وريثة القصر

الفصل الرابع

فى شركه المرشدى و بعد ما يقرب الساعه و النص

دخل الى مكتب اخته بكل برود و لامبالاة

رحيل بغضب :  قوتلك نص ساعه و تكون عندى جاي ليا بعد ساعه و نص ايه البرود اللى عندك يا اخى

عامر ببرود وهو يجلس امام رحيل : والله يا استاذة رحيل انا مطرود فحوار انى اجى بدرى او متاخر ده يخصنى انا ، وبعدين انا مش موظف هنا علشان اجى بمعياد

رحيل : المفروض يا استاذ تحترم المعياد اللى انا حددته

عامر : بالظبط اللى انتى حددته مش اللى اتفقنا عليه تفرق يا ام عدى و الله

رحيل : المهم ، انا عندى سفر مهم انا و تاج ، و طبعا للاسف مفيش غيرك اللى هيكون مسئول عن الشركه

عامر بغرور : انا اسف مش فاضى

رحيل : هو ايه اللى مش فاضى ، انت هتستهبل

عامر بسخريه : والله انا واحد مطرود من الشغل  علشان فاشل و مستهتر " وأكمل متصنع التفكير والنسيان " و ااايه يااربى ، ايه الكلمه اللى انتى بتفضلى تقوليها ليا ، اااه وعديم المسئوليه ف سورى بقي انا مش مستعد انى اتحمل المسئولية دى

رحيل : طب حلو اووى الكلام ده ، ان شاء الله مش هغيب عليك كتير هو بالكتير اسبوع او عشرة ايام

عامر بغيظ : انا مليش دعوة بسفرك انتى و تاج انا مش هروح الشركه و لا ليا دعوة بها

رحيل بابتسامه سخريه وهى تتجه الى كرسي اخيها وتميل عليه : لا يا عامر هتاخد بالك من الشركه و من حاجه كمان صغننه قد كده 🤏

كاد ان يتحدث عامر معترض ولكن دخول كلا من عدى و ايلين جعله صامت للحظات

رحيل مكمله حديثها بعد رجوعها الى كرسيها : احب اعرفك ان غير انك هتروح الشركه ، ف انت للاسف هتكون مسئول عن عدى و عن القمر الصغننه دى

عامر بعصبيه : نعم ، عدى ايه و صغننه مين ، انتى بتستهبلى يا رحيل

رحيل بهدوء : صوتك يا عامر البنت رقيقه بتخاف من الصوت العالى

عامر و هو ينظر الي ايلين التى ظهر عليها ملامح الخوف و تمسكها بيد عدى فى تلك اللحظه شعرعامر بشئ يدفعه اليها

عامر : استغفر الله العظيم ، رحيل انا مش ناقص جنان ، انا فيا اللى مكفينى ، سفر ايه اللى جه فجاءة  كده هو انتى فاكرة علشان انا بعيد عن الشركه ، مش هبقي عارف ايه اللى بيتم فيها

رحيل بابتسامه : طب برافو حلو جداا ، كده اسافر و انا مطمنه بقي ، وطبعا مش محتاج اعرفك انك هتاخد  عدى والبنوته الصغننه معاك وانت رايح الشغل علشان اكيد مش هينفع يفضلوا لوحدهم خصوصا غياب داده حليمه من البيت اهو هتتسلى الموضوع بسيط  خالص حتى يبقى عاملين حس هنا ليك

عامر : رحيل بلاش الاسلوب ده

رحيل :  شوفت بقي نسيت اعرفك ، القمورة دى اسمها ايلين ودى يا سيدى  بنت واحده صحبتى ، بس مامتها جالها  شغل فجاءة وتقريبا مش هتخلصه قبل اسبوع كده ، و لولا السفر اللى جالى كنت اكيد مخلتهاش معاك

عامر برفعه حاجب :  ده على اساس انى شغال بيبى ستر وانا معرفش ،  انا مستحمل نفسي بالعافيه

