نصيحة

البارت الرابع

البارت الـ4

‏A_فـ اليوم الثاني الساعة 4:00 امشي رواد لـ حديقة الملكة،وكان نوح على مسافة يراقب

نوح_<تفكير>زعما نسأله نقوله من هداكم يلي كنت باعتهم ليا؟والا لا،.........

نوح_برو شن جو

رواد_حبيبي شن الوضع تي وين مبارح

نوح_والله قلت خليني نْـدور شوي فـ مدينة ونغير جو

رواد_به مليح

نوح_اني ناديتك اليوم لاني بنهدرزلك موضوع

رواد_شني احكي

نوح_ندخل ف موضوع طول بدون مقدمات ،اني معش نبي نخدم معاك وكان على الدين توا نخلصك فيه وهدم  الـ1000 جني استرليني يعني مايقارب الـ6000 دينار لييي ومع الوقت توا نخلصك

رواد_اهههااااااا؟! خيرك شن صار حتى تبي تفك الشركة

نوح_شركة؟!هههههههههههههاههههه>قصدك شركتك انت اما اني مجرد عامل على قولتك الفقير مش زي الغني

‏B_قعد رواد ف حاالة غضب وهو يشوف لي نوح ف نظرات حقد من يلي سمعه

نوح_خيرك شن صارلك فكرت انه الموضوع بيخليك تفرح

رواد_<بأعلى صوته >شكلي اعطيتك اكثر من قيمتك رح نعلمك كيف معش تقدر تقيم راسك مع الاكبر منك

نوح_؟!خيرك انت شن فيك بجد متغير هلبااااا راه من لما ركبنا الطيارة وانت قاعد تقصف

رواد_اني منعرفكش وانت مش شريك ليا في رزقي كل هذا الرزق ليا اني وبس تسمع فيا؟ وانت مجرد نكرة قاعد بروحك لااهل ولاصحاب كل شي ليا اني وبس ذكرني انت شن عندك؟

‏D_نوح قشعر جسمه من الكلام يلي قاعد يسمعه من اقرب صديق ليه وقعد في حالة غضب وكان على وشك حتى ان يضربه

نوح_انت يلي ماعندك اي شي عبارة عن مجنون يكره على اسباب مجهولة وتافها ليش الكره هذا كله لأي سبب

رواد_هااااااه نكرهك وبس؟لا بلعكس تماما الكره ولا شي قدام حقدي تجاهك نتمنالك الموت وبأبشع الطرق

نوح_؟!لهدرجة انت حالتك النفسية صعبة لهدرجة اني رافعلك ضغطك يلا بس مش فاضيلك

رواد_ رح نتلاقو قريب بس المرة جاية رح يكون اللقاء الاخير

‏C_ امشي رواد بس نوح قعد.يلحق في ويراقب فيه من بعيد وصل رواد لـحوش كبيير 

نوح_شنو هذا حوش مني معقولة شاري حوش؟ لازم نعرف حوش مني يلي جايه بس كيف

‏H_امشي نوح لحديقة الحوش وقعد يراقب ويسمع في رواد

رواد_ياا رهف يارهف

رهف_نعم

رواد_ وين عمي

رهف_قاعد ياخد في دوش شوي ويجي

نوح_<حالة استغراب >مني هادي ومن عمه كيف مقاليش انه عمه يسكن هنا

رواد_تمام بالله كلمي الخدامة ديريلي قهوة

نوح_هاااه شن فيه هدم منو موضوع وله يخوف اكثر واكثر

‏G_بعد نص ساعة دخل عم رواد ويلي كانت الصدمة عند نوح لما شافه

رواد_اهلا كيف حالك ياعمي انشاءالله صحتك كويسة

نوح_<استغراب>هاااااااه كيف هدا مش عمي مصباح يلي شفته قدام الفندق؟شن جابه هنا وكيف يعرفو بعض كيف عمه مش فاهم

الحاج مصباح_به يارواد والله شن اخبارك وين معش شفناك هاليومين

رواد_كيف بنفضى وهداك الكلب قاعد عايش

مصباح_خليه وفكك منه ابعد عليه عبارة عن كلب على قولتك مش مستحق ضيع وقتك على خاطره

نوح_هدا شن يقول يقصدني بكلامه والا شنو

رواد_لازم يموت بااسرع وقت

مصباح_هاااههههههاههههه ليش مستعجل ياولدي توا يموت شن صار في جماعة يلي بعتتها ليه

رواد _مش عارف ياعمي مشوله للفندق ومالقوه خايف يكون حس لانه اليوم طلب انه معش يخدم معاي

الحاج مصباح_ <حالة غضب > كيف يحس هدا اكيد من غبائك اكيد انت داير شي مخليه يحس انه في خطر عليه ضروروي يموت ولو عرف اكثر رح يكون فيه شريك لرزق هذا كله

رواد_مستحيل نخليه يدخل لحياتي مستحيل يحلم حتى بربع مني كل شي ملكي ملكي اني وبس هو مليش اي حق في رزق هدا

‏K_استغرب نوح بسماع كل هذا الكلام وجي في باله هلباااا اسئله من يكونو هدم وشن علاقتي برزقهم  ومن يكون الحاج مصباح وليش رواد يبي يقتلني ،كل هدا في البارت الاخير