BIAKHLUA

CHAPTER-4

Biakhlua pawh Richie a thlah zawh chuan in lam pan in a in khalh haw a, inbual leh te te in chumi zawh ah a khum lam a pan a. Khum ah chuan in thawlh in a phone chu an en a, instagram lam ah chuan lo dm tu an awm tih chu hmu in a hawng a. 'ih.. I chhelo korean bak ka vei ngai loh nen' tih chu a chhiar a a hriat ngai erawh ani hauh lo, reply loh tawp ai ah tiin 'ka lawm e' tih te chuan a reply a. A phone dah in a maimitchhing vang vang a, a ngaihtuahna ah chuan a thinlung hliam tu Miriami bawk a lo awm leh ta. Hui deuh pap in a tho a a room fridge atang chuan whiskey chu phawrh in a in a, khum ah chuan mu leh in a thil in chu a rawn thawk ta nge a muhil ve mai bawk a.

Lehlam ah Sangpuii pawh chu a hlim ngei mai, eng dang vang a nilo Lesky reply na chu a a chhiar nawn sek a. Biak leh chu a tum zet na a mahse naktuk a biak ah a ti leh ta zawk a.

Nithum lai a liam leh ta Sangpuii pawn a biak chhunzawm leh bik lo hna ah a buai ve nen, mahse engtik lai mahnin Biakhlua chu a theihnghilh ngai chuang lo.

A beng bul a rawn au vak tu chu rum zet a melh in 'Lalrosang i mawl amiii??' Tih tuar pah in a bul a lo khi vur vur chu a en a. 'Hei hi office aw mut na tur anilo' sual thiam zet chuan Rsa chuan alo tia, chhan pawh a chhang peih lo. Nizan khan a mu theilo khan Biakhlua thlalak ig a a post ho chu a en tlaivar thak a chuvang in office ah Sangpuii chu a muhil ani.

A ngawi vung vung a chutah a  phone la chhuak in ig ah chuan 'I dam maw??' Tih chu ava thawn leh ta nge nge a, rei vak lo ah Biakhlua chuan a seen a mahse a reply miah lo chu chuan a ti hnual deuh mahse a buai aniang tiin a dah leh mai bawk a.

A message tone a hriat rual in a thil ei lai dah hmak in a phone chu a ban nghal chat a Biakhlua anih loh reng a ring lo. Chutah ner nuk hian a message dawn chu a en a 'inhnuai ah lo chhuk teh ka nghak che' a bialpa hlui Remruatfela lek chu lo niin, 'ka kal awm lo' tih pah in a delete hmak. Rody chuan 'enge a?' A lo ti vat  a, 'Remruatfela hi mawle' tih pah chuan a message dawn chu a hrilh a, Rody chuan 'a zak lo mai mai e a chhuk reng reng suh ang che' tiin Rsa pawh chuan 'Lalsangpui i ngam chuan chhuk ang che ka kek phar lawp che ni mai' a rawn ti ram hmak bawk a.

Sangpuii leh Remruatfela te hi kum 3 dawn an in zui tawh a, inneih hial an rilruk mek laiin Sangpuii hian hmeichhe dang nen an in biakna a hmuh vang a inthen an ni a, ngaihdam mai a tum laiin chu a hmeichhe biak thin chu Remruatfela bul ah chuan lo vui in Sangpuii chu a hrawk  hrep a, ani hmeichhe luhlul tih tak ah a then hmak mahse a la hmangaih fo chu a in haw ngawih ngawih hi ani tawp. Ngaihzawng neih leh pawh a tum tawh lo a chak lo bawk mahse Biakhlua a hmuh khan a vei em em ringawt mai ani.

Nileng a an buai hnu chuan haw tur chuan an in tin tuah a Rody chu kalna tur a neih avang leh Sangpuii chu hruai ve zel a rem loh avang in a haw san a. An in vai liam hnu chuan muang chang hian Sangpuii chuan kawngpui lam chu a pan a, chutah chak zet a motor lo tlan chuan a rawn su thawi a a thingthi hnawk mai a khup lah chu ana zek.
Motor atang chuan a khaltu pa chu lo chhuak in 'ana em?' A rawn ti a  en lem lo chuan Sangpuii chuan vin hlar hian 'i mawl ami?? Hawi ta che' tih pah chuan thawh mai a han tum a mahse a tlu leh chiang kher mai. A su tu pa chuan ngawi reng chuan kaih thawh a tum a, chutah chu pa hmel a hmu chu che chang lo hian phawk hru hian a en reng a, ni e a vei em em Biakhlua ngei ani.