عدى : جر ايه يا عامر ، انت معصب نفسك ليه ، مش كفايه خوفت الموزة

رحيل :  عدى خد ايلين و روح لابوك

عدى : ابوى مش فاضى ، بيعاكس السكرتيرة

رحيل بنظرة ثاقبه : عددى

عدى : تعالى يا ايلى علشان امى  وانا عرفها ، تعالى نشوف الناس بتشتغل ولا لا علشان نفتن عليهم

عامر بدهشه : يا نهار ازرق ، انتى راضيه على الخلفه السودا دى يا شيخه
رحيل : هتاخد عدى و ايلين معاك وانت ماشي ، وياريت تعامل البنت بطريقه لطيفه

عامر : انا نفسي افهم صاحبتك و سافرت ، انا مالى بقي ، فين ابوها فين اى حد قريبها ، قريب امها اى حد

رحيل : حاليا فى الوقت الحالى مفيش حد قريب ليها ، غيرى على الاقل

عامر بتفكير: و السفر ده قد ايه على كده

رحيل : عشر ايام

عامر : وياترى بقى السفر ده فين

رحيل بذكاء : مش انت بتقول عارف كل حاجه ، اكيد انت عارف مش محتاج اقولك ولا ايه

عامر بكذب و احراج : اه طبعا عارف اكيد ، ده علشان الصفقه الاخيرة دى صح

رحيل بابتسامه نصر : بلاش تخلى  عدى ياكل  بيتزا تانى ، ماشي يا عامر

عامر وهو يحك راسه : الفتان ، امم طب  انتى قوتلى اسمها ايه بقى

رحيل بابتسامه لطيف : ايلين

عامر بسرحان : ايلين ، غريب الاسم

رحيل : ايه الغريب فيه ، ده اسم لطيف وهى  لطيفه خالص

عامر بحزن غير ظاهر : اه طبعا  الاسم حلو ، بس الاسم فكرنى بحاجه مش اكتر

رحيل : خد بالك من عدى و ايلين يا عامر

عامر : ياختى قولى لابنك هو اللى ياخد باله منى انا والبت ، طب انا واتعودت على الكارثه ابنك ، ذنب البنت الصغيره دى ايه

رحيل بضحك : اهو يلعبوا مع بعض و يقضوا معاك جو لطيف

________________________________________________

و بعد مرور الوقت و تحديد فى احدى شوارع القاهره حيث النسيم و الهواء النقى نظر الى بنته فى حنين و ابتسامه

سعيد : ايه رايك بقي فى الفسحه الحلوه دى

عهد بابتسامه : حلوه اووى يا بابا من زمان اووى مطلعناش خروجه حلوه زى دى ، انا كنت فعلا محتاجه الخروجه دى من زمان

سعيد بابتسامه : اى خدمه ياستى ، دخلت الفليم اهو اللى انتى اخترتيه ، بس دون عن بلاد الدنيا اخترت فليم هندى بتاع اسمه ايه حاجه خان

عهد ضاحكه : يا سعده اسمه شاروخان

سعيد بضحكه : اه هو ده ، مالو برضو العربى زعلك في ايه ، ولا هى عقده الخواجه

عهد بضحكه : اه هى عقد الخواجه ، وتعالى بقي فى مكان هنا بيبع ايس كريم تعالى اعزمنى عليه

سعيد : كمان اعزمك عليه ، طب يا ستى يلا ، خليكى هنا عقبال ما اجيب الايس كريم

وبعد لحظات من ذهاب سعيد لم يكن يعلم من كان يتربص بهم واذا بعد ثوانى سمع صوت صراخ ابنته قائله

عهد : الحقووونى ، حرااااامى

وفى لحظات تجمع كل من كان فى الطريق ، و اثناء محاوله هرب هذا اللص ، لسوء حظه  تعثر بقدم احدهم اثناء هربه

