي لكم
غيدا وهي ماسكه راسها : امشي لاهفك كف
خذو قهوه واتجهو للمول
دخلو كلهم مع بعض
غيدا وهي تلف على غيد : وش كان ناقصك انتي ؟
غيد : كعب عجزت القى شي يناسب لبسي
غيدا : يابنت تراه كعب واصلا مو مبين فستانك طويل
غيد : لا والله الا بيبين وش عرفك انتي
الهنوف : بروح قسم المطاعم باكل معليش اعذروني
ياسمين وهي تجرها جمبها : امك تقول ماتعتب عتبه الا وهي معكم اذا خلصنا نروح كلنا
الهنوف : ياليل ام اليل
بعد ساعات طويله كل وحده خلصت شغلتها
غيد ومعها اكثر من كيس
غيدا : بنت مو كنتي بس تبين كعب وش ذا
غيد: والله عاد عيني بحر وكل شي اشوفه يعجبني تبيني ابخل على نفسي معليش ماقدر اتحمل احب ادلع نفسي
غيدا : ذكريني ثاني مره ماجي اتسوق معك
غيد: ذي كلمتك المعتاده مراح اجي مراح اجي وفي النهايه انتي اول وحده تركبين
الهنوف: متى بروح ناكل ؟؟؟
ياسمين وهي تسحبها : الحين

وهم يمرون مر واحد من جمبهم وبصوت خافت
الشخص: لاتستانسون نهايه الفرح موت
تصنمو البنات في مكانهم الهنوف حطت يدها في فمها من الصدمه عيونه مثل عيون الشخص الي شافته مع عمها وبدت الدموع تتجمع في عيونها وبدت تتنفس بسرعه
انتبهت ياسمين عليها
ياسمين: الهنوف امي الهنوف
غيد: وش فيها
غيدا وهي تشوف الشخص طلع من المول ومسكت يد الهنوف : بس بس راح طلع والله طلع
الهنوف وهي تبكي : ابي امي ودوني
غيد: امشو
ركبو السياره وعم الصمت بينهم
غيدا : عرفتيه ؟
الهنوف: الي كان مع عمي
غيد : ايا الكلب ولد الكلب والله لاجرجره في المحاكم
غيدا : خلي الهياط ومشينا للبيت نقول لاي احد
غيد : بنزلكم ثم بروح اسوي اظافري
غيدا : امشي
نزلتهم غيد وانتظرتهم الين يدخلون وراحت تسوي اظافرها
البنات مجتمعين
غيدا : مين نقول له ؟
ياسمين : مراح نقول لا لجدي ولا لورد ولا اي احد بقول انا لفارس وهو يتصرف
الهنوف : اي اي افضل حرام جدي لانخرب فرحته
غيدا : بس هو وش يبي وش قصده بالكلام ذا ؟
الهنوف وهي خايفه : مدري ليكون عمي رجع تكفون
ياسمين: لا وين توه في السجن وش بيرجعه
الهنوف : بروح لامي
غيدا : انتبهي تقولين لأحد
الهنوف : تمام
تركتهم وطلعت
ياسمين اتصلت على فارس انه يجيها الحين تبي تقوله شي مهم وقالت له انها بتجيه في الحوش الخلفي