أشباه الرجال 🫀مكتملة🫀

🫀الجزء 50🫀

🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°

#الفصل الثاني: إلتئام الجرح🫀
°●الجزء: تسعة و تسعون (50)●°

خرجات ياقوت و حليمة لصالون .. كانت كلثوم و ياسمين جالسين و نجاة عمرات ليهوم أتاي و الفقاص و الأشكال د الحلوى على البطلة ..

ياسمين(مخاطبة ياقوت): .. ياقوت ديني لطواليت أختي ! ..

حايمة جلسات معاهم و ياقوت مشات مع ياسمين ..

ياسمين(مع دورة وقفات): .. ناري اصاحبتي الملل !

ياقوت(جراتها فيديها): .. مشي لطواليت ..

ياسمين: .. الا راه غير بغيت نخرج من تما .. نجلسو حدا الدار ؟ ..

ياقوت(حركات رأسها): .. مانحتاجوشي .. عاندنا جردة في لور دي دار ..

جراتها ياقوت معاها حلات الشباك د الباب لي تيخرج لجردة .. صغيرة على قد الحال شجرة د العنب و النعناع تغرس فيها مؤخرا .. مشاو جلسو على الكراسى لي محاوطين الطبيلة الصغيرة ..

ياسمين(خشات يديها و جبدات تيليفونها من صدرها): .. توحشت رجالاتي ! ..

ياقوت(تاتشوف فيها بإبتسامة): .. ايمتا تخطابتي ؟ ..

ياسمين(طلقات الضحكة): .. من نيتك علا تخليني كلثوم نحط رجلي فزواج بلا قراية ولا مستقيل لا هي لا داك حسن ! .. (قلبات تيليفون تاتوريها تصويرة واحد ) .. هادا كاوري ساكن فطاليان تلاقيتو صيف د العام لي فات فمارتيل تبادلنا نوامر .. (تادور يديها فالهواء) .. وامبرعني كادوات و حوايج من الماركات فاش كيجي .. (مركزة على التيليفون حتى جبدات ليها تصويرة واحد أخر وراتها ليها كان شارف داير نظاظر خطوة وحدة لقبر .. وعلى سيرته قلبات ملامحها) .. و هادا معارفنيش فوجهي ! .. كايصيفط ليا التعبئات .. حازق و مافحالوش ولكن الموهيم نحيد منو شي لعبة مايعرفنيش غير هكك .. (تاتدور فالتصاور و وراته واحد أخر كاتنهد من قلبها) .. و هاد ولد القحبا طايحة فيه شابعة معاه العذاب و الصداعات مع دارنا و فلخر خلاني و مشى لصاحبتي .. (صغرات عيونها) .. ضربت معاه خمس سنين مجرجرني معاه ولد الكلبة .. (سرعان ماتبدلو ملامحها لإبتسامة شيطانية) .. شفتي هاداك لي قلت ليك مكايعرفنيش فوجهي و كايصيفط ليا التعبئات ! .. راه باه د هاد ولد القحبا لي مجرجرني .. (وراتها تصويرة شخص أخر ) .. هادا بان ليا بديت نطيح فيه ! .. (بإبتسامة ماكرة و بقلة حياء نطقت ) .. كيعرف يبووس كايخليني طايرة فسما بلا جناح .. (إعتمدت ماتقولش ليها بلي أستاذها) ..

ياقوت(عقلها حبس كاتسمع و كاتزيد تصدم منها على هادشي ملامحها كانو جديين و بغصب نطقت): .. واش نتينا حماقتي ؟ .. (زادت خرجات فيها عينيها و حواجبها معقودين) .. نقولو لوال ماشي موشكيل و لكن هايدا لي تصاحبتيلو مع يباه ؟ .. (زادت عقدات حجبانها فيها) .. و البوسان ؟ ماحشمتيشي ؟