شخص ما : ينصر دينك يا ابنى ، هات الحرامى ده انا هسلمه للقسم اللى هنا علشان يتربى

" انا معملتيش حاجه يا جماعه حصل خير ، ثم اتجه الى تلك التى كانت ترتعد من الخوف ولم تكن سوى عهد
- اتفضلى يا انسه الشنطه بتاعتك "

عهد : شكرا لحضرتك

وبعد لحظات اتجه سعيد مسرعا لابنته : بنتى انتى كويسه يا حبيبتى

عهد : الحمد لله يا بابا ، ربنا بيحبينى بعتلى الاستاذ ده و ضرب الحرامى و رجعلى الشنطه

سعيد بامتنان : شكرا يا بنى انا مش عارف اعملك ايه

"ولا اى حاجه يا عمى ، انا معملتيش غير الواجب ، ولو عاوزين  اوصلك اى حته انا عربيتى قريبه "

سعيد : كتر خيرك يا بنى ، احنا خلاص جنب البيت اصلا ، متشكرين

ثم نظر الى ابنته قائلا : يلا يا عهد يا بنتى

عهد بابتسامه : شكرا لحضرتك مرة تانيه

_____________________________________________

فى بيت عامر المرشدى

بعد ذهابه من الشركه بصحبه عدى و ايلين طلب منهم الهدوء لبضع ساعات لينعم ببعض الهدوء و النوم ولكن كانت الكارثه حين استيقظ

عامر بصراخ : عددددددددى

عدى وهو يقوم باخفاء نفسه فى احدى الامكان : يادى الحظ عامر صحى و هيعلقنى

عامر : عدى قدامك خمس دقايق لو مظهرتش انت حر

ايلين بهدوء : عمو عمو

عامر بصراخ : عاوزه ايه انتى كمان ، مش كفايه البهدله اللى انتوا عملتوها
ايلين بدموع : انا عاوزه مامى

فى ذلك اللحظه توقف الوقت لدى عامر ، لم يعلم بما يتصرف ربما احساسه بان يوجد شئ ما يجذبه الى تلك الصغيره الرقيقه

عامر بتوتر : لالالا متعطيش اهدى ، بصى انا مش متعصب ولا حاجه اهدى بس

ايلين وهو تمسح دموعها برفق : انت عمو وحش علشان بتزعق

عامر بهدوء : طب انا اسف يا ايلى ، تحبى اصالحك ازاى

ايلين بابتسامه : ايس كريم

عامر بضحكه : عيونى يا ايلى ، وخليك مستخبى بقي يا عدى

عدى و هو يمسك قطع قماش بيضاء : احنا نعمل معاهده سلام ماشى

عامر وهو يركض لامساك عدى : و ربنا ما انا هسيبك يا عدى

عدى وهو يركض : يا عامر ما خلاص هتعمل عقلك بعقل عيل

عامر : اه يا عيل ، ولحين غفله امسك عدى ، و قام بزغزته و اللعب معه

عدى بضحك هستيرى : خلاص بقي يا عامر

عامر بابتسامه : طب انا هعمل معاهد سلام لحد ما الاسبوع ده يخلص بسلام متفقين

ايلين و عدى : متفقين

عامر : حلو ، لو سمعتوا كلامى ، انا مش هزعق ليكم و كمان هنخرج و نتفسح كتير تمام

ايلين و عدى بابتسامه  : تمام

عامر : طب حلو يلا روحوا البسوا علشان ننزل ناكل ايس كريم


_______________________________________

فى باريس

مرام محدثه فى الهاتف باللغه الفرنسيه : ارجوكى انا فى حاجه الى حجز تذكرة طيران سريعه الى القاهره

عامله الحجز : لقد تم الحجز يا سيدتى ، اقرب طائره فى الغد مساءا

مرام بسعاده : شكرا لكى ، لا استيطع ان اخبركى عن سعادتى بهذا الخبر

عامله الحجز : على الرحب و السعى

وبعد انتهاء المكالمه

مرام بغضب : جيالك يا ايلين


يتبع .....