You Fill My Heart [Completed]

◾31◾

(Unicode)

ဂျောင်ဂုအဖေ၏ ဈာပနာဟာ မိတ်ဆွေတွေနဲ့ ကုမ္ပဏီဝန်ထမ်းတွေသာမက မီဒီယာတွေ သတင်းထောက်တွေနဲ့လည်း ပြည့်နှက်နေကာ လုံခြုံရေးများမှာ မနည်းတားနေရသည့်အခြေအနေ။

ဂျောင်ဂုမှာတော့ တနေကုန် ဂါရဝလာပြုသူများကို ပြန်နှုတ်ဆက်ရင်းသာ အချိန်ကုန်နေရသည်။ Legend Entertainment ၏ စီအီးအိုမို့ လာသူတွေက အနုပညာအသိုင်းအဝိုင်းထဲ မရေမတွက်နိုင်အောင်ပင်။

ထိုထဲတွင် ထယ်ယောင်းတော့ မပါ။ ထယ်ယောင်း ပါဝင်သရုပ်ဆောင်ထားတဲ့ ဇာတ်လမ်းက စပြနေပြီမို့ ထယ်ယောင်းမှာ promotion တွေနဲ့တင် လက်မလည်ဖြစ်နေရှာသည်။

ဂျောင်ဂုမှာ ဒီလိုအခြေအနေတွေနဲ့မို့ ထယ်ယောင်းနောက် မလိုက်ပေးနိုင်တော့သလို ထယ်ယောင်းဟာလည်း ဈာပနာကိုပင် မလာဖြစ်သေး။

ဂျောင်ဂုကတော့ ဈာပနာတွင် ဂါရဝပြုရတဲ့နေရာမှာပင် ကြာကြာမနေရ။ မီဒီယာတွေက ကင်မရာမီးတဖျတ်ဖျတ် မိုက်ခွက်တစ်ထိုးထိုးနဲ့မို့ လုံခြုံရေးများဟာ ဂျောင်ဂုကို အခန်းထဲတွင်သာ နေစေတော့သည်။ ဒီအရာတွေကိုလည်း သူငယ်ချင်းဖြစ်သူ အီဆော့မင်ကသာ အစအဆုံး ဦးဆောင်စီစဉ်ပေးထားခြင်းသာ။

အခန်းထဲတွင် နေနေရသည်မှန်သော်လည်း အပြင်က အသံတွေကိုတော့ တစ်ချက်တစ်ချက်ကြားနေရသေးသဖြင့် ဂျောင်ဂုမှာ စိတ်အေးလက်အေး မနေရ။

"ဥက္ကဌကြီးဆုံးသွားတော့ အခုနေရာကို ဘယ်သူယူမှာပါလဲ သားဖြစ်သူဂျွန်ဂျောင်ဂုကပဲ လွှဲပြောင်းယူသွားမှာလား ဖြေပေးပါ"

"Legend Entertainment ကို ဆက်ပြီး ဦးစီးဖို့ ဘယ်လိုအစီအစဉ်တွေ ရှိပါသလဲ"

"ဥက္ကဌကြီးက ကင်ထယ်‌ယောင်းနဲ့တွဲတာကို လက်ခံခဲ့ပါသလား"

မီဒီယာသမားတွေ၏ အသံစာစာများက ဂျောင်ဂုကို စိတ်ရှုပ်စေသော်လည်း ဒီအခန်းက လက်ရှိတွင် အလုံခြုံဆုံးဖြစ်နေလေသည်။ ထိုသတင်းထောက်တွေက ဘယ်သူ့ကို မေးနေလဲမသိပေမယ့် သူများဈာပနာမှာ ဒီလို ရုတ်ရုတ်သဲသဲဖြစ်နေတာတော့ တကယ့်ကို အဆင်မပြေပါ။ သူတို့ သတင်းတစ်ပုဒ်ရဖို့သာ သိကြသည့်နှယ်။