كانت مستنيه يجي اليوم اللي تشوفه فيه بقالها سنه ونص..وفي اليوم اللي اتقابلو فيه حست ان روحها رجعتلها وان ممكن في امل انهم يرجعو لبعض تاني..سلم عليها واتكلمو وساعتها حست احساس غريب وان في كلام كتير جواها ليه بس كتمته عشان ميحرجهاش.. بص في عنيها وفهم هي عايزه تقول ايه من غير كلام قالها""احنا اصحاب واتفقنا علي كده من سنه ونص"" ردت وبكل ثقه عشان متبينلوش اللي جواها قالتله "" ومين قالك اني بفكر في غير كده"" وسابته ومشيت قبل ما دموعها تنزل وقررت انها متكلموش تاني ولو حتي اصحاب..وهو روح واعد يفتكر حبه ليها كان عامل ازاي وازاي بسهوله سابو بعض بس حس ان خلاص فات الاوان.. اتصل بيها عشان يطمن عليها مردتش عليه مع انها نفسها ترد تقوله انها مش قادره تعيش من غيره بس مقدرتش.. اعد يكلمها حوالي 10 أيام مردتش عليه قرر يحاول يوصل لاختها عشان يعرف هي مالها وفعلا وصل لاختها وقالتله ان هي خلاص مبقتش قادره ترد عليه لانها تعبت بسببه كتير.. حس بالذنب اوي واعد فتره مش عاوز يكلم حد.. حبه ليها بدا يرجع يوم بعد يوم مبقاش قادر يشوف حد غيرها بس مقدرش يواجهها بعد ما عرف اللي حصلها بسببه.. كتم جواه حبه ليها في الوقت اللي هي كانت فيه بتحاول تنساه. دعا ربنا كتير انه يجمع بينهم تاني..اتصل بيها تاني ردت عليه بكل برود قالتله أزيك قالها بقيت كويس قالتله وكنت ايه قالها كنت غبي لما فكرت في يوم ابعد عنك واشوفك حاجه تانيه غير حبيبتي وام عيالي..هي مصدقتوش قالها انا خليتك تتعبي كتير والفتره اللي فاتت انا كنت بتعذب بسبب تانيب الضمير.. فضلت تسمعه ومردتش بولا كلمه كل اللي حصل إنها مقدرتش تمسك دموعها.. واتقابلو تاني بس المره دي كانت غير الاولي وعادلها كلامه تاني قدام عنيها اللي مبطلتش دموع.. وساعتها حبهم لبعض خرج من الكتمان وعوضها عن كل لحظه هو كان سبب تعاستها....
The moral : مهما حبت البنت ولد بجد عمرها ما هتقدر تنسى حبهم لبعض لحظه ولا بعد مليون سنه هتكرهه عشان حبته بجد
