نصيحة

البارت الاول

‏A_ليلي_المنزل_غرفة المعيشة_الاب حسن_الأم فاطمة_ الأبن نوح.

‏A_قبل عشرة سنوات من الأن يدخل الطفل نوح   إلى غرفة المعيشة ويجد أمه تبكي وتقول إلى حسن .

1_. فاطمة_
     
                  معقولة هكي مفيش شني ناكلو ولدك بيموت من الجوع خلاص مليت إمشي إخدم

2_حسن_

            قلتلك صكري فمك كان عجبك به ماعجبك اقلبي وجهك لحوش بوك شن الفايدة يلي درتيها من لما تزوجتك

لـ توا درهتيلي كبدي لا جمال ولا قراية ولا فلوس مش كان تزوجت بنت عيلة وناس خير ،قاعدة تتشرطي مشي كولي

الخبزة اليابسة والا والله لما نخليك في الشارع إنتي ولدك .

‏A_تنظر الام الى جهة الباب حتى ترا ابنها ينظر اليهم ويبكي وتقول الام الى نوح:

3_فاطمة : تعالى ياحبيبي معش تبكي خلاص سلم وليدي معش تبكي

4_حسن: هيا اطلعي انتي ولدك لدار ثانية خليني نرقد والله نسمع صوت لما تشوفي شنو يصير فيكم

‏A_ تأخذ الأم أبنها وتخرج الى الغرفة الاخرة وفي تلك اللحظة نام الطفل وأمه وهم جائعون، وفي صباح اليوم الثاني يصحى حسن على صرخات وبكاء إبنه ذهب حتى يرا ماالذي يحدث

5_حسن: خيرك شن فيه علاش تبكي

6_نوح:أمي (بكاء)امي ماتتحركش ومتردش عليا

7_حسن:صدمة،..فاطمة فاطمة ...(يسرح حسن بتفكيره)امممم هاذي شكلها ماتت توا هنا فرصتك ياحسن تطلع من هنا وتحذف الولد عند خواله وتتزوج وحدة صغيرة حلوة.

8_حسن:اللله غالب ياوليدي امك ماتت...مافيش غير انه ندعولها

9_نوح:لاااالاااا ماما بالله خليك معاي ماما متمشيش (اعععع بكااء)

‏A_ اتى كل الجيران حتى يرون ماالذي حدث وانصدمو بموت فاطمة الامرأة الطيبة ، تمت الصلاة عليها ودفنها ،بعد العزاء بأسبوع ذهب الاب الى بيت اهل زوجته ورفع ابنه وسلمه إليهم بحجة إنه لن يقدر على تربيته

‏A_ ونرجع الى الوقت الحديث الان بعد عشر سنوات حيث اصبح عمر نوح 20 سنة ويدرس في القانون .