نصيحة

البارت الثاني

الـPart2

‏A_يطلع نوح من الحوش ماشي لسيارة ولكن وهو ماشي (يسرح بتفكيره)....نبي نطلع من هنا نبي نعيش حياة افضل من حياة الفقر يلي خدت مني امي ضروري ندير حل بس لو نقدر نسافر لاي دولة ثانية نبني مستقبلي فيها💬💭.

(رواد:هو شخصية "ثانوية" صديق البطل حيث تعرف عليه في الثانوية وقررو دراسة قانون بعد تخرجهم وهو من عائلة غنية)

رواد_ اوووو يابرو شن الامور...... يانوح ياهوووو

نوح_ رواد هههه سامحني والله كنت شارد شوي بس شن جوك

رواد_ والله ماشية ياكلب..... هي تعال معاي بسيارتي خير فيها مكيف وجو مليح

نوح_ههههه على قولتك سيارة الفقير مش زي سيارة الغني....

رواد_ايه مش زي بعضها ههههه غير تعال بس بلا جو

‏B_وصل رواد ونوح للكلية ولما دخلو للقاعة قاللهم :

الدكتور_وين لتوا معقولة تاخير كل يوم وانتم نفس الحالة مايجيش هكي راه

رواد_ يادكتور مشيها لينا المرة هادي ومعش نعاودوها

دكتور_ كل يوم نفس الكلام ياودي ادخلو بس

‏D_تمت المحاضرة وروحو رواد ونوح وكل منهم مشي لي حوشه

نوح_(نوح وهو يفكر على فراشه )مش كان نستغل رواد ونقوله خلينا نسافرو خير مش كان نحط الفكرة هادي في راسه ممكن نغير حياتي كلها لازم نغير حياتي لازم يكون تفكيري اكثر استغلال وخبث.........يتصل نوح بـ رواد

نوح_ ها يابرو شن الوضع

رواد_ماشية شني اتصالات في الليل اول مرة تتصل في وقت متاخر

نوح_تقدر تجيني توا نهدرزو شوي؟

رواد_ شن فيه؟

نوح_ لالا شي بس في موضوع نبي نهدرز فيه معاك شن قلت تجيني ؟

رواد_ تم يابرو هي مسافة طريق ونكون عندك

‏ C_نوح:هادي فرصتك توا لازم تستغله،طق طق... رواد:يانوح افتح،نوح ها برو شن الوضع هي تخش والا نعكسو برا

رواد_ لا خلينا برا مهم شن فيه

نوح_ بتريس ندخل في صلب الموضوع توا انتم ربي عاطيككم صح وله واني وياك لينا قريب 5 سنين صحاب معرفة قديمة وتعرفني اني شني معاك

رواد_اكيد لكن مفهمتش

نوح_غير اصبر هاني جايك يارواد عمرك فكرت انه تكمل قرايتك برا؟

رواد_ والله شوف اني مش مهتم هلبااا للقراية تشوف فيها الحمدلله حالتي مادية مشاءالله عندي معارض سيارات وصالات ملابس يعني عندي ربي رازقني القراية هدف فرعي بس يعني ف الحق نكون معاك واقعي مكمل قراية بجو وخلاص

نوح_لا يغبي مفروض تكون احسن من هكي بدل ماتقعد تخدم غير في ليبيا ليش ماديرش فروع في في دولة ثانية مثلا وتكمل قراية غادي
رواد_ فكرة حلوة لكن وين مثلا تونس؟

نوح_شن رايك تفتح فروع في بريطانية وتكمل قراية غادي؟

رواد_فكرتك حلوة واني اصلا جاية نية نسافر بس بروحي ونسكن غادي قراية وخدمة صاعب..

نوح_من قالك تمشي بروحك؟!

رواد:كيف شن تقصد؟

نوح: اني نمشي معاك..

رواد_هاه؟!كيف انت اصلا ماعندك حتى بيش تصلح مكيف سيارتك

نوح_غير اسمع يارواد نقولك اني معاك للموت صاحبك وانت تعرف الحال نبيك تسلفني مبلغ نبني بيه روحي ويسفرني ويخليني نقرا ونخدم تحت رايتك شن قلت؟

رواد_والله شن بنقولك فاجئتني بهدرزتك ترا كم المبلغ يلي تبيه؟

نوح_ 50الف دينار....توتر

رواد_هاه؟!والله جد اني متفاجئ منك صراحة يعني شن سبب كل هادي الحوسة اصلا؟

نوح_يعني متبيش ؟ اصلا اني ديما حظي هكي امي ماتت واني صغير وبوي سيبني وخوالي طردوني واني قاعد في حالة يرثى لها........ استعطاف

رواد_ مش شدان فلوس القصة ياراجل ...اوفف "تم يابرو باذن الله غدوا مبلغ يكون عندك وانشاءالله مع السبوع جاي نمشو لبريطانيا بس نكون معاك صريح لازم تخدم معاي زين حتى تعوض المبلغ راه

نوح_تم والله انك عز التريس واني خدامك بادن الله مش رح نقصر معاك.

نوح_(في الحوش)واخير حققت يلي نبيه بدينا في اول خطوة
:بعد اسبوع
نوح ورواد في المطار...

صراحة القصة كاتبها من قبل توا كيف نشرتها مهم نبي دعمكم ورايكم ف نفس الوقت وانشاءالله تنزل كلها قريب