#ما_بعد_الهروب
#البارت_السادس
اصفن واحاچي الروح وين احنه چنه 💔
هم ترجع الأيام ويلتم شملنا 💔🥀
لصاحبها
شهم:- شفت اسد بلغرفه وحده وصافن بعالم ثاني
گتله
شهم:- خير اسد شبيك
أسد:- اكثر من البيه شنو اهلي بعد مااگدر اوصللهم
شهم:- گول يالله يمعود شده وتزول
أسد:- يارررررب
گمت طلعت اشوف الجنود
أسد:- شونكم ياابطال معنوياتكم شلونها
الجنود:- عالي العال سيدي
أسد:-كفو منكم يأأسود
شهم:- اسد هاك تلفونك جعفر جاي يتصل بيك
اسد:- تمام من رخصتك خل اشوف شبي
شهم:- بعد ماراح اسد يحچي بلموبايل انفجرت عبوه ناسفه والكل ستنفر الحمدلله محد تصوب وصارت موواجهه وأسد ويانه بس كان الحزن مبين على وجهه هدء الوضع شوي وگدرت احجي ويا
شهم:-اسد شبيك شيريد منك جعفر
أسد:- بتنهيده هذا جدك مو جعفر
شهم:- جدي؟!! شيريد
اسد:- هه يريد هسه اخلي ابوي واهلي يطلعون للبصره صحه ضميره بعد فوات الأوان
شهم:- استغفرالله تفرج حبي وذب الصخام الجگاير مو راح تگتل نفسك
اسد:- خليني اطلع ضيمي عوفني شهم وروح محتاج اكون وحدي
شهم:- براحتك بس مو تتأخر اجي امووتك
أسد:- انشاءالله
.
.
.
.
جعفر:- الحمدلله على السلامه جدي
ابو أمجد:- الله يسلمك طلعوني من هنا مابي شي اني تردون تمرضوني گوه وگام يگح
أمجد:-يابه بس نكمل الاجراءات ونطلع
جعفر:- بهمس هو مو صوجك صوجي اني كسرت ضهري وشلتك
مهيمن:- واني اگول هسه يجر عدل والله ماتصيرله چاره
جعفر:- عود اني نقهرت عليه امدا لگلبي الفطير
أمجد:- شبيكم تتساسرون انت ويا
جعفر:- على ابوك الحنين
أمجد:- احترم نفسك لسانك كلما زال ويطول
جعفر:- خالي هيه مالت حجي ابوك ضالم
أمجد:- انت گلت ابوك وشما يسوي يبقه ابوي وهسه لو جاسم سامع كلامك راح يجاوب نفس الجواب الاب غالي مهما يسوي وشمايگول يبقى ابونا هاي الكلمه الكاسره ضهري
مهيمن:- الله يهدي ويصفي النفوس انشاءالله وامشي خل نكمل الاجراءات
.
.
.
أم أمجد:- ولكم شنهي وينكم يمدهورات وينچن