'I hre thei em?' A rawn ti leh chu bah nuai hian 'aw kal e ah nilo tho lo.... a mak ee tho thei e' a ti nuai a mahse a tho thei hauh lo mai. Chutah Biakhlua chuan zo tak a pawm nawlh in car ah chuan  a thut tir a Sangpuii chuan tawng kam khat pawh a chhak chhuak lo, Biakhlua pawh chuan ngawi reng chuan a tlan pui ve tawp a thik na mit nen a lo thlir reng tu erawh chu an hmu hauh lo.

'Kha lam ah kan in a awm lo' aw lawi lek lek hian Sangpuii chuan an ti a, Biakhlua chuan aw key hniam ruih tlem a tham lek lek chuan 'tunge in in ah kan kal dawn ti, Aizawl mi i nih ve ngai chuan helai hi damdawiin panna anih hi' a ti hmuk a Sangpuii run tawk avan tling tak.. A chhan mai loh avang chuan Biakhlua bawk chuan 'Pawisa duh  vang hian na der a mi bum hmang an tam tawh chuvang in keimah ngeiin ka hruai che anga a senso zat dik tak ka pe ang chumi zawh ah chuan i haw ang haw na tur chu i ngaihtuah ang' a ti nghut a. Sangpuii chuan a en reng ringawt a Biakhlua lah chuan 'hma lam en rawh hmeichhe mit nghal zet hi ka ngaina lo' a tih leh chuan Sangpuii chuan a ngei kher mai mahse chhang tur in a tawng theilo, hepa hu hang hi a na lutuk tlat atin ni. Damdawiin ah chuan Doctor chuan check in na lutuk em em anih loh vang chuan an haw theih thu a hrilh a, Biakhlua chuan ngawi reng a pawisa pe in a chhuah san daih a.

Sangpuii pawh muang chang chuan a chhuak a, Biakhlua chu ala tlan thui lo 'heihamm' tih pah chuan in turn in damdawiin lam bawk chu a pan a. Muang zet a kal mek Sangpuii hma ah chuan ding in 'chuang rawh' ati bung hmuk a, Sangpuii pawh chu a chuang ve mai bawk a. Ni e mipa dang chu nise ka mamawh lo e tih pah in a kal leh daih tawh ang chu mahse hei chu Biakhlua ani tlat.

'Khawi veng' ati leh hmuk, ngeiawm viau ang in lang mahse pa ati ru tlat a duh zual phah tlat Sangpuii chuan. 'Kanan veng' zawi sap hian ati a, Baptist biak in bul an thlen dawn chuan 'hetah hian ka lo chhuk ang' ati a, Biakhlua pawh chu a ding ve mai a. Sangpuii chu a chhuak fel ta maw tih ah Sangpuii lawm thu sawi tur ang zuai tawh pawh chu ngaihsak lo in a tlan nal nal. 'Ho ee ig ah ka be thei tho' tih pah chuan an in lam chu a pan ve ta a.

Biakhlua pawh chuan in chu thleng in a inbual zui nghal a, a nu leh pa te chu an thiante fanu man hlanna ah an kal avangin tumah an awm lo. A inbual zawh chuan vawiin a hmeichhia kha a ngaihtuah chhuak zawk a 'hneawm' tih pah chuan hla a ngaithla daih. Chutah a message tone vang chuan a phone chu a han en a ig ah chuan a hma a lo be tu hnen atang chuan 'ka lawm e, ka khup pawh ana tawh lo' tih hi  a dawng a. 'Henu lek chu lo niin, teh hrep a ka duh chi pawh anilo' tih pahin a reply leh ta chuang lo.

Remruatfela pawh chu tum bur in a mu a, a mitthla ah vawiin a mi pakhat in a bialnu hlui motor a a pawm lut lai chu hmu in a thik takzet. Remruatfela hian Sangpuii hi a hmangaih takzet mahse a lo lerh kawi ve zawk thin bawk si  duh thlang dawn se Sangpuii aia thlan tur a hre leh chuang silo. Sangpuiin mittui tla chung a 'eng ang pawn awm in tina in lerh san mahila min then phallo tihna rilru hi i nei a mahse mihring ve tho rilru let ve thei tho ka ni tih hi i hre tawh mai em? ka rilru a let tawh chuan thi dawn pawh ni ila ka hawi kir ngailo ang' atih te chu hrechhuak in a kalsan tak tak dawn ni a hria in a biang ah mittui chu a luang thla ngiai ngiai bawk a. Mahse a dem lo a thiam loh ani miau a, hmangaih tu te an kian a kan chan meuh hi chuan thinlung hi a rum ve vawng vawng thin reng ani...

(Heti chen hi ni phawt se ka mit ana lutukk, khawngaih in like leh share kha aw💜)