|غموض جارنا|
الكاتبة سناريآ
قناة التلي https://t.me/nurse2_4
أذا أعجبك البارت لا تنسى التصويت وترك تعليق جميل
أرينا: التفتت وراي احس گلبي وكع بين رجلي من شفت حزيران واگفة ورانة وعلى وجهة علامات الاستغراب
گاعدين اني واندي بالصالة وحدة لازگة نفسها بالثانية وكأنو نريد نحمي نفسنا ومنزلين راسنة بالگاع من الخوف
وحزيران گاعدة گدامنة حاطة رجل على رجل وعيونها مليانات عصبية وتهز رجلها بتوتر والبيت هدوء بحيث اذا توگع ابرة بالگاع ينسمع صوتها
حجت حزيران بعد سكوت لمدة ربع ساعة بنبرة مليانة عصبية وسخرية
_اي ست زهراء احجي شنو الكلام الي سمعتة برا ومنو هاي المرأة وبدون لف ودوران
_ها اا المرأة هاي...... هاي
_اي احجي ليش كل هالخوف ما راح اذيج
_ها ا. هاي المراة وحدة هيج تعرف آدم
_ها وحدة تعرف آدم شايف گدامج زعطوط وجاي تضحكين عليه ترا سمعت كل كلامجن بس هسة اريد اسمعة منج
_باعي حزيران بس اهدي وراح افهمج
_اشايفتني واگفة اگطع بشعري واصيح گاعدة دامج بكل هدوء يالا جاوبيي
_اءء هاي المرة اءء....... طليقة آدم السابقة وام حسوني
فتحت عيونها بصدمة وبقوة بقت تباوع بوجهي يمكن ما مصدگة الي جاي تسمعة بقت ساكتة وبس تهز برجلها والله لو تعرف كل الحقيقة الا تعلگني بالبنكة گالت ورا مدة بنفس نبرتها السابقة
_اي احجي
_شحجي
_احجي شلون عرفتي زوجج المصون جان مزوج وشوكت بدون جذب ولو بحرف واحد فاهمة
_اممممم الصراحة................. عرفت بي مزوج من اول ليلة تزوجتة هو اعترف الي بالحقيقة وجاب حسوني يمنة وگال گال...... يريد يبدي من جديد وهو هم يحبني وزوجتة السابقة تركتة وتركت حسوني من جان عمرة شهرين........ فهو راد نبدي حياتنا بدون اسرار وهاي كل الحقيقة وگال ما گدر يعترف بالبداية علمود لا يخسرني
_جيد جيد كلش جيد ما اعرف شاحجي مع الاسف عليجن علساس اني الاخت الجبيرة وكلشي اعرف طلع المي يمشي من جوة رجلي اهنيج على كلشي الاخت زهراء طلعت مزوجة واحد مزوججججج قبلها وعائلتها ما تدري الا ورا سنة والاخت الذكية الاخرى طلعت تعرف بس ما حجت اي شي والا هي شتحجي اذا ملتهية ويا صديقها الي بسببة تروح للجامعة بس علمود تشوفةةةةة
