السلام عليكم. شونكم ان شاء الله بخير
نكمل ال part 2
اني ما اريد ارجع بس امي خطيه تبجي رجعت ع مود امي من وصلت للبصره شبكتني وتبجي وكالت بعد ما افاركج وامي طبخهه طيب كلش مسويتي الاكل الي احبه خطيه الله لا يحرمني منهه بس زوجهه ما يباوع. بوجهي ولا يريدني. مبين
نوب رجعت اكمل دراسه وهوا يشوفني ادرس ما يتمنى الي الخير فا راحت ايام اجت ايام احسه يعني سلوبه مو مثل الاول. يريد يكسر عيني لءن ما اخذت ابن اخو وما زوجته 💔
كام. يتحارش وذب كلام واني اخاف انام اليل كمت ما انام دراستي تخربطت فا قررت انو اسوي حل. ....
امي ما اكدر اسولف الهه لءن عدهه اطفال من عنده 5
وامي وين تروح اهله ما بيهم خير. وما يتحملون وهمه اطفال
فا بقيت ساكته كلت خل اروح اعيش بيت جدي الي همه خوالي
لءن اذا ابقى ساكته وبقى بلبيت كلشي يصير اليوم ذب كلام. باجر كلشي يصير والبشر مو امان 💔
سوالف ويا خالتي كتلهه اني اريد اعيش عدكم بس ما ادرس ولا شي بس ابقى عدكم لءن ما اريد ابقى هناك سولفت الخالتي كلشي ع زوج امي خالتي كالت تعالي حالج حالنه .
رحت البيت جدي ال همه خوالي
عشت راحت ايام اجت ايام كلت لازم اخلي شي انسند عليه قررت اشتغل ويا خالتي الجبيره عدهه صالون شتغلت وياه تعلمت الحلاقه النسائيه بس خالتي زوجه غريب يعني واني متقيده ما اخذ راحتي. صح زوج خالتي خوش انسان بس اني ما احب اثكل ع احد وبقى بيته. بس شسوي لا حول ولا قوه 😕💔
رجعت البيت جدي وما اطلع لءن ما يقبلون بينه تطلع حياتي عباره عن نوم واكل وقهر وتفكير. بس لا دراسه ولا شغل ولا اي شي
فا كلت اروح البيت عمتي اعيش يمهه كلت اطلع اشوف الناس لءن راح يصير بيه حاله نفسيه كله وحدي وحدي
رحت ال عمتي كالت اسويلج جواز ونسافر. بس خل اسوي الجنسيه مالتج
المهم كتله تمام. اول يوم رحت. تعالي طبخي اني استحي كلش. كتله صار يوم ثاني كالت اريد هيج اريد هيج. والله العظيم بليوم الواحد اطبخ واغسل المواعين ونوب اعزل البيت ونوب اغسل ملابسي. بيدي حته ما تشغل الغساله الي ونوب تعالي صبغي شعري سويلي تسريح. بين قوسين تريدني خدامه
هيه زوجها سافر بقينه اني وياه بلبيت فا اني انام فوك وحدي طفي عليه السبلت اكلهه ليش طفينه تكلي حته تحترين وتكعدين وشايفين جو البصره شلون حار اموت حر اكعد يعني ليش هيج اني مو بنت اخوج بشر حالي حالج بس اكو بشر حقير حسبي الله ونعم الوكيل عليهم
نوب كتله شوكت نسوي الجنسيه كالت نشوف يوم ونروح اجه اليوم ورحنه وصلنه لدائره كلولي وين ابوج المن جايه عمتج كتلهم ميت ابوي امج وين امي مزوجه اخو اخت كتلهم ما عندي. خطيه الضابط نقهر عليه
فا هوا ضل يسئل بيه انتي عايشه ويامن اني عايشه ويا خوالي بلبصره وعمامي بكربلاء. لازم اكول اني ساكنه بكربلاء بس جفصت كتله بلبصره 😂😂 نسيت والله. صعدت الغيره البصراويه وكلت من البصره 😂😂😂ههههه
جان هيه هاي الحقيره عمتي 🙁🥺
كامت تصيح عليه كدام الضابط اني نقهرت بسرعه ابجي
وتكلي طلعي يلا طلعي ما تعرفين تحجين انتي غبيه
طلعت اني ونقهرت جان ورا شوي اجت كالت تعالي نكمل مو وكت بجي هسه كتله ما اريد جنسيه تولي امشي نرجع للبيت. كالت يلا يلا امشي.
رحت اني لءن عالم ستحيت. جان الضابط نقهر عليه كلهه لو ما البنيه جان ما اكملهه الج
وهيه من رجعنه كالت يلا طبخي تمن يعني واحد تعبان اله خلك يطبخ سكتت ورحت طبخت التمن صار شوي لين خبص الجو هسه هذا هم تمن شنو مسويه نفسج بس انتي وبس. يعني صار لين شوي شدعوه عليج ولبيت محد بي بس اني وياه هيه ما يصير عدهه اطفال
كلش تعبتني والله العظيم نوب مستمره ع هاي الحاله طفي السبلت اني ما اكدر اسولف الاحد امي تنقهر خطيه. وهيه اكل ونوم واتصالات ويا صديقاتها
والبيت كله عليه سكتت اني تحملت لءن اني بشر اريد اعيش
نوب سولف الخالتي كتلهه هيج وهيج كالت خالتي عمت عينها اسوي بيج هيج واني عايشه. ولج انتي هيج اسوي بيج سوده عليه خاله. هسه ادز خالج يجي ياخذج واني مقهوره وبجي نوب كتله اني راح اروح خالي راح يجي عليه كالت الله وياج.
نوب سوت اكل الزوجه وكعدو ياكلون ما صاحت الي ولاني ما احب هيج لءن ما عشت ويا ناس فكور وما عدهم اخلاق وما يكرمون الضيوف هيه الله رازقها وخير من الله بس هيه فكر.
المهم. رجعت البيت جدي. وال جايات الله يستر منهن